حقيقى فرق كبير بين الوجان الفرنساوى و العربيات الكورى

**faragelo** · 15-02-2011 02:39 PM

حقيقى فرق كبير بين الوجان الفرنساوى و العربيات الكورى زى الفيرنا و الانوس....
يا جماعه العربية دى خيال أنا أستلمت الفول اوبشن 2011 من 4 أيام و العربية ماشأ الله فوق الوصف, عفشة إيه و ماتور إيه و أوبشنس إيـــــــــــــــــــــــ ــــــــــــــــــــــه.... المهم أنا عندي سؤالين :-
1- أول أما إستلمت روحت مونت 60 لتر 92 وكان كمبيوتر الرحلات بيقوللى إنى ممكن أمشى بيهم حوالى 395 كيلو متر تقريبا,, بس إمبارح لقيت إن فى شرطتين نقصوا فى عداد البنزين و كمبيوتر الرحلات قاللى إنى باقيلى حوالى 445 كيلو متر علشان أمون تانى....إزاى ؟؟؟؟

2- و أنا ماشى فى مره دخلت تحت العربيه من قدام حجر رصيف من بقايا اللجان الشعبية لاقيت خبط و رزع تحت العربية و وقفت طبعا.. جه واحد خرج الحجر اللى إتحشر من تحت بس المكان اللى إتحشر فيه الحجر إطبق بسيط .. المكان ده تحت الموتور .. أنا مالقيتش زيت نزل ولا حاجه بس بردو لسه مقلق من كرتيرة الزيت فإيه العمل دلوقتى؟؟ هى العربية ماشيه كويس الحمد لله بس الإعوجاج اللى حصل تحت ده مقلقنى هل التوكيل ممكن يستعدلوه ويشيكو على الكارتيره؟؟ العربية عامله 300 كم...هاروح أول صيانه إمتى ؟؟؟

أنا أسف إنى طولت عليكم

**bishoy02010** · 15-02-2011 02:45 PM

اولا الف الف مبروك
ثانيا متقلقش الكارتيره ديه مش موجوده فى تلت تربع العربيات يعنى الحمد لله انك معاك لوجان ومحصلش اى حاجة فى الموتور لأن الجزء ده بيحمية وممكن يستعدل عادى ويتغير كمان لو تحب والف مبرووووووك

**faragelo** · 15-02-2011 05:27 PM

شكرا على سرعة الرد

بس السؤال الأول ممكن حد يجاوبنى عليه

**MOUSTAFA_SAAD** · 15-02-2011 06:14 PM

كومبيوترالرحلات بيغير القراءه على حسب السرعه اللى انت ماشى عليها علشان كده مش حيفيدك غير فى المشاوير الطوالى وعلى فكره تنك العربيه بياخد 50 ليترفقط مش 60

**bishoy02010** · 15-02-2011 07:32 PM

السؤال الأولانى صفر بس الأول كمبيوتر الرحلات وهيبتدى يحسب صح متقلقش وغلط تفول 60 لتر المفروض تخليه يفصل مع اول فصلة وميزودش عن كده

**tamer61** · 15-02-2011 08:39 PM

ألف مبروك على العربيه وربنا يباركلك فيها و عموما الحمايه إللي تحت الموتور هي إللي إتعوجت .... ما تقلقش هي معموله علشان كده وممكن تتعدل وتتغير كمان زي ما بيشوي قالك. و على فكره أول صيانه بعد 5000 كم. وتقبل تحياتي.