حقائق مذهلة عن موقع جوجل

**samehafez** · 15-02-2011 03:35 AM

يا شباب ترجمة جوجل بتعتمد علي تواتر الترجمات ... بمعني لو فيه 100 موضوع بالانجليزي
israel occupied egyptian lands or soil or sinai
فده بيكون مرجع للترجمة في وجود الكلمات الاساسية ( مصر و اسرائيل و احتلت )
طيب جرب تكتب امريكا احتلت الهند
America conquered India
لان المواضيع المذكور فيها الكلمات الدلالية قد تكون اقتصادية و كامة conquered اقتصاديا او رياضيا و هي تحمل نفس معني احتلال
لكن لو جربت امريكا تحتل العراق هتلاقيها الترجمت صح لوجود صفحات كثيرة تتكلم عن احتلال امريكا للعراق
و هيحصل نفس اللي بيحصل مع مصر لو عكست يعني لو كتبت العراق احتلت امريكا هيتكتب
America occupied Iraq

بالتاكيد يعني مفيش واحد قاعد عشان يترجم ترجمة فورية عشان يغيظنا
ارجو ان تكون الصورة واضحة

**fepsceasar** · 15-02-2011 03:59 AM

وحياتك انا جربت العراق احتلت مصر وعكسها، بلاش موضوع من لا موضوع ونشكك فى الناس ونقول حقائق مذهلة وبتاع

**mahmoudysf** · 15-02-2011 04:27 AM

الرحمة يا رب

**mikology** · 15-02-2011 04:38 AM

انا جربت ليبيا إحتلت اسرائيل و ترجمها ترجمه مظبوطه
اظاهر كلام رالى ارت صح

**mazagngi2010** · 15-02-2011 05:31 AM

ناس كتير اشتكت لوائل غنيم وكلم جوجل فى الموضوع ده ونشر الحوار ده فى جروب خالد سعيد اول امبارح وكتب انهم هيحلوا الموضوع

**damasry** · 15-02-2011 07:54 AM

يا شباب هو فيه غلط لان جربوا كده تترجموا الجملة دى

"مصر احتلت دولة اسرائيل"

ها تترجم صح يعنى لو هما متآمرين كانوا خلوا الترجمة غلط بردو فيها

**د.أبونضال** · 15-02-2011 09:41 AM

لو تتذكروا ما حدث في غزة 2008
أولا:لدى إسرائيل جهاز دعائي ضخم جدا مهمته قلب الحقائق، وعرض صور الفلسطينيين الشهداء في وسائل الإعلام والإنترنت على أنهم إسرائيليين، وأتوقع أنهم يدخلون أيضا على "ترجمة جوجل" ويقلبون الحقائق أيضا. ولأن أجهزة الأمن العربيةتفرغت للمعارضين وأهملت الإسرائيليين منذ زمن بعيد، أتوقع أن ساحة الإنترنت لا تزال بكرا في هذا النوع من الصراع الأيديولوجي الذي لا دراية لنا به مطلقا. وأذكر في هذا الصدد أن زوجة خال زوجتي وهي هولندية الجنسية، عندما كانت في مصر وتناقشت معنا في هذه المسائل كانت على يقين قاطع أن العرب هم المعتدين على إسرائيل وأن إسرائيل غلبانه وتدافع عن نفسها فقط. وطبعا لم تجد في هولندا أحدا يخبرها بالحقيقة لأن العرب يتحدثون إلى أنفسهم لا إلى العالم .
النقطة الثانية، وائل غنيم ليس من فجر الثورة لكنه النظام بغبائه، راجعوا أحداث الثورة ستجدون أن الأحداث كانت تتصاعد كردود أفعال على تصرفات غبية للنظام وليس لأن وائل غنيم دعا إلى ذلك، لقد آن الأوان للكفر بنظرية المؤامرة وبعبادة الفرد. لا يمكن أن يكون شخص واحد مسئول عن كل المحاسن، أو المساوئ.

**محمد عز** · 15-02-2011 10:15 AM

انا لسه مجرب الترجمة حالا

ومافيش حاجة زى كده

مش اى كلام يتقال نصدقه واحنا بايدينا ممكن نتاكد

السؤال هنا؟

كم واحد جرب يفتح موقع جوجل للترجمة ويكتب الجملة علشان يتأكد بنفسه؟