الموضوع: راوتر

تابع الخاص

المشاركة الأصلية كتبت بواسطة tananybasha

موفق ان شاء الله
الرواتر ده محترم قوى

شكرا لمرورك الكريم ..

النهائى كام؟

للجادين فى الشراء أرجو الاتصال على 01002469532

كل راوترات جديده زيرو وبتتباع من 150 ل 175 ج وحضرتك بتبيعوا ب 200 ومستعمل 4 شهور وعلشان قولتلك اشتريه ب 125ج ابقى جشع وشخصية غير محترمة معلش ان مش هرد زيك وده ردي ليك.

اتفضل يا استاذ ده راوتر اخو بتاعك جديد لم يستعمل وضمانه مع لينك دي اس ال وبايعه ب 175ج ولينك اه :

...............

وده راتر تاني جديد برده زيرو واتباع ب 150ج ولينك اه :
..............



ها يا استاذ يا فاضل من بقى الجشع فينا ومين مش اللي محترم ياريت بقى تعرف تحترم اللي يكلمك بعد كده وغلطتي اني كلمتك على الخاص اساسا وكان المفروض ارد عليك هنا .

واخيرا موفق في البيع ان شاء الله

............................................*
لقد حصلت علي انذار مع وقف اسبوع لمخالفه القاعده 13 من قواعد المنتدي
يرجي مراجعه قوانين المنتدي

11.49م
20/11/2011

مشرف 14 ب

يا جماعه الموضوع مش مستاهل كل ده
البيع عرض وطلب ومافيش داعى للغلط
تنفع مطلع اغنيه واللهى
والحمد لله انى ماقلتش اشتريه ب 100 جنيه
انا عارف ان الراوتر محترم جدا بس المشكله ان معظم الشركات دلوقتى بتدى راوتر هديه
زى ماحضرتك قولت والراوتر الحالى بتاع فودافون (مجانى)
وموفق فى البيع ان شاء الله

المشاركة الأصلية كتبت بواسطة twister_flasher

كل راوترات جديده زيرو وبتتباع من 150 ل 175 ج وحضرتك بتبيعوا ب 200 ومستعمل 4 شهور وعلشان قولتلك اشتريه ب 125ج ابقى جشع وشخصية غير محترمة معلش ان مش هرد زيك وده ردي ليك.

اتفضل يا استاذ ده راوتر اخو بتاعك جديد لم يستعمل وضمانه مع لينك دي اس ال وبايعه ب 175ج ولينك اه :
من هنـــا


وده راتر تاني جديد برده زيرو واتباع ب 150ج ولينك اه :
من هنــــا



ها يا استاذ يا فاضل من بقى الجشع فينا ومين مش اللي محترم ياريت بقى تعرف تحترم اللي يكلمك بعد كده وغلطتي اني كلمتك على الخاص اساسا وكان المفروض ارد عليك هنا .

واخيرا موفق في البيع ان شاء الله

يأ أستاذى الفاضل إذا أردت عرض مشكلة تبقى تعرضها كاملة وبأمانة ..... وتذكر أنك البادئ بالإساءة واتهمتنى بالجشع .. (خليك حقانى)
1) أنا عرضت الراوتر على المنتدى بـ 200 جنيه
2) انت راسلتنى على الخاص مباشرة وعرضت الشراء بـ 125 جنيه وقلت (إذا كان يناسبك) ثم عرضت أسباب لذلك لم أفهمها.
3) قلتلك فى رسالتى أنا لم أفهم كلامك لكن عرضك لا يناسبنى على الإطلاق.
4) وبعدين إنت أصريت تفهمنى فى رسالة تانية علشان تقنعنى بعرضك ..
5) فقلتلك فى سالة أخرى متشكر على المعلومة ونصحتك تشترى من السوق علشان هيكون أفضل وأرخص ليك - طبقا لكلامك عن أسعار الجديد - (وده معناه إنى رافض تماما عرضك ومش لازم بالضرورة إنى أقتنع بكلامك).
6) واضح بعدها إنك انفعلت جدا وده كان باين من رسالتك إللى رديت فيها وقلتلى .. طبعا أفضل أشترى من السوق أحسن من الجشع .. وكتبت كلمة الجشع فى رسالتك باللون الأحمر علشان توضحها أكتر وتفهمنى إنى جشع ..
يعنى الغرض من رسالتك هو اتهامى بالجشع (طبعا إهانة) وكأن المفروض إنى أقتنع بكلامك فورا وأوافق على عرضك بالعافية .. أو إنك كنت مش متصور على الرغم من محاولة إقناعى إن الراوتر الجديد بـ 150جنيه إنى برضه هرفض عرضك ... فكان طبيعى أرد عليك بقسوة ردا لاعتبارى (لأن البيع رضا وقبول مش بالعافية) ..
7) وكانت رسالتى الأخيرة قلتلك فيها ... تذكر إنك بدأت بالإساءة والجشع هو إنك تبخس الناس أشيائهم ويا ريت بلاش أى رد آخر غير محترم لأنه هيكشف أكتر عن شخصيتك المحترمة ...

