الموضوع: انا جاى اطمنكو بعد الحادثة وطبعا بعد ما البلد ولعت

السلام عليكم ورحمة الله وبركاته
انا كنت عامل موضوع قبل كده عامة قبل احداث 25يناير انى كنت عملة حادثة وكنت بسالكم على اسعار قطع الغيار
وكلكوا متتخيروش عن بعض والله فعلا انتم الواحد مش عارف يشكركوا ازاى
المهم انا جاى بطمنكوا وقول لكم قطع الغيار اللى انا جبتها وتشوفوا الاسعار دى حلوة ولا لا وبالمرة عشان تعرفوا الاسعار
عدد 2 مقص امامى 430 تركى بس نضيف قوى بالبيض والجلب بتعته كامل يعنى
2 كوبلنج داخلى 600 المانى العربية اوتوماتيك
وطبعا قولت اشيك على الاسكترا قولت بالمرة اصينها وبالفعل فيكتها وروحت اجيب طقم اصلاح بس كان عامل 450 جنية دا غير الشدادات لانهم عندى اتعوجو هما كمان وكان سعرهم 150 دى اسعار جديد فسالت عليها كلها جديدة وجبتها ب 2250 قولت اريح واضمن
قاعده فتيس اللى هى فوق الاسكترا المانى جديد 240
2 كاوتش للكوبلنج الخارجى ب 60 تركى
دا كان بالنسبة للاشياء الميكانيكيه وطبعا المصنعية مافيش عشان انا اللى بعمل دا عندى فى الورشة
نيجى بقى للسمكره
2 باب امامى وخلفى نفس اللون ب 600 مليان مش فاضى بس من غير الفرش وعلى فكرة اخدت اربع ابواب لانهم بتوع عربية واحده على 1200 ومعاهم المريات والحالة زى الجديد
2 مرايا ضم كهربة + الكاتوت 650
رفرف يمين امامى 150 بالغماز
واكصدام امامى بالفوجات ب 850 بالكاتوت والمفتاح
شبكة نفس لون العربية 100
وجبت شاشه اعطال 200
واربع ريش للتكييف 100
بس هى الحاجات اللى انا جبتها قولى بقى الاسعار دى عاملة ايه اضحك عليا ولا لا
والف شكرا ليكم كمان مرة وياريت تقبلونى معاكم فى العصابة بتاعتكم