أهو إللي كنا خايفين منه حصل

**medo_2060** · 16-02-2011 02:57 AM

هههههههههههههههههه
ادى اى خدنا من الثوره يعم الحرس الجمهورى قتل نص مليون واحد.. وامريكا احتلت النوبه وايران احتلت الحسين
وكنتاكى قفل ونهر النيل جف

**ahmed_mido1889** · 16-02-2011 03:20 AM

اهم حاجه ان الريس بخير؟؟؟؟
ده انا لاقيت طائرات بتحدف علينا قذائف زباله من المحرمه شارعيا

**Ahmed Samy** · 16-02-2011 03:25 AM

المشاركة الأصلية كتبت بواسطة maserati

السلام عليكم و رحمة الله و بركاته

أنتوا بتتريقوا, أنا امبارح فعلا و أنا مروح بيتنا الساعة 2 بالليل, لقيت فيه مدرعة اسرائيلية أودام بيتنا فى المنصورة و لما طلعت الشقة, لقيت القوات الاسرائيلية بتشرب نيسكافيه فى المج بتاعى .

طب اتفاوض معاهم ...المج مقابل السلام هههههههههههههه

**Moe86** · 16-02-2011 04:56 AM

جامد الموضوع الوثائقى دة, الاسرائيليين هما اللى كسروا الأسفلت و ملوا الشوارع زبالة

**lonedoctor** · 16-02-2011 08:56 AM

المشاركة الأصلية كتبت بواسطة dr ahmed

هههههههههههههههه

أنا كنت راجع إمبارح من العيادة لقيت الجنود الأمريكان مقفلين الشارع قلت ماشى وحودت من شارع تانى
لقيت الإسرائليين ماشيين سكرانين فى الحوارى قلت ماشى
شارعنا كان بيحارب الشارع اللى جنبنا فى حرب أهلية قلت ماشى
اتصل بيا رقم عشوائى من بلد عربية وشتمنى برضه مهمنيش
طيارة هليكوبتر نزلت على سطح بيتنا بدأت أتضايق
دبابة إسرائلية وقفت قدام الجراج بتاعى ومش عارف أدخله نفد صبري وقلت لأ عندك انت وهو
قمت ناده شوية عيال من بواقى اللجان الشعبية وزقينا الدبابة ودخلت عربيتى الجراج ، وقبل ما أدخل فسيت عجل الدبابة
أمال إيه
هما فاكرينها سايبه؟

والله انت زى العسل

**mailo** · 16-02-2011 10:28 AM

المشاركة الأصلية كتبت بواسطة human12

بوكيرتوف ادون مايلو

ولا بكرتوف ولا مزلتوف يابن عمي
مفيش بينا كلام لحد متسيبو مصر الجديدة
وأنا سمعت إنكم هتيجوا المعادي وده ماكانش اتفاقنا وأي دبابة هتخش المعادي هنستعين بحزب الله أهو جنبنا فدار السلام هنخليه ييجي يظبطكو

المشاركة الأصلية كتبت بواسطة m.mostafa80

مش معنا ان كان فى حد ليه وجهه نظر او متخوف من حاجه معينه
يبقى تهاجموه بالشكل دا
وخصوصا انها كلها سيناريوهات كانت متوقعه
وبيتهيئلى محدش يعرف الغيب غير ربنا
فا مش معنى ان شخص حلل الأمور وشافها بمنظور معين يبقى تتريقو عليه كدا
مع ان الأشخاص دى واللى انا كنت واحد منهم كان متفق معاكم فى مبداء واحد هو رحيل النظام لكن الأختلاف كان فى كيفيه الرحيل والتخوف من سيطره الجيش على الحكم
والحمد لله ان رجال الجيش اكدو شرفهم وصدق وعدوهم السابقه انهم هايحافظو على الأنتقال السلمى للسلطه

