موافق تماما علي كلام حضرتك لازم يفهموا انهم موظفين في الدوله مش اوصياء علي الشعب
ما هما فعلا لسه مرتبكين جدا و مش عارفين يتعاملوا ازاي مع الناس عشان خلاص الناس بطلت تخاف.
عرض للطباعة
بص يا باشا أنا ماليش أحتكاك مباشر بيهم . بس الى بشوفة فى الشارع بجد الناس مش طايقاهم و بصراحة من كتر الظلم الى عملوة بعضهم فعلا يستاهل الضرب ب القديمة ههههههههه . الناس دلوقتى بتتحرش بالشرطة و بتوع الشرطة عاملين طرش مش بيسمعو . احنا لا ننكر أن بعض القطاعات من الشرطة هامة جدا يعنى لو واحد قتل واحد مين الى حا يمسكة و مين الى حا يظبط البلطجية و الخارجين عن القانون و تجار المخدرات طبعا الشرطة بس للأسف رصيدهم بقى صفر و الناس كارهاهم جدا جدا جدا . أنا كنت معدى أمام قسم الزيتون الى اتحرق القسم عبارة عن مبنى مهجور بيتصلح دلوقتى و مفيش فية نفر واحد كلة مستخبى و الى كان ماشى يتقمع ب البدلة الميرى تلاقية لابس جاكيت علشان يدارى النجوم الى كان لابسها . هو لازم يرجعو بس لازم يرجعو بمفهوم جديد و لعلمك 90 بالمائة من الظباط مش حا يكون عاجبهم دة لانهم حا يشعرو أن خلاص ما بقاش فية هيبة ليهم و لا سلطة و دة مجننهم و طبعا مش حا يفصحو عن ذلك . هما يرجعو بس لازم يتغير المفهوم الى أتحفر فى ذاكرتهم عن طبيعة عملهم و يبطلو الحركات الزبالة بتاعتهم بس دة صعب بالنسبة لهم . الوضع صعب شوية لان الناس طهقت منهم و بكرة تسمع أن ظابط أحتك بمواطن و تسمع أن الناس مسكتة و علقتة من رجلية فى الشارع و مليون واحد حا يجامل و يطحن فية فعلا المشكلة دلوقتى فعلا هو أن الشعب بقى رافض شكل الشرطة بس بصراحة الشرطة هية الى زرعت دة و دلوقتى بيحصدو ثمن غلطتهم . مش عارف الحل أية بس المهم هو قصقصة ريشهم علشان ما يتجرموش مرة اخرى و الناس حا تتقبلهم ساعتها
والله انا ببقي في العربيه
واقف في الاشاره
يبقي الامين بيستجدي الضحكه من الناس اللي في العربيات ولا حد معبرهم
خصوصا
تاني يوم التنحي
والناس كلها عماله تشاور لعساكر وظباط الجيش بالعلم وعلامه النصر
وهما واقفين في الاشارات عاوزين يعملوا نفسهم فرحانين مع الناس والناس ولا معبراهم
الوحيد اللي نفسي اشوفه
الامين الي بيقف في اشاره العباسيه
تحت الكوبري بالظبط
الراجل ده قمه في الاحترام
ولو بايدي كنت مسكته الامن المركزي كله
عشان يعلم الوحوش دول
معني كلمه الابتسامه في وش المواطن
طول الوقت ابتسامته علي وشه
وبجد من ساعه المظاهرات مشفتوش
مش عارف راح فين
الراجل ده باجماع كل اللي اعرفهم واسألهم عليه
من اهلي وقرايبي اللي بيعدوا من المنطقه دي
ان الراجل ده محدش شافه مكشر ابدا
ولما حد بيرتكب مخالفه
بيوقفه
ولو يقدر مثلا يخليه يرجع من العكسي بيرجعه
مش يطلع الدفتر ويدب مخالفات
وبشوف ناس كتير في الاشارات كانت تقعد تهزر معاه
ربنا يرجعه بالسلامه يارب هوا واللي زيه وياخدوا حقوقهم
كلام حضرتك صح جدا وهما يستاهلوا اكتر من كده بس ممكن تقول لى دلوقت لو حصل اى حاجة لاى حد فى الشارع او اى مشكلة او جريمة .بالمنظر ده الجاْ لمين فى ظل الظروف اللى فى البلد دلوقتى .الميكروباصات بتخبط العربيات اللى راكنة وتطلع تجرى وساعات يخبطها عن عمد .طيب الحل ايه؟
معلش في نقطة حوادث الطرق داخل المدن دي بالذات كانو بيعملو أية أصلا..دا انتا لو خابطك واحد من أياهم هيلبسهالك انتا ويطلعك انتا ال غلطان بقوة السلطة والقانون.. واغلب جرائم القتل كان بيلبسها ناس ملهومش علاقة بيها بس بيتاخدوا كبش فداء, وممكن تكون عن قصد لان مرتكب الجريمة واحد من أياهم طبعا , وتلفيق تهم .. يا باشا الشرطة بتاعت البلد دي من أوسخ ما أنجبتهم دول العالم.
