انا شوفت العاشرة مساء مع ضباط الشرطة وحاسس انى متفأل خير ان شاء الله مدام هما طلعو اعترفو بـ اخطأهم يبقى انا متفأل ياريت كل واحد يقول رأيو
عرض للطباعة
انا شوفت العاشرة مساء مع ضباط الشرطة وحاسس انى متفأل خير ان شاء الله مدام هما طلعو اعترفو بـ اخطأهم يبقى انا متفأل ياريت كل واحد يقول رأيو
انا عايز وعود مكتوبة و حاجات ملموسة عشان ارجع احترمهم
و كمان الصراحة الواد كلامه معجبنيش و الحلقة نفسها معجبتنيش لم تضف جديدا
لسة قدامهم كتير عشان يصلحوا الشرخ اللى حصل
المهم لو سمحوا بالفيميه ممكن اسامحهم:8954[1]:
واضح انهم كانو طالعين يقولو كلام معين متفقين عليه مع الوزير
واضح كمان انهم لسه لم يدركوا ازاى يكلمو المواطن و يبطلو كدب و عنجهية و مسكنة احيانا
لو فضلو كده سيعاقبو بالعقوبة اللى اقترحها حسب الله الكفراوى و هى الاعدام رميا بالجزم
,والله انا ضغطى على من الحلقة دى كلام الواد بتاع الامن المركزى عصبنى جدا كان كل همه يثبت ان كان فيه مندسين واجندات وكلام فاضى وفضل يتكلم على المظاهرات كأنه من كوكب تانى قال يعنى مكناش فى المظاهرات وشفناهم عملو ايه فضل طول الحلقة يحاول يدافع الظابط التانى كنت حاساه مش فاهم حاجه خالص وشويه وهيقولهم هو انا جاى ليه
بجد الحلقة مكنش فيها تناسق 3 على واحد بس كلام استاذ امير كان جامد جدا وعرف يحرجهم هم التلاته ويعرفهم اللى بيعملوه فى الناس بعيدا عن انهم فضلو يأفلمو لما شلونى
الظابط بتاع الامن المركزى دة كويس و الظابط بتاع الاسكندرية النقيب . اللواء فؤاد علام دة نسبيا كويس بس برضو عاوز يحافظ على كيان رجل الشرطة . الفساد عندهم متفشى لدرجة رهيبة فعلا
الحلول التى قالها المحامى جيدة جدا و دى لو تم تطبيقها حا تكسر رجل الشرطة البلطجى . لو فعلا تم وضع وكيل نيابة داخل الاقسام دة حل ممتاز بس لازم برضو يكون فية رقابة علشان لا يحدث أى نوع من الألفة بين ظابط الشرطة و وكيل النيابة . لابد من أعادة تأهيلهم مرة اخرى أبتداء من الكلية ذات نفسها و لابد من فرض رقابة شديدة جدا عليهم علشان يعاد تاديبهم من أول و جديد لو فية نسبة 10 فى المية كويسة ال 90 بالمائة للأسف زى الزفت و القطران
حلقة قوية جدا الضباط بتتكلم بطريقة مش عجباني(لسة مش فاهمين ان الشرطة في خدمة الشعب)
المحامي كلامة من العيار الثقيل كلام ايجابي جدا وعندة حلول كثير لصالح الاثنين ويجب ان تستغل خاصة في هذة الفترة الانتقالية
الرد ده انا قولته قبل كده لكن اعيده تانى
1- موضوع الصعبنيات واخد حقه معاهم على الاخر لدرجة انى بقيت حاسس انى مش قدام رجالة بجد
و اترككم مع هذا الشعر اللى بيعبرعن معنى الرجولة
مش الصعبنيات بتاعة الجبناء والهاربين من الميدان
Self Pity
I never saw a wild thing
sorry for itself.
A small bird will drop frozen dead from a bough
without ever having felt sorry for itself.
D.H. Lawrence Poems)
2- ضحالة الفكر ( مش عوز اقول حاجة تانية) عند السادة الضباط
والدليل عدم فهم معظم الاسئلة اللى سألتها منى الشاذلى
مثال:
سؤال: ايه نموذج الشرطة اللى بتابعه و نفسك تبقى زيه؟
جواب(عبقرى): معرفش انا مسفرتش بره
(على اساس اننا بنسأل المماليك عن بلاد الفرنجة)
3- ضعف القدرة على اتخاذ القرارات الميدانية لدى السادة الضباط
( و دى راجعة اعتقد لحاجة من اتنين
- سوء تدريب فى الكلية ( ودى تبقى كارثة)
- عدم توفر القدرات الذهنية (فروق فردية) لاتخاذ قرارات سليمة وفعالة فى المواقف الحرجة
(و ده راجع لاختيار ضباط الشرطة من فئة 50% اللى بينقصه الكثير على المستوى الذهنى ليكون ضابط امن < يبدو ان المنظومة كانت قائمة على البطش وليس الاعداد و التدريب>)
4- قرار الهروب الكبير راجع حسب كلامهم لقرارات فردية منهم
( و ده معناه خطير جدا ان يكون الخيار الوحيد لفرد الامن هو الهروب فقط حتى بدون استراتجية لتقييم الموقف و اعادة التنظيم ( طبعا الكلام اللى انا بقوله محتاج عقل يفهم يعنى ايه استراتجيات < معتقدتش ان احد السادة الضباط يقدر يدى تعريف ميدانى للكلمة دى)
(انه برده عدم اهتمام بتدريب افراد الشرطة على التصرف وفقا لتغييرات الظروف المحيطة
(بالبلدى حافظ مش فاهم)
(برده هناك نوع من عدم الثبات الانفعالى عند السادة الضباط
مش قادر استوعب ازاى راجل شرطة ناقص عليه يطلع يعيط فى التلفزيون
ده معناه ان تكوين شخصياتهم ضعيف وهش لابعد الحدود فقط الشخصية كانت مغلفة بطبقة هشة من البطش و الغرور)
5- عندما سألت منى الشاذلى ان لو حد فيهم قابل مواطن
والمواطن قالو انت ملكش كلام عليا دنت هربت هتعمل ايه؟
لقيتهم برضه مفيش قدرة على تخيل الموقف وكأن مفيش حتى قدرة على تخيل سيناريوهات غالبا ما هتحدث
(انت واخد بال حضرتك مفيش قدرة حتى على تخيل موقف فمابالك بوضع فرضيات للتعامل معاه <برضه رجعنا لموضوع الاستراتجيات>)
المحصلة:
يبدو للاسف الشديد ( وانا مكنتش متخيل ان الموضوع وصل بكلية الشرطة للدرجة دى) ان السادة الضباط غير مؤهلين للممارسة مهنتهم كضباط شرطة مدنية لا على مستوى الصفات الشخصية ولا العقلية ولا الدراسة اللى تتيح له اتخاذ القرارات و حسن التصرف فى المواقف العصيبة
( بامانة ربنا ربنا يستر لما ينزاو الشارع لانهم محتاجيين بجد اعادة تأهيل و تدريب)
اما بالنسبة لسيادة اللواء علام فربنا يديله الصحة لسة عايش بفكر الستينات
بتاع دور الاعلام فى تحسين صورة ضابط الشرطة
(لكن اللى استفذنى لما وصف الولاد البسطاء بتوع الامن المركزى انهم فرز رابع على اساس انهم مش بنى ادمين
اما لو كان يقصد على المستوى الذهنى فده برضه مش صح
( امال الساد ة الضباط دول يبقو ايه يا سياده اللواء)
اما الاستاذ امير
قال شوية كلام معقول لكن برضه خيالى
حوار ولا له اى لازمه وزود الضغط عندى
اولا الناس دى رتب صغيره جدا مش فى ايدهم اى حاجه كلامهم دا ميسواش مليم...