ده موضوع خفيف كده عشان حرقة الدم اللي كنا فيها الكم يوم اللي فاتوا مش مقصود بيها أي فرد أو أي فكر طبعا
متزعلش قوي كده :)

المشاركة الأصلية كتبت بواسطة ahmed samy

طب اتفاوض معاهم ...المج مقابل السلام هههههههههههههه

مفيش مفاوضات هيقوللك هنجيبلك كوباية من العتبة بـ 2 جنيه
ماتتنازلش عن موقفك
مفيش غير المقاومة الشعبية
وأول ماتخلص معاهم ابقى ابعتلي sms

**ahmed_mido1889** · 16-02-2011 02:12 PM

المشاركة الأصلية كتبت بواسطة mailo

ولا بكرتوف ولا مزلتوف يابن عمي
مفيش بينا كلام لحد متسيبو مصر الجديدة
وأنا سمعت إنكم هتيجوا المعادي وده ماكانش اتفاقنا وأي دبابة هتخش المعادي هنستعين بحزب الله أهو جنبنا فدار السلام هنخليه ييجي يظبطكو

sms

مين بينده علي حزب الله
مين بيجيب سيره دار السلام
انا عايز اشوف اي واحد بيطبلج
هضرب اللي خلفوه
هطلع فيه السهر اللي سهرته في الشارع

**mailo** · 16-02-2011 02:39 PM

المشاركة الأصلية كتبت بواسطة ahmed_mido1889

مين بينده علي حزب الله
مين بيجيب سيره دار السلام
انا عايز اشوف اي واحد بيطبلج
هضرب اللي خلفوه
هطلع فيه السهر اللي سهرته في الشارع

ده على أساس إن إنت اللي سهرت لوحدك مثلا

خُده بالكم بقى عشان أنا سمعت من الموساد شخصيا إنهم بيحاولوا يحتلوا دارالسلام
بس لسة ماحددوش يخشوا من فايدة ولا من أبوطالب

**ahmed_mido1889** · 16-02-2011 03:00 PM

المشاركة الأصلية كتبت بواسطة mailo

ده على أساس إن إنت اللي سهرت لوحدك مثلا

خُده بالكم بقى عشان أنا سمعت من الموساد شخصيا إنهم بيحاولوا يحتلوا دارالسلام
بس لسة ماحددوش يخشوا من فايدة ولا من أبوطالب

يا باشا انت في الفتره اللي فاتت عرفت مين الراجل ومين الخواجات

وانت متعرفش ان مسكو واحد كان بيحاول يسرق عربيه

بلغو الجيش بعد لما عدموه العافيه

الجيش لقي اشباه بني ادم

وبعدين مره تانيه واحده اتبلت علي واحد

فمسكناه

بس للاسف ملحقتش اضربه

اختي بلغت الجيش قالها فين قالتلو في دار السلام قال للي معاه الحق بلغ لحسن ياكلوه ويموتوه

**M7amD_7amDy** · 16-02-2011 03:24 PM

خلاص يارجالة

رأس البر تعيشوا انتوا

شلة إسرائيلية هجموا عليها ونصبوا الخيمة وبقت بتاعتهم خلاص

حتى الصورة بتاعت مبارك اللى على اول الطريق رجعوها تانى

وواقفين تحتها بيقولوا ( أصل هنا محدش يفتح بوقوووووا )

ابقوا صيفوا فى جمصة بقه او فى البانيو :)

الموضوع: أهو إللي كنا خايفين منه حصل

LinkBack

أدوات الموضوع

عرض

-

-

-

-

-

-

-

المواضيع المتشابهه

مش عارف أيه إللي حصل

إللي إختشوا ماتوا...

ادي اللي كنا خايفين منه حصل " طبيب بيطري يذبح الخنازير ويبيعها على انها لحوم ضاني"

للناس إللي بيقروا كتب بس

الكلمات الدلالية لهذا الموضوع

المفضلات

المفضلات

ضوابط المشاركة