الحل: معروفين كويس جدا الفاسدين في جهاز الشرطة من الظباط يتقدموا لمحاكمة عسكرية لاثبات حسن النوايا.
حل جهاز أمن الدولة وتفكيكة واعادة ترتيبة كجهة مستقلة عن وزارة الداخلية.
وضع أجهزة مراقبة داخل الاقسام وفي سيارات الشرطة.
ودا خطوات مبدئية وكلها ممكن تتنفذ من بكرة بأمر من الوزير.
أنا معاك إن وجود الشرطة ضروري، بس ما زاد عن حده انقلب إلى ضده، و الشرطة زودتها أوي مع الناس الغلبانة و في نفس الوقت ماكانتش بتؤدي دورها مع المجرمين كما يجب عشان كده الناس كرهتهم، و لو فعلاً الشرطة عايزة تعتذر يبقى ياريت نشوف أفعال مش أقوال لأن الكلام سهل يتقال و سهل ترجع فيه أما الأفعال صعبة، و بشكل عام المفروض يكون فيه رقابة على كل أجهزة الدولة كلها مش الشرطة بس و ساعتها هتلاقي كله اتعدل.
استاذ madoلما في نسبة ضباط شرفاء يعني نفس الي انا بقوله
شكرا عالاحصائيات الي عملتوها بكل دقه عليهم ولقيتوهم في قول1% وفقول اخر5%
!!!اعتراضي الواضح جدا هو شتم الكل بدون تفريق
وهم قرايبي كانوا اشتكوا لحضرتك ولا قالو لحد عملنا انا بس بحكي حاجه بسيطه قوي من اسلوب حياه استمر20 سنه ومش بقارن بأي فئه تانية
اما حكاية واجب دي مش هقتنع بيها متكرموش بقي بتوع حرب اكتوبر ولا 25يناير لأن ده واجبهم!
وفي الآخر هتقلب الهجوم عليا عشان بدافع عن النسبه الي انت نفسك اعترفت بوجودها وطلعتني مش بسيطه و لي ضهر هتيجوا تأمموا ممتلكاتي امتي بقي ده قلب فيلم ابيض واسود
دي اخر مره ارد لأن ببساطه التعليقات بقت تحرق الدم ومترضيش ربنا ومش عيزة اقرا تاني الي يقبل ابوه او اخوه يتقال عليه ربع الكلام ده لو مهنته انتشر فيها الفساد وبقي هو من الشرفا الباقيين يشتم براحته ناس مش موجودة تدافع عن نفسهاوربنا هيحاسبنا كلنا في الآخر علي كل لفظ مس حد مظلوم
احيانا لازم نسيب موضوع عشان ينتهي و يروح في صفح ورا وانا اول واحده مش هساهم انه يفضل
سبحان مغير الأحوال , دلوقتي الناس مش بتخاق من الشرطه وقدام عيني سواق عربيه نقل تشاجر مع عميد شرطه و قاله لو فتحت بقك بنص كلمه كل الناس دي هتولعك فيك و في الي خلفـ ...... !!