موضوع الاستعطاف والعياط مالوش لازمه...
برضه مقتنعين ان هما ضربوا نار عالناس عشان الناس كانت بتهاجمهم كلام طبعا ميدخلش العقل
الراجل الى اتصل الى رتبته رائد تقريبا وقعد يتكلم كلام كأن سرور ولا مبارك الى بيتكلموا..مش عايزين يتعلموا خلاص لا تتكلم كلام يساعد لا تخرس وترحمنا من الكلام المستفز دا..
الاخ رئيس اكاديميه الشرطه السابق اتصل وعامل نفسه من الامم المتحده وعمال يقول ازاى نصلح الشرطه..امال كان بينيل ايه لما كان رئيس الكليه ؟؟ اى هبل بيتقال والله..
كلام المحامى كان جميل واتمنى يكون عنده ادله فعلا ويساعد فى التحقيقات مع العالم دى..
من الاخر كل الكلام دا زى قلته لازم اعتذااااااااار رسمى من العالم دى وقبل كدا لازم يتقال اسم وعقوبه اى واحد منهم قتل وضرب ونهب وسرق واشترك فى مؤامرات الحزب الوثنى وبعد كدا يورونا فى الواقع هيتعاملوا مع الناس ازاى ويسيبوا الناس تحكم...
غير كدا كله كلام فى الهوا وهيعبوا كراهيه زياده ليهم
انا معاكو --مش هانعقد في بيوتنا نحرص ونسيب شغلنا ----لازم نساعدهم
مالا داهيه لو رجعوا ---- من الاول والله الواحد يعمل زي ما قال عمو حسب الله الكفراوي
حلقة زي الطين مش عارف ليه مني الشاذلي تعمل كدة!
بجد حلقة مستفزة ومستوي وعي الضباط المصريين واضح إنه في الحضيض وميعرفوش أي حاجة بتحصل في العالم خارج إطار مكاتبهم
انا اتكلمت مع كل معارفي وأعتقد قولت الرأي ده هنا مرة الصبح ....... احنا محتاجين تغيير شامل للقيادات في الداخلية ... ومحتاجين نعملوا نوع من الــ Circulation أو تدوير للقيادات والظباط بالرتب المتوسطة والعالية في كل الأقسام والنقط .... بالإضافة لتعيين مراقبين ودي مش عارف ايه الجهه المستقلة الي تقدر تعملها ....
بالإضافة لدورات ومحاضرات تبدأ في أقرب وقت لكل أفراد الداخلية لإعادة التعريف بالمعاملة الصحيحة للمواطنين
وأكيد العقاب لكل المجرمين من الداخلية من أكبر مسؤول لأصغر عسكري ومخبر الي شاركوا في أعمال العنف في الثورة الشريفة والمشهود بظلمهم حتى قبل الثورة ..... وأنا على ثقة ان ده لو حصل البلد كلها هتتغير
انا مشوفتش الحلقة بس من تعليقاتكم فهمت مضمونها
وده كويس من منى الشاذلي تعمل حلقة زي دي وتظهر مدى اضمحلال فكرهم وتفكيرهم عشان الناس تشوف وتتكلم والقيادات تتحرك للاتجاه الصحيح لتصحيح اخطاء الماضي
طبعا هادور على الحلقة على اليوتيوب عشان احكم اكتر عليها
الناس دى بجد استفذتنى جدا
والمعادله مكانتش عادله
3 قصاد واحد
ازاى يعنى
وكلام الضباط مكانش موزون ابدا وكلام خيالى كاننا من المريخ
وبيتكلم عن القنابل ومدافع الميه والرصاص كانه لعبه
محدش قال ليه ان الاغلبيه العظمى من الضباط عايشن على الاتاوات واكل الحرام والسرقه والمخدرات والمحاضر المضروبه
مش ععارف منى الشاذلى جابت الناس اللى فى اول الحلقه دول منين
ومجابتش ليه اى فديو من اللى على اليوتيوب وعربيات الشرطه بتدوس على الناس وصور القنابل والرصاص فى جسم الناس
محدش قال ليه ان وزير الدخليه الحالى ووزير البلطجيه والجمال
اللى حصل بعد توليه الحكم اسوء اعمال البلطجه فى التاريخ
متكلموش ليه على المعتقلات والتعذيب
وخالد سعيد وسيد بلاال
كلام كتير متقالش
ويارب يعملوا لقاء تانى
واستاذ امير عجبنى جدا
اتكلم قليل جدااا
لانهم تلاته وهو واحد
بس افحهم بحجه واضحه
وكان رد اللواء خايب من عينه انا معرفش اذا كان الكلام دا فى الدستور ولا لا
أحلى حتة و الباشا الصغير بيقول " تخيلوا يا جماعة شعور الظابط مننا و قدامه أعداد كبيرة و ذخيرته خلصت , يعمل ايه"
لا هي لو كانت ذخيرتك ما خلصتش يا باشا ......كنت هاتعمل ايه ؟؟؟؟؟؟
واضح ان ضابط الشرطة هو ضابط الشرطة لا يجيد الا ان يكون ضابط شرطة
اكتر حاجه رفعت ضغطي ان مني الشاذلي قالت هنعيد الحلقه بكره
بس بغض النظر عن الحلقه
انا كنت قاعد هموت من الضحك علي كلام المحامي وسيادة اللواء
جوز عيال بيتخانقوا مع بعض ومني الشاذلي بتخلص ما بينهم :)
احلي جزء لما كان سيادة اللواء بيتكلم والمحامي علقه وبدل ما يتكلم قال احم احم
وسيادة اللواء كان مستنيه يتنفس علشان كان كل شويه المحامي يقاطعه
ولفله وشه وكان هيضربه
ومني الشاذلي تقوله مقلش حاجه مقلش حاجه هههههههههههههههههههههههه مسخره
A.Yakout
ما فيش فايدة ...
