استشارة في راوتر Thomson TG585 V7

**SHNORY** · 16-02-2011 05:48 PM

المشاركة الأصلية كتبت بواسطة sayed911

تمام كده يا استاذ شنوري انا جربتها ونفعت وفعلا مشتغلش غير بالسلك تاني ..
ولكنا انا كنت بفكر فكرة يمكن تكون فكرة زي نظام الريسيفر مثلا يعني الإنسان مثلا حضرتك قاعد في المكتب والراوتر برة في الصالة حضرتك تفصل الراوتر وخلاص خلصت ولما تحب تشغلوا تاني يبقى برضوا عن طريق الاب من غير ما تحتاج تروح تشغلوا مانيوال تاني بإديك هوة ده اللي بفكر فيه :d تفتكر طريقة البرودباند دي كفاية ولا ها اصحى الصبح الاقي الراوتر من لسخونية بيعيط ؟

انا حقولك حاجه واحده بس ردا علي موضوع السخونيه ده
انا الراوتر بتاعي عامل عليه شبكه صغيره عند المحل
محطوط في بلكونه واحد صاحبي
وبقاله 4 سنين متشالش من الكهربا ههههههههههههههههههههه

**SHNORY** · 16-02-2011 06:09 PM

المشاركة الأصلية كتبت بواسطة sayed911

ههههههههههههههه عاش قوي الكلام ده :d :d اصل انا كان عندي راوتر قبل كده من نوع smc والله من كتر السخونية كان بيهنج لو اشتغل اكتر من 8 ساعات متصلة وعليه احمل كمان تلاقي بيهنج ووصل لمرحلة انه كان بيسيح البلاستيك تحتوا كمان :d :d عشان كده حضرتك طمنتني الى حد كبير قالك اطفيه واشغلوا جو اوروبا ده ها يقلب بغم هوة الصح كده ان شاء الله ما عانوا اتشال هوة بياكل ولا بيشرب :d خلصت القصة خلاص هوة من النهاردة مش ها يصعب عليا ومش ها ينطفي ولكن انا قررت اني افجر الزرار اللي من قدام لأنه كوميدي جدا لدرجة اننا كلنا اول ما جبنا الراوتر عندنا نفس المشكلة من الراوتر ده :d :d الف شكر بجد يا استاذ شنوري وعاجز عن ابداء الشكر يا اخي وتحياتي لك للغاية ..

ربنا يكرمك يا باشا ومفيش شكر بين الاخوات
اضيفلك مشكله بس كانت حصلت معايا في الراوتر ده
كان اول ما يسمع ادان المغرب في الصيف يقعد يعمل ريستارت لمده 3 او 4 ساعات
لما جنني وركبني العصبي
وبخرته قولت يمكن فيه عفريت بيطلع مع اذان المغرب
لحد ما احمد يك اسماعيل ahmed su قالي اقيس الكهربا
ولقيتها 180 فولت
ولما دورت عرفت ان السبيد تاتش حساس جدا للكهربا
فاشتريتله منظم تيار (استبلايزر) ب150 جنيه بقاله سنه ونص هوه وزي الفل
فلو حصلتلك نفس المشكله ابقي اشتريله منظم التيار

**SHNORY** · 16-02-2011 06:24 PM

المشاركة الأصلية كتبت بواسطة sayed911

لا الباشا اللي عندي تقريبا مفش عليه ولا عفاريت وجن ولا اي حاجة بس هوة ساعات بيهرج تهريج سخيف وابقى مثلا انا فاتح من اللاب وفي نفس الوقت من الموبايل يروح فاصل نفسه انا بصراحة منكرش انه ليه حركات نص كم كده ساعات ولكن حتى الآن انا شايف انه الثومسون ليها مميزات كويسة يعني سرعة بدء التغشيل ممتازة بصراحة وكفاءة التحميل والضغط على الجهاز من اكثر من لاب برضوا بيفضل بنفس الكفاءة والأهم بالنسبة لينا الشبكات بصراحة برضوا هوة ممتاز الحقيقة وفعلا لازم اشكر حضرتك على المجهود اللي بذلتوا معايا انتا والأخ thediesel بجد الف الف الف الف شكر اديتوا الواجب وزيادة كمان وبجد انا عاجز عن الشكر فعلا والله ...

بس انا حاسس انك فعلا مش عارف تشكرنا ازاي مع ان الموضوع بسيط
حول لكل واحد فينا 100 جنيه رصيد واحنا حنعتبرها هديه واجبه القبول ههههههههههههههههههههههه

**SHNORY** · 16-02-2011 06:36 PM

المشاركة الأصلية كتبت بواسطة sayed911

هههههههههه طيب جميل اتفقنا :d :d :d

نمرت حضرتك كام ؟ هل ممكن دي تعتبر عملية ابتزاز ؟؟هههههههههههههههه النهاردة البلد كلو قاعد مستني للتاني غلطة احنا بنقوم بثورة تكنولوجيا هه والله يا استاذ شنوري انا جية في دماغي فكرة عبقرية انه مثلا نقول انه الأسبوع ده ها نتعلم كلنا حاجة موضوع كامل في المنتدى مثلا عن طائرات الراعم ... نفضل اسبوع بالكامل نفصص في الطيارة دي لحد ما نتعلم عنها كل حاجة والسبوع اللي بعده نختار موضوع منفصل تاني خالص وهكذا ها نزود معرفتنا زي ما بيحصل في اماكن كتيرة ولكن انا بدأت براوتر مش عارف الزرار الأساسي فيه بيعمل ايه عشان كده مسدقت اني اطمأنيت انه انا مش لوحدي :d :d :d ربنا يخليك لينا يا كبير ولكن مش شايف انه 100 جنيه قليلة شوية على الخدمة الي انتوا عملتوهالي يا جماعة انتوا ليه متواضعين قوي كده بحبحوها شوية اطلبوا حاجة تستاهل :d :d

يعني زرار في راوتر ذلنا وكلنا اعترفنا بذله وعرفنا وظيفته بعد ما كسرناه
تقولي طيارات هههههههههههههههه
بص انا ححولك 100 جنيه ياعم بس متقولش لحد انك تعرفني
ههههههههههههه

**aboalm** · 16-02-2011 08:30 PM

يا عم انت تاعب نفسك من الصبح عمال تسأل عن الزرار اللى قدام بيعمل ايه مع ان الوضوع سهل جدا انت تسأل الراجل اللى ورا عمر سليمان و هو حا يفيدك جدا فى الموضع ده