أنا أقرب اقربائي مقدم شرطه و مش هقول إن في ظباط محترمين و في ظباط فاسدين , بس طريقه تعامل كـــــــــــــــــــــــل ظباط الشرطه مع الناس و في الطريق فيها غطرسه و غرور , أنا نفسي لو ظابط شرطه و لقيت واحد خايف مني و بيقولي يا بيه و يا باشا مش هحترمه و هعامله بتعالي .
إحـــــنا الي وصلناهم لكده , و دلوقتي بقوا خايفين مننا ..
ليا واحد صاحبى نقيب شرطه
اول يوم المظاهرات يوم 25 لقيته بينظم المرور فى الشارع وانا بهتف
عملت نفسى معرفوش خفت الناس اللى فى المظاهره تفتكرنى مخبر ولا حاجه
يوم الخميس شفته واقف قدام امن الدوله قالى اعقل بقى وبلاش تنزل بكره مع العيال دول
قلت له لو شفتك بكره ه تييييييييييييت
ولسه مقابلتهوش من يومها
واحد جارى امين شرطه يوم اللجان الشعبيه الاول لقيته واقف وماسك سيف بيحرس المنطقه
قاللى معاك سجاير علشان المحلات كلها قافله قلت له عرفت بقى الناس بتكره الشرطه ليه ما هو من امثالك ههههههههههههههه (مع انه من القله المندسه قصدى المحترمين)
قاللى والمصحف لو صيحت لى لاكون مروح وسايبك لوحدك
حاليا بحاول لو شفت عسكرى وانا سايق بسلم عليه (ده طبع فيا ) لانى بحس ان العسكرى او المجند مغلوب على امره
نفسى اقابل صاحبى ده تانى وهو واقف فى اى كمين علشان انزل اصيح له هو واللى معاه بس شكله مستخبى لانه من الظباط المكروهين فى المرور
بس الصراحه انا عذرت الظباط شويه بعد ما شفت اللجان الشعبيه وتلاقى اللى واقف باين على وشه انه سوابق وواقف فى الكمين ومصر يفتشك ويشوف رخصك
وشويه شويه ممكن يسحب الرخص امن ومتانه
يوم السبت كنت فى المرور (تانى يوم التنحى)
نقيب فى المرور واقف يقول رخص السيارات هنا ورخص القياده فى المحله ولابس جاكت فوق البدله
راجل كبير لابس جلابيه قاله انت شغال ايه قاله انا نقيب فى المرور قاله ومش ناويين تبطلوا فساد بقى
احنا فى عصر جديد والشرطه فى خدمه الشعب اتعلم انك بتقبض علشان تخدمنا
افتح الباب يا ابنى وشوف شغلك يا اما تروح بيتكم تلبس الجلابيه
الظابط كان هيعيط وقال يا جماعه انا بحاول انظم الدنيا علشان اسهل عليكم وانتوا اهلنا واحنا فى خدمتكم
بس كان هيعيط
طلعت للموظف فوق لقيته بيقولى هتاخد تصريح علشان الانترنت واقع (عاوز فلوس)
زعقت له قلت له غصب عنك هتعملى رخصه
مش هدفع رشوه انضفوا بقى يا عالم يا تيييت يا اما هدخل لمدير المرور وابهدلك انت وهو
وقد كان اخدت الرخصه كمبيوتر بسنه واستلمت النمر الجديده
الحلقه بصراحه كانت زفت من ناحية الشرطه و جت بنتيجه عكسية
عايزين تخلصوا موضوع الأمن و الشرطه يبقى إسمعوا كلام المحامي المحترم الإستاذ أمير و تكون إجراءات الإصلاح تدريجية مع وجود إراده سياسية و الموضوع هيتحل نهائي بإذن الله
هيه فوضي
مرضى نفسيين
اناا تانى يوم التنحى ماشى بعربيتى
وجيت عند بوكس بزمر عشان اغيظهم
لاقيته بيشاور وعامل فرحان
رحت باصص له وقلت له
الفرحه دى لينا احنا مش ليكم انتم وبصتلوا بصه احتقار ومشيت
لازم يحسو بقيمتهم المتدنيه
والكويس فيهم عارف ان اللى بيحصل دا مش بليه وانه انسان نضيف ومش هيهمه اى حاجه
ههههههههههههههه على رأى أحمد السقا من النهاردة مفيش حكومة أنا الحكومة :d
والله كان جوانا كبت منهم والناس بدأت تطلعه واول حاجه ممكن نعملها زى اللى وسام عملها اننا مندفعش رشوة اولا الرشوة حرام والراشى والمرتشى فى النار زى ماكلنا عارفين
ثانيا دى حياة جديدة لازم كلنا نتغير عشان مصر تتغير
ثالثا لازم يفهم انه موظف فى الدولة زيه زى اقل واحد مهمته خدمة الشعب ويعرف انه مش بيه ولا باشا هو مواطن عاااااااااادى جدا كمان
اولا اعتذر لو كنت تسببت (غير قاصد) بجرح مشاعرك
و يعلم الله انى تحريت فى الفاظى حدود الادب و اللياقة
لكن الحقيقة دائما مؤلمة خاصة عندما تمس ثوابت حياة الفرد
نجى للمهم
(اما حكاية واجب دي مش هقتنع بيها متكرموش بقي بتوع حرب اكتوبر ولا 25يناير لأن ده واجبهم!)