مرضى نفسيين - تفاهة - اضمحلل فكر - ثقافة معدومة
وشوية المسكنة اللى طالعين بيها لا تليق ابدا برجل شرطة
كما انها مسكنة مصطنعة ولسان حاله ماشى ياولاد الك....
وبعدين ايه الهيئة المنحلة دى اللى مش عارفة تجمع افرادها
عمركم شوفتوا جهة تعتبر عسكريه وتستدعى المنتمين اليها ويقولوا لاء
مش جاى ... يا نهار اسود ... امال المحاكمات العسكرية لمين
اذا ما كنتش للاخوتنا نساء الشرطة الخائفين من الشتيمة لهم فى الشارع
و قعد يفرق بين الغز المسيل للدموع و قنبلة الغاز ..............ياااولد
ولما باظت و ماعرفش يكمل فشر قال أصل أنا مش متخصص
هههههههههههههههه
ضابط أمن مركزي و مش متخصص
الخلاصة إن ضباط الشرطة في هذه الحلقة خلوا كل الناس تختار لهم صفة من اتنين :
خسيس متآمر ..
أو جبان مفزوع ..
والاتنين مينفعوش يبقوا ضباط شرطة ، ولا بني آدمين حتى
الحمدلله انى مشوفتش الحلقة
على فكرة هو فعلا ظباط الشرطة فى حالة ذعر غير طبيعى .لما بيكون بوكس معدى و الله العظيم الشباب بيلقحو عليهم شوية كلام ههههههههههههههه أنا بموت من كتر الضحك و الظباط عاملين طرش مش بيسمعو و بيعدو و لا كانهم سامعين حاجة
امال لو كنتو سفتو حلقة امبارح على on tv
كانو جايبين مجموعة من الضباط والله اقل ما يتم وصفهم بيه
الجهل والعنجهية مجتمعين في اسؤا صورهم
وعلى فكرة من امبارح والنهاردة
الناس دي بتعميها مش بتكحلها
يعني لو الناس عملت كاميرا خفية تهويش ومقالب علي بتوع الشرطة وهم في حالتهم دي تعمل مبيعات كويسة
لسان حالهم بيقول (هلك عني سلطانية ) لكن السكينة سارقاهم وبيحاولو يخشو علينا بدور المسكنة ده لكن مفيش مواطن عادي مصري عبيط
نقول ايه يمهل ولا يهمل
طيب فيه في البلد اخصائيين نفسيين يكفوا لاعادة تأهيلهم ولو فيه ياخدو وقت قد ايه
ونستورد جهاز شرطة من برة نص عمر من بلد بتحترم مواطنيها ولا ايه بالضبط
نقول ايه حسبنا الله ونعم الوكيل
مرة المدرس بيسأل التلاميذ عن اسم حيوان بيطير
فواحد منهم قال الفيل
فالمدرس سأله بابا بيشتغل إيه قال له ضابط شرطة فرد وقال ممكن لو شد حيله شوية
نفسي النكتة دي تتغير
ويبقو بيفهمو ويعرفو ويطبقو حب لاخيك ما تحب لنفسك حلال طبعا
فؤاد علام بيقول انه المجندين بيكونوا فرز رابع لكن الحقيقة انه الظباط هما اللى فرز رابع
مستوى ذكاء منخفض جدا
لايوجد دين
لا يوجد ثقافة
شكله زى طور الله فى برسيمه بالذات الظابط الاهبل ابو طويلة بيفكرنى فى طريقة كلامه المتلعثمة زى مرضى الجلطات المخية المتكررة multi infarction dementia بس هو عنده جلطات ثقافية
لو فهم هيموت
لو يعلم يعنى ايه جريمة ازهاق نفس فى الشريعة ماكانش اتكلم عن الذخيرة والغاز بالطريقة دى
يا جماعة لازم جهاز الشرطة ده يتبنى من جديد ولازم يكونوا من فوق 80% علشان يكون فيه مخ بيفكر
ولازم يدرسوا شريعة اسلامية مع علوم الشرطة علشان يعرفوا ربنا شوية ويعرفوا عقاب الظلم والقتل بغير حق
لابد من بناء الانسان قبل بناء الاجسام
والا قل على الشرطة السلام
وتحياتى للاخ المحامى كان اكثر من رائع بس حظه وحش بيكلم ناس ما بتفهمش
اللى انا عايزه من كل ده
ان يبقى فيه عقده للشرطه من الموضوع ده
حاجه كده زى الهلوكوست
يعنى لو ظابط شرطه بص لواطن بصه وحشه يروح يشتكيه فى المحمكه و يقول انهم هيعملوا فيه زى زمان و تبقى هيصه
لو امين غلس على مواطن يشتكيه و التليفزيون يصور و برامج ازاى يغلس على مواطن و كده
طبعا اسلوب الكلام بتاع يضربوا بالجزم
مينفعش الواحد يرد اصلا
بس كمان لما تقول معندهومش دين ولا ثقافة ده على الجميع ولا على اللى كانوا فى الحلقة ولا ايه بالضبط
يعنى محدش فيكو له اخ او قريب ضابط ؟اكيد لأ واضح ان الكلام يا اما انفعالى بسبب الشهداء وطبعا اللى حصل لهم ميرضيش اى حد يا اما الكلام من السمع عن ضباط وحشين اللى مبنكرش انهم موجودين او لموقف شخصى مع ضابط او امين ادى للتعميم على جميع الضباط
اولا خللى بالكو ان اى حد فى المنتدى هنا ممكن يكون والده او قريبه ضابط وان فعلا فى ضباط اتدبحت وولعوا فيها
مش اكيد ان اللى اتعمل فيهم كده بسبب ظلمهم زى ما بيتقال
يعنى ببساطة ابن خالى ضابط لسه متخرج ملحقش يعمل حاجة فى حد وراح الأمن المركزى فى شرم الشيخ كان قاعد جوه المعسكر اتضرب عليه نار و2 زمايله اتقتلوا