طبعاً انت زعلت قوى وكتبت على المنتدى علنا الحوار اللى حصل بيننا لكن بشكل مبتور يوضح إنك انت اللى مظلوم ... وكان المفروض تعرض الحوار زى ما دار بالضبط للأمانة علشان الناس تعرف تحكم لإنك عارف إن أكيد كثير من الأعضاء ستقرأ الموضوع .. وده طبعا خطأ أكبر وقعت فيه هو إنك تصر و تتهمنى علنا أمام جميع الأعضاء بالجشع (قذف علنى) وتبرهن على ذلك بأمثلة لا تهمنى فى شئ وليست دليلا أبدا ولا أعتبرها حجة على اتهامى بالجشع ..

تعالى نحلل اللى حصل بعيد عن الإنفعالات ونعرف مين المخطئ .. وقبل ما نحلل اللى حصل تذكر دائما (أن البادئ أظلم) ..
أنا عرضت الراوتر بـ 200 جنيه ... وانت كان عندك الرغبة فى الشراء بـ 125 جنيه .. (جميل) ببساطة أنا رفضت وهذا حقى بصرف النظر عن كل محاولاتك بإقنانى إن الراوتر لا يستحق ... وتذكر إن لغة السوق بتقول (بين البايع والشارى يفتح الله) يعنى دى حاجة ما تزعلش والسوق عرض وطلب – قبول ورفض .. حتى لو أنا عارض الراوتر بمليون جنيه .. دى حاجة تخصنى وانت كمشترى لك الأفضل والأرخص ولما تلاقى فيه أسعار تانية لنفس المنتج معروضة أقل منى المفروض بدون تردد تشترى من المكان الأرخص ما دام المنتج واحد ومش المفروض إنك تتهمنى بالجشع علشان رفضت عرضك لأنه لا يناسبنى.. كان كفاية تقول شكرا موفق فى البيع .. لكن تقول إنى (جشع) (الملافظ سعد) .. وده كان (خطأك الأول) ... فحبيت أرد عليك بنفس أسلوبك الإنفعالى وأرد لك الإساءة وده كان (خطأى الأول) لأنى رديت الإساءة بالإساءة وكان المفروض تجاهلك تماما .. أما عرضك للموضوع علنا على المتندى بشكل مبتور تنحاز فيه لنفسك كان (خطأك الثانى) حاولت به تشويه صورتى وسمعتى أمام الأعضاء وإظهار نفسك مظلوم وكأنك لم تتفوه بأى كلمة إساءة ... (ولو كنت تسعى للحق كنت عرضت الموضوع بحذافيره زى ما أنا عرضه دلوقتى)
إذن عليك خطأين (الأول : كنت أنت البادئ بالإساءة باتهامى بالجشع والبادئ أظلم ... الثانى : أعلنت الموضوع على المنتدى بشكل مبتور على غير الحقيقة يسئ لسمعتى لتؤكد على العلن إن oo7 جشع وببراهين وأمثلة ليست مقياسا لأن تتهم بها شخص لا تعرفه خصوصا أننى لم أسئ لك منذ بداية المراسلة بأى شئ على الإطلاق كل ما هنالك أننى عرضت شيئا يخصنى للبيع على المنتدى).
أما أنا فكان خطأى الوحيد إنى رديت الإساءة بالإساءة وأهنتك كما أهنتى وكان المفروض تجاهلك تماما مع العلم أنى لست مسيئا بطبعى فلا يمكن بأى حال من الأحوال أن أرد على أحد بالإساءة ما دام الحوار فى إطار من الاحترام.. إنما أنت الذى كشفت عن شئ فى نفسك بأسلوب دفعنى إلى الرد عليك بهذا الأسلوب (كنت أتعامل معك منذ البداية بكل هدوء وباحترام كامل ثم فوجئت بك تقذفنى بالحجارة فهل كان على أن أصمت ؟؟!!... ربما ...
وأخيرا أحب أن أقول لك أننى كثيرا ما تعاملت فى موضوع البيع والشراء على هذا المنتدى العظيم ويشهد كل من قام بالشراء من oo7 من السادة أعضاء المنتدى كيف كنت أتعامل معهم ...
(إننى فقط أردت بهذه الرسالة أن أحاسب نفسى بصوت عال أمام الأعضاء ما دمت أنت البادئ أيضا .. وذلك قبل أن أحاسب أمام الله)

وعلى الرغم من كل ذلك فعن نفسى وأمام أعضاء المنتدى أقدم لك خالص اعتذارى عن خطأى الوحيد تجاهك الذى أعترف به ولا أنكره أبدا .. كما أسامحك على أخطائك التى كنت أتمنى أن تذكرها بنفسك فى إعلانك للموضوع .. ولتعلم أن ما دفعنى لهذا اعتذار وهذا التسامح هو لأنك دعوت لى فى نهاية رسالتك المعلنة على المنتدى بالتوفيق من الله فى البيع .. ولم أكن أريد أكثر من ذلك ... أرأيت كم تؤثر الألفاظ على التواصل البناء بين الناس ؟؟!!