الموضوع: أهو إللي كنا خايفين منه حصل

انا امبارح صحيت من النوم لقيت عسكرى اسرائيلى بيصحينى بيقولى معندكش حاجة حرشة تتاكل (( حرشة تعنى فى اللغة العربية : اى شئ فاتح للشهية مثل مخلللات _ جبنه قديمة ))

طبعا انا رفضت بقوه وقلت ليه الا الحاجة الحرشة

المشاركة الأصلية كتبت بواسطة samcar

وما كانش معاهم اجندات

السلام عليكم و رحمة الله و بركاته

لأ, كل اللى كان معاهم يا باشا, كانت نتايج و حتى كانت من بتاع السنة اللى فاتت, اللى كانوا مستخديمينها أيام حصار غزة, ما كانشى معاهم نتايج من بتاع 2011, حتى أنا قلت للواد الاسرائيلى اللى كان بيشرب نسكافيه فى المج بتاعى , فين نتيجة السنادى, قاللى أن الحزب الواطى اللى كان متواطئ معاهم, لما لقى أن ثورة 25 يناير حصلت, فكروا أنهم ممكن يلغوا يوم 25 يناير السنادى و يخلوا يوم 26 ييجى عالطول بعد 24 بالتالى يبقى مفيش ثورة و لا حاجة, بس لما الأحداث تتابعت و النت اتقطع, الحزب الواطى ماعرفش يكلم الجيش الاسرائيلى على skype و يقوله عالموضوع ده و بالتالى الجيش الاسرائيلى, مالحقش يطبع لا النتايج و لا الأجندات بتاع 2011 و جه و جاب معاه نتايج من بتاع 2010 و كمان فيه كلام أن الأسطول الأميركى اللى واقف عندنا فى المنصورة فى النيل, تحت كوبرى طلخا, بعت البلطجية بتوعه عشان يحاصروا كافيتريا الفراعنة اللى عندنا فى المنصورة و يلموا كووووووووووووووول معسل الخوخ اللى فيها, عشان يقدروا يتحكموا فى سياسة اتخاذ القرار فى المنصورة عندنا.

الموضوع شكله بجد مش لعب عيال .

يا خبر ابيض وانا اللى كنت فاكر ان الدبابات اللى بتعدى تحت بتينا دى تبعنا طلعوا من العدو انا هنزل هرمى عليهم طوب
دلوقتى

وياجماعه لسه ناس مكلمنى حالا اوع حد ياخد منهم اى وجبه كنتاكى علشان بيقولك فيها سم

لكن لو سندوتشات مؤمن كل عادى متقلقش دى سليمه

اللي هيجنني...ضحالة الثقافة السياسية عند الكثيرين...ممن صدقوا هذا الكلام الفارغ..
ومنهم للاسف مهندسين ودكاترة ...!!!!