لو حد فيكو مكان امهم كان هيتكلم كده
هتقولوا والشهداء الشهداء على عينى وراسى بس مننساش ان فى ضباط كتيييير كويسين ومبيعملوش اى حاجة من التهم دى
ممكن تقولى ان مش حيادية
بس الحقيقة انى اعرف ضباط شرطة رجالة بجد
خالى مثلا ضابط والناس كلها بتحبه
يعنى بعد ما ساب المرور بأكتر من عشر سنين كان سواقين التاكسى بيتكلموا عليه بالخير والحب واحنا راكبين من غير ما يعرفوا اننا قرايبه طبعا
كل جيرانه بيحبوه ولما بيحصل حاجة مش فى تخصصه بيطلبوا منه
مثال للرجل كما يجب ان يكون فى بيته وفى شغله عنده دين وثقافة والكلام من ناس كتير مش منى
كتير شفت ولاده وهم محتاجينه ومش لاقيينه لأنه ورا تاجر مخدرات فى الجبل نايم عالطين فى عشة قش والدنيا بتشتى والديابة بتعوى حواليه
كتير كان سهران بيحرس وشفت رجليه رغم البوت الطويل اللى لابسه عشان يحمى نفسه من الناموس رجليه متشرحة من الناموس طول الليل
كتير حياته اتعرضت للخطر لا حد حس بيه ولا قاله شكرا
بنته اتهددت بالخطف بسبب وظيفته وغير ده كتير
خالى وابن خالى مسابوش مواقعهم
كمان اجواز صاحباتى مسابوش مواقعهم وهنا فىالمنصورة الضباط كانو فى الأقسام ومسابوش مواقعهم
كون فى ضباط لقوا الاف جايين عليهم عايزين يفتكوا بيهم فى نفس الوقت اللى مش عايزين يضربوا عليهم من اسلحتهم فمشيوا وسابوهم متهيألى ناس منكو كانوا هيعملوا كده قولوا لى كنتوا هتعملوا ايه هتقفوا لالف يضربوكوا ويخلصوا عليكو هى دى المرجلة
كون نزلت لهم اوامر بالقنابل المسيلة للدموع ده طبعا غلط بس هم ايوه مش مهيأين لثورة تطيح بالنظام هو ده طبيعى يعدوهم ليه فى الكلية
افتكروا ان زى ما فى ضباط وحشين قوى كده فى ناس ضحت بحياتها عشانكو
وعشان بنت متغتصبش وعشان المخدرات متاكلش ولادكو وعشان تناموا فى امان
كل ده اتنسى دلوقتى!
كان عمرهم ما عملوا حاجة عدلة !
اللى غلط يتعاقب لكن الباقيين لازم يتاخدوا بذنبهم !
لو كنت ابنك ضابط ومربيه كويس تحب يتقال عليه كده
لو كنت انت ضابط كويس ودخلت الكلية دى اصلا عشان تخدم وطنك ومن يوم ما اشتغلت بتحاول تكون مش مرتشى ومش مستغل لسلطاتك وراعيت ربنا وفجأة هجموا عالقسم بتاعك وجروا زمايلك ودبحوهم فى الشارع وكنت هتتقتل معاهم او تتحرق مع مكان شغلك ولما رجعت الناس عايزة تتف عليك وترميك بالجزمة هتشتغل ازاى ؟
انتو كده بالضبط بتعاملوهم بالتعميم زى ما كل الناس كانت بتقول عالشباب كلام ا نتو عارفينه كويس بسبب كتير من الشباب كان بيعمل حاجات غلط غطى عالكويس وشوفوا فى الآخر عملوا ايه والناس اكتشفتهم ازاى
احذركم من الظلم
واخد الكل بذنب الجزء حتى لو الجزء كان كتير
المنظومة كلها محتاجة تصليح دى حقيقة بس اكيد شتمهم وقلة الأدب عليهم مش دى الطريقة المناسبة
الجملة اللى قالها بتاعة يعمل ايه مالذخيرة خلصت وكان جاى عليه ناس كتير هو نسى يقول الذخيره اللى كانت معاها خلصها فى مين فى الشعب طبعا
وعجبنى اوى الاستاذ امير لما قاله دول قناصة بيضربوا على العين يعنى شايف وش البنى ادم كويس فى العدسة وبكل بساطة بينشن على عينه
بجد حسبى الله ونعم الوكيل
والاخ اللى بيقول محدش له قريب ظابط فانا ليا قرايب ظباط كتير واخوات صاحباتى واجواز صاحباتى غير انى للاسف اتقدملى ظباط كتير وكنت دايما اتساءل ايه علاقة وزارة الداخلية بالصحة !! واقدر اقولك ان كلهم بيجتمعوا فى حاجه العنجهية والكبر على خلق الله عالرغم ان تلات ارباعهم اغبيا وفشلة فى التعليم يعنى كلهم تقريبا كانو بيلعبوا فى الستين او السبعين فى المية فى الثانوى حتى اللى كان شاطر وجايب فوق التسعين تحس انه اتعدى منهم وبصراحة بيجتمعوا فى حاجة تانية كمان معندهمش اسس دينية قوية حتى والله اللى متربى كويس واهله محترمين بيتغير اوى لما بيدخل الشرطة وده حصل لواحد قريبى كان متدين وبيصلى ومحترم دخل الكليه وطلع شخص تانى خالص بطل صلاة وبقى مغرور جدااااااااا كأنه حد منعرفوش حتى تعامله مع زوجته وهى محترمة وبنت ناس منتهى قلة الادب ولا كأنه ومتقولوش البيت هو السبب لان البيت انا اعرفه كويس وجار صاحبتى ظابط والله سمعناه واحنا فى بيتها بيشتم مراته شتايم فظيعه على السلم
انا بس كل اللى عاوزة اعرفه هما بيدرسولهم ايه بالظبط !!!!