اولا يجب ان تفق انه لا شكر على واجب
ثانيا الشكر و التكريم يكون للفعل الخارق للعادة
مثال1
حرب اكتوبر والعمليات اللى حصلت فيها
الدليل:(لا تزال تدرس فى المعاهد و الكليات العسكرية حول العالم كأسطورة حربية)
يبقى اللى قامو بحرب اكتوبر قامو بشىء خارق للعادة
يبقى يستحقو التكريم و جزيل الشكر
مثال 2
شباب ثورة 25 يناير العظماء
(كل العالم بيشيد بأن اللى قام بيه شباب ثورة 25 يناير هيدخل التاريخ من أوسع ابوابه كأول ثورة شعبية نقية بدون قيادات)
الدليل: احتفاء جميع شعوب العالم العربى والاسلامى وكل شعوب العالم بالثورة و شبابها<انجلترا بتدرس وضع ثورة 25 يناير فى المناهج البريطانية)
كلام كل زعماء العال والشخصيات العالمية ادبيا و فنيا و رياضيا
(بعد مكانش حد بيعبرنا اساسا)
يبقى يستحقو التكريم و عظيم الشكر
(وفي الآخر هتقلب الهجوم عليا عشان بدافع عن النسبه الي انت نفسك اعترفت بوجودها وطلعتني مش بسيطه و لي ضهر هتيجوا تأمموا ممتلكاتي امتي بقي ده قلب فيلم ابيض واسود )
لا يافندم انا مش بهاجم حضرتك ولا حد من اقاربك الافاضل ولا احنا فى فيلم رد قلبى
كل اللى انا عايزة
ان رجال الشرطة الشرفاء يطهرو انفسهم بانفسهم كما تنفى النار خبث الذهب كما يقول الله عز وجل
قال الله تعالى : ( أنزل من السماء ماء فسالت اودية بقدرها فاحتمل السيل زبدا رابيا ومما يوقدون عليه في النار ابتغاء حلية أو متاع زبد مثله كذلك يضرب الله الحق والباطل فأما الزبد فيذهب جفاء وأما ما ينفع الناس فيمكث في الأرض كذلك يضرب الله الأمثال( الرعد:17)
لازم رجال الشرطة الشرفاء يبتدو هما الاول
يعملو قائمة سوداء
تحمل اسم كل من قتل
عذب
اهان
ارتشى
ظلم
اخذ اتاوات
شغل بلطجية
سلط بلطجية
كل ده طوال ال30 سنة اللى عدت
قائمة هم الوحيدين القادرين على تقديمها (فأهل مكة أدرى بشعابها)
لما يقدمو القائمة كاملة بدون خوف او تردد
و تتم محاكمة جميع الاورام السرطانية محاكمة عسكرية سريعة و علنية
حينها و حيتها فقط نقدر نتفاهم
ونعيد الثقة
اخيرا
تقبلى اعتذارى مرة اخرى و تحياتى