الجملة ألي قالها ظابط الأمن المركزي عن الذخيرة ألي فهمته أنه كان بيتكلم على الذخيرة الصوت وليس الحية
مع العلم أني برده ماعجبنيش أسلوبه في الحوار وليه بعض العذر ده ملازم أول يعني خبرته محدودة جدااااااااااا
بس قال كلام يحسب له زي بيصدرونا ليه في وش مظاهرة أو أضراب بسبب نقص أدوية في مستشفى وأحنا مالنا بالكلام ده الناس بطالب بحقها في العلاج المفروض وزير الصحة ألي يتكلم معاهم مش الداخلية
طب يا جمااااااااااااعة انا عاوز اعرف الحل لللى احنا فييييييييييه ايه انا شايف كل الناس قرفانه منهم ومش طيقاهم حلو وانا معاكو بس حولت اتعطف علشان العمليه تمشى انا عاوز اعرف الحل اييييييه ومننساش انهم ليهم دوووووور كبير جدا بردو فى ألامن يعنى احنا محتجنهم بردو
شفت اجزاء منها و بصراحه الواد بتاع الامن المركزى ده واضح عليه انه لسه كتكوت لسه صغير و بيتكلم بطريقة مستفزه جدا بالذات تعبيرات وشه و عروقه اللى بتنفر و ردود فعله و حركاته اللى كانت بتحصل منه لما كان الاستاذ امير المحامى بتكلم و يقول الحقيقه تخيلو بقى ده لما ينزل الشارع و ترجعله هيبته تانى هايعمل ايه فى الناس اقسم بالله على تعبيراته اللى كانت بتطلع منه دى لاهايدى الناس بالجزمه و بصراحه شكله امين شرطه مش ظابط خالص لكن النقيب كان شكله ابن ناس شويه و هادى الى حد ما. يا جماعه لازم الظباط دول ياخدو كورسات معامله ادميه عشان يعرفو يتعاملو مع الناس المدنيين ازاى و امتى يفرض سلطته و يستخدمها مش على الفاضى و المليان كده و يراعو الناس شويه
فعلا عشان ضرب الجزم لا يرتقى لجرايمهم همه يستحقوا القتل عينا بعين وسنا بسناقتباس:
طبعا اسلوب الكلام بتاع يضربوا بالجزم
مينفعش الواحد يرد اصلا
على الجميع يا فندم الا من رحم ربىاقتباس:
بس كمان لما تقول معندهومش دين ولا ثقافة ده على الجميع ولا على اللى كانوا فى الحلقة ولا ايه بالضبط
عندنا قرايب ظباط يا فندم بس لو حد فيهم مجرم بالشكل ده يبقى ماتلزمنيش معرفته ويحاسب زى مابيقول ربنا والقانون ولا مطلوب مننا نتوسطلهم ونبرر مواقفهم الغير مبرره باى كتاب او شرع او حتى قانون وبعدين الموقف الشخصى اللى حضرتك بتتكلمى عليه ده بيحصل كل يوم ومع كل اللى مايعرفش فلان ولا علاناقتباس:
يعنى محدش فيكو له اخ او قريب ضابط ؟اكيد لأ واضح ان الكلام يا اما انفعالى بسبب الشهداء وطبعا اللى حصل لهم ميرضيش اى حد يا اما الكلام من السمع عن ضباط وحشين اللى مبنكرش انهم موجودين او لموقف شخصى مع ضابط او امين ادى للتعميم على جميع الضباط
لا يا فندم كل اللى اتولع فيه كان بسبب ظلمه وشوفى الفيديوهات على اليوتيوب واسمعى كلام الناس هاتلاقيهم كانوا بيروحوا قدام القسم ويطلبوا شخص باسمه وبعينهاقتباس:
اولا خللى بالكو ان اى حد فى المنتدى هنا ممكن يكون والده او قريبه ضابط وان فعلا فى ضباط اتدبحت وولعوا فيها
مش اكيد ان اللى اتعمل فيهم كده بسبب ظلمهم زى ما بيتقال
مع احترامى لابن خاللك لكن الحسنه تخص والسيئه تعم ونصيبه يتخرج فى اليومين دولاقتباس:
يعنى ببساطة ابن خالى ضابط لسه متخرج ملحقش يعمل حاجة فى حد وراح الأمن المركزى فى شرم الشيخ كان قاعد جوه المعسكر اتضرب عليه نار و2 زمايله اتقتلوا
لو حد فيكو مكان امهم كان هيتكلم كده
وبعدين قبل ماتحطى حد فينا مكان امهم
حطى نفسك انتى مكان مئات ان ماكانش الاف الامهات اللى اولادهم اتعذبوا قدام عنيهم وهمه اتهانوا قدام ولادهم ومنهم اللى اتقتل واللى قلب امه محروق عليه ولا تعرف عنه حاجه من سنين ومن غير ذنب وان كان ليه ذنب فهو انه ربى دقنه تشبها برسول الله ونزوله الجامع للصلاه فى اوقاتها ابتغاء مرضاة الله
المفروض ان دى تبقى حجه عشان نسامحهم على اللى اتعمل فى الشباب العزل المحترمين ايام الثوره وما بعدهااقتباس:
هتقولوا والشهداء الشهداء على عينى وراسى بس مننساش ان فى ضباط كتيييير كويسين ومبيعملوش اى حاجة من التهم دى
ماختلفناش يا فندم والناس اللى زى كده محدش اذاهم وكان اولاد المنطقه بيحموهم كماناقتباس:
ممكن تقولى ان مش حيادية
بس الحقيقة انى اعرف ضباط شرطة رجالة بجد
خالى مثلا ضابط والناس كلها بتحبه
يعنى بعد ما ساب المرور بأكتر من عشر سنين كان سواقين التاكسى بيتكلموا عليه بالخير والحب واحنا راكبين من غير ما يعرفوا اننا قرايبه طبعا
كل جيرانه بيحبوه ولما بيحصل حاجة مش فى تخصصه بيطلبوا منه
مثال للرجل كما يجب ان يكون فى بيته وفى شغله عنده دين وثقافة والكلام من ناس كتير مش منى
وكونه بيعمل للناس خدمات مش فى تخصصه فده عيب كبيييييييييير لان ده اعتراف ضمنى من حضرته بالواسطه حتى لو كانت بالخير لان المفروض كل واحد ياخد حقه القانون لا زياده ولا اقل
مع احترامى لكل اللى عاناه فى عمله ولكن دى طبيعة عمله وهو اللى اختار العمل كشرطى ولا شكر على وااااااااااجباقتباس:
كتير شفت ولاده وهم محتاجينه ومش لاقيينه لأنه ورا تاجر مخدرات فى الجبل نايم عالطين فى عشة قش والدنيا بتشتى والديابة بتعوى حواليه
كتير كان سهران بيحرس وشفت رجليه رغم البوت الطويل اللى لابسه عشان يحمى نفسه من الناموس رجليه متشرحة من الناموس طول الليل
كتير حياته اتعرضت للخطر لا حد حس بيه ولا قاله شكرا
من كتر اللى كان الظباط الفاسدين بيعملوه من ظلم حتى على البلطجيه خلوهم اتجرأو وهددوهم فى بيوتهم عشان رفعوا ظلمهم عنهم لانهم كانوا بيحاكموهم بطريقتهم اللى قبل الموضوع مايوصل لمحاكم وده ذنب شاله الناس المحترمه اللى زى خالك وبقى التهديد عينى عينك وعلى فكره مش خالك هو الوحيد تقريبا مفيش ضابط شرطه يحتك بطبيعة عمله مع مواطنين الا واتهدداقتباس:
بنته اتهددت بالخطف بسبب وظيفته وغير ده كتير
خالى وابن خالى مسابوش مواقعهم
كمان اجواز صاحباتى مسابوش مواقعهم وهنا فىالمنصورة الضباط كانو فى الأقسام ومسابوش مواقعهم
الراجل بجد زى مابتقولى حضرتك مايسيبش واجبه ويهرب وان حد هرب فمايبقاش ضابط ومثال الضابط الراجل مدير السجن اللى اتقتل عشان رفض يسيب موقعه ويسيب المساجين يهربوا يعنى من الاخر كده الرجاله ماتت فى الحرباقتباس:
كون فى ضباط لقوا الاف جايين عليهم عايزين يفتكوا بيهم فى نفس الوقت اللى مش عايزين يضربوا عليهم من اسلحتهم فمشيوا وسابوهم متهيألى ناس منكو كانوا هيعملوا كده قولوا لى كنتوا هتعملوا ايه هتقفوا لالف يضربوكوا ويخلصوا عليكم هى دى المرجلة
هروب ضابط الشرطه يعنى انهيار البلد داخليا امنيا واقتصاديا عشان محدش هايحط فلوسه فى مكان غير امن لا مصرى ولا خواجه
وهروب ضابط جيش يعنى ضياع الارض والعرض والمال والنفس
لما ضابط الشرطه يخااااااااااف من اهله يبقى ده معناه اييييييييييه اكيد لانه عارف انه ياما عمل بلاوى
وضابط الشرطه اللى يهرب ويرمى حمل البلد امنيا على زميلى ضابط الجيش اللى بقى بيحمى بره وجوه ده يبقى اسمه ايه
بالعربى كده وعلى رأى عفروتو اللى بيخااااااااااااااف يطلع بره
اما ضابط الشرطه يخاف امال انا المدنى اعمل اييييييييييييييييه
مانسيناش حاجه بس كتر القسى يعلم البكااقتباس:
كل ده اتنسى دلوقتى!
كان عمرهم ما عملوا حاجة عدلة !
اللى غلط يتعاقب لكن الباقيين لازم يتاخدوا بذنبهم !
لو كنت ابنك ضابط ومربيه كويس تحب يتقال عليه كده
همه فعلا عمرهم ماعملوا حاجه عدله
تقدرى حضرتك فى الوقت ده والظروف دى تفرقى بين الوحش والكويس !!!!
انا لو مربى ابنى كويس ماكنش دخل كليى الشرطه بوضعها ده من اساسه واعرف ناس رفضت تدخل اولادها كلية الشرطه وفضلوا عنها الجيش ده ان كان الولد مصر على عمل عسكرى واعرف ناس الفاشل فى اولادهم حلقوله شعره وعقابا ليه جابوله واسطه ودخل كلية الشرطه
واما كان حتت عيل بيشتم واحده ست مخلفه ارجل واحسن منه ولا واحد فى سن جده ومربى دكاتره ومهندسين كانت طريقة مناسبه !!!!اقتباس:
المنظومة كلها محتاجة تصليح دى حقيقة بس اكيد شتمهم وقلة الأدب عليهم مش دى الطريقة المناسبة
بتبصى للطريقة المناسبه لمعاملة ظالم بعد الثوره عليه وفى ايام ومش بتبصى لطريقة معاملته للشعب اللى همه انا وانتى واخواتنا واهالينا لسنين
عجبى !
الى الاستاذه اللى بتدافع عن ظباط الشرطه احب اقول بس على موق ظريف جدا كده انا اعرف ظابط شرطه ابوه يبقى شيخ جامع الظابط الظريف ده و لا بيسيب حد فى حاله لازم يجيب سيرة اى حد و فى اى حاجه حتى عن عرضه و اهله و ده غير الشتايم طبعا ليه لانه فاضى خدمته 12 ساعه و وهو اصلا فاضى من جوه بيقعد يلعب بلاى ستيشن اثناء خدمته بيزوغ من خدمته بدرى ما بيخدمش حد ابدا و هو عارف المرمطه اللى الناس بتتمرمطها و ده واجبه انه يساعد قرايبه و اصحابه فى الخير طالما يقدر و لما الاحداث دى خلصت غلط فى الناس اللى كانت فى اللجان الشعبيه لما بدأ ينزل شغله تانى و بيقولى هما دول رجاله انتو صدقتو نفسكو و لا ايه ؟!!! انتو لو اضرب عليكم نار هاتجرو زى الخرفان ؟؟؟؟ طبعا انا رديت عليه و اديتله اللى فيه النصيب و احب اذكر حاجه انه واحد من اغلب الظباط اللى هربو و يومها كان جاى لابس عليه جاكيت عشان يدارى البدله الميرى و لما بدأ ينزل بقى يركب مواصلات و راكن عربيته عشان معروفه فعلا فعلا و نعم الرجال... فى النهاية احب اؤكدلك ان فى قلائل محترم و دول جيرانهم كانو بيحموهم و هتلاقيهم ناس شرفا فى حالهم و اللى كانو من النوع ده مالهمش سلطه او فى حته مهمه هتلاقيهم فى الطافى او المصطحات المائية او اى حته مالهاش لازمه او حتت مترطفه او فى مكافحه المخدرات عشان ناس عارفه ربنا كويس و بتحب تخدم هما دول اللى بجد بيحققولنا الامان يعنى هل فى حد فكر يطلع فى مسيرة تكريم لظباط المطافى او المصطحات المائيه ؟ للاسف لا عشان دورهم مهمش انا كان ليا واحد صاحبى اضغر منى بتلات سنين تقريبا انا اللى كنت مربيه كان زى اخويا الصغير لما شم نفسه و علك الدبورة الاولى مابقاش عايز يعرفنى انا و اى حد من صحابه و حتى قرايبه لدرجه اننا نتصل بيه ما يردش... نسامح مين بس و على ايه و لا ايه تعرف الظباط دول انهم بلطجيه قانونيين و دماغهم فاضيه
يعنى ايه علاقة الداخلية بالصحة مفروض الضباط يتجوزوا مهن معينة يعنى واذا كان حضرتك شفتى ضباط كتير بيعاملوا مراتتهم وحش وعندهم عنجهية انا برضه شفت ضباط كتير بيعاملوا مراتهم بطريقة كل بنت فى الدنيا تتمنى تتعامل بيها
وبعدين اللى اتغير اه بتحصل لأن فى الكلية بيقابل ناس بتبوظه زى اى مكان تانى واسمحى لى ده اما عيب فى الأسس االى اتربى عليها لأنها لو متينة مكنش يتحول لشخص تانى وحتى لو اتحول وكنتى عارافاه كويس زمان اكيد الخير اللى جواه هيغلب فى الآخر او اختلاط بالبايظين طبعا زى التفاحة الفاسدة بتأثر
وبعدين ممكن نقول يشوفوا حل ويصلحوا الموضوع ده لأن فعلا ابن خالى برضه اتغير شوية لما دخل الكلية
بس على فكرة كان جايب مجموع كبير وطول عمره شاطر وباباه كان رافض تماما يدخل شرطة عشان العذاب اللى هو شافه فيها بس هو اصر
وبعدين انا كمان اتقدم لى ضباط مشفتش فيهم غرور ولا حاجة يعنى الضباط اللى قابلتهم فى حياتى برضه عدد مش قليل واذا كان شىء غريب بس دى الحقيقة مقابلنيش حد وحش بس عارفة ان في منهم وحشين وعلى اعلى مستوى من الوحاشة يعنى
انا بدافع عن الكويسين اللى منهم ماتوا عشان يحموكى الفشلة والأغبيا دول اللى شفتى البلطجية عملوا فينا ايه عشان هم مكنوش موجودين
مفروض نقعد نشتم فيهم هو ده بقى الحل
وبعدين ايه يعنى لما يكون جايب مجموع قليل فى ثانوية عامة ده دليل على الغباء هو نظام التعليم اللى فى بلدنا ده حد قال عليه كلمة عدلة والولاد بطبعهم لعبيين شوية واعرف ناس كانوا معايا فى الدروس وكانوا عباقرة مش اذكيا بس لعبوا فى ثانوى وضيعوا نفسهم
هو الصح بقى اننا نجمع ونطلق حكم على جمييييييييييييييع الضباط وكأنهم معملوش لينا حاجة ابدا خلاص ارفدوهم كلهم واقعدوا فىالشوارع طول الليل 5 سنين بالسلاح سيبوا اشغالكو ودراستكو وامسكوا انتو الأداب والأموال العامة والمخدرات ومترو الأنفاق والسجون والأقسام واتعاملوا مع المجرمين لحد ما يتخرج ضباط جداد على نظام تعليم مختلف لأن بصراحة انا لو مكانهم مش عارفة هدافع عن ناس بيتفوا عليا ازاى ومفروض اموت عشان انقذهم من تاجر مخدرات وخلافه
رأيي في الحلقة انها اظهرت مستوى ضابط الشرطة واسلوب تفكيره القائم على العنجهية واغفال الحقائق
والحل في رايي (بعيدا عن العواطف الذي يريدونا ان ننجرف بها كشعب تجاه الشرطة)
- أولا تطبيق القانون وعدم اعتبار المواطن المصري في التعامل هو شخص سيئ الى ان يثبت العكس
- ثانيا اعادة تأهيل لجميع ضباط الشرطة في مصر ، فضابط الشرطة الذي يتخرج من كلية الشرطة ويدرس القانون 4 سنوات حاملا ليسانس الحقوق يخرج الى المجتمع فيجد ان المطلوب منه عدم تطبيق اي بند من بنود هذا القانون وانما يطبق قانون الطوارئ الذي يسمح له بصلاحيات لا حصر لها
وبنظرة بسيطة فقانون الطوارئ حكمنا لمدة 30 عام وضباط الشرطة الذين تخرجوا منذ ذلك الحين وصلوا الآن لرتبة عميد
فكيف ننتظر من ضابط عاش 30 سنة في وظيفته يطبق قانون الطوارئ ان ينصلح حاله الآن دون اعادة لتأهيله ؟؟؟
مبدئيا اود التأكيد على التجاوزات الصارخة لرجال الشرطة و اللتى كللت بالمجاهرة فى قتل الابرياء ثم الهروب من ساحه التظاهرات ....
و انا مواطن عادى ليس لى احتكاك من الشرطه فى اى شكل من الاشكال لكن فى كل المواقف و اقوووووووووول كل المواقف التى ارى فيها رجل الشرطة امامي اشعر بالقمع و الذل و المهانه و كل المشاعر السلبيه تتجسد امامى و لست هنا لاسرد المواقف التى رايت فيها كشاهد عيان على تلك " مش لاقى تعبير مناسب الا كلمة الجرائم " التى تمت فى حق المواطنين و هذا يظهر الاتى :-
1- اما انهم الات بطش فى يد النظام بدون عقل او ارادة و هذة مصيبه ..
2- او ان تكون تلك قتاعتهم عن عملهم كرجال شرطة او عقيدتهم الثابية فى ان الامن يكمن فى ارهاب الناس و تخويفهم و هذة مصيبتان ....
و لكنى لا انكر ان هناك نسبة 1% محترمين و لكن دول لا يظهروا لرجل الشارع العادى ...
و الله مفيش انسان قابلته الا لما يقولى انه بيدفع رشوة لرجل الشرطة و الشرطه تحديدا النى يتفق عليها قطاعات عريضه من الشعب على تلقى الرشاوى.. او اتهان منهم و لا يسلم منهم المحترم او غير المحترم كانهم فوق المستوى الطبيعى للبشر ... احسلس متأصل بالبارانويا و النرجسية ... و العنف و البطش و السادية ........
الحل : تطهير كل العناصر الفاسدة من جهاز الشرطة و وضع لجان رقابية نزيهه داخل الاقسام و المحاسبة العلتية و الفورية لكل فاسد او متجاوز الى ان ترجع الثقه تدريجيا الى المواطن .......
الم يعلم هؤلاء ان هذا اليوم ات ؟؟؟؟ هل نفعتهم الان بدتلتهم الميرى الذين طالموا اشتاقوا الى ارتدائها و فخروا بها ....
هل غنت عنهم اسلحتهم و رصاصهم الان و هو يستجدون العطف ...و يطلبون الصفح و الغفران ....
اولا الحلقة مش مقياس لأى حاجة لأن ال 2 اللى جم فيها مينفعش نعتبرهم ممثلين عن الداخلية
ثانيا اللى الأستاذ gemy1بيقوله دليل على كلامى انه بنى رأيه على ضابط يعرفه مش كويس
ثالثا mooody اسلوبك فى الحوار غير مقبول
انت عايز منفرقش دلوقتى خلاص لأن الوحشين كتير ويستحقوا القتل منفرقش بقى والللى عمل حاجة كويسة نمسحها بأستيكة يللا
واحب اوضح ان مش فى تخصصه دى انت فهمتها غلط خالص انا اقصد مثلا كان فى قضية اداب فى الشارع بتاعه هم راحوا بلغوه هو وهو اللى وصلها لزمايله فى بوليس الأداب مش قصدى انه بيعمل واسطة انت عايز تفهم الكلام بالطريقة اللى تطلعه غلطان بأى شكل وخلاص
وبرضه بنته اتهددت ده كان زمان مش دلوقتى اتهددت عشان شايف شغله صح مش عشان بيفترى عالبلطجية
والمواقف الشخصية اللى حضرتك بتقول حصلت للناس كلها غريبة امال محصلتش ل 80 حد اعرفه ليه ولناس هنا فى المنتدى محصلهاش موقف سىء مع ضابط
وبعدين انت محول كلامى انى بتوسط للى قتلوا الشهدا وانت فاهم كويس جدا ان كررت 100 مرة ان مش دول اللى بتكلم عليهم وخللى بالك اللى قتلوا قناصة فى المعظم ودول مختلفين عن باقى قطاعات الشرطة
انت بتقول كل اللى اتقتلوا عشان ظلمة كأنك عملت احصائية واتاكدت مع انك راجع تقول البطران اتقتل عشان راجل بجد كلامك بيناقض بعضه
وانا مقتنعة ان مش من الرجولة انى اكون مع 3 زمايلى فى القسم ويهجم عليه 20000 وافتح صدرى ليهم اسلمهم السلاح يعنى لأ امال امنعهم ياخدوه ازاى وتقوللى حد يخاف من اهله اهو اللى مخافش من اهله مات محروق او مدبوح او اترمى من سطح القسم ده حتى مفروض لا تلقوا بأيديكم الى التهلكة
وحكاية لو ابنى متربى كويس مدخلوش شرطة دى اسمها سلبية بالعكس لو متربى كويس يدخل عشان يخدم بلده والا انت كده بتقول منسمحش غير للوحشين بس اللى يدخلوا وبعد كده نشتكى
وبتقول عمرهم ما عملوا حاجة حلوة ده نكران للحقائق هات جرايد كام سنة فاتوا وشوف شهداء الشرطة وماتوا ليه
بتقول ده واجبهم ولا شكر عليه واذا كان واجبى انى اموت عشان انت تعيش فى امان يبقى ده جزائى فى الآخر والسيئة تعم
يعنى مثلا لو ضابط اتقتل عشان بينقذ بنت من الأغتصاب وكلنا شفنا خطيبته فى التلفزيون ده ربنا هيقول له انت مش شهيد اصل دى شغلتك ! ايه التفكير العجيب ده
ومجرد انى اخش كلية عارف انى لما اتخرج شغلى بيقول انى معرض اموت كل يوم
ده مبيدلش ان فى كتير منهم جواهم انه عايز يخدم بلده
لأ وفى الآخر لما يتصاب برصاصة تشله هنقوله لا شكر على واااجب