هوا انا كده محتاج نص عمره ؟؟

**protech** · 16-02-2011 11:21 AM

السلام عليكم ورحمة الله وبركاته
انا معايا لانسؤ بطه اوتوماتيك موديل 93 الراجل اللى اشتريتها منه كان مسقط موتور 1500 لما خدتها منه كانت ماشيه كويس بس كن لما بقرص بشم ريحة بنزين والزيت مابينقصش بس سحب العربيه مش مظبوط ودايما فيها تسقيفه مهما ظبط الكهربا وكنت بسمع صوت الالتكتكه بتاعت التاكيهات فلما رحت للميكانيكى قلى المكنه خفيفه قلتله بس دى مابتاكلش زيت ولا بطلع دخنه قلى هيا لسه فى الاول .
واحد زميلى قلى انو ممكن تكون محتاجه جوان وش سلندر هل دا صحيح ولا ايه

**saadelden** · 16-02-2011 12:17 PM

روح لميكانيكي كويس يظبط التاكيهات و بعدين يظبط الكهربا
ريحه البنزين دي ممكن تكون من الخراطيم او الكربراتير عايز يتخرط
ف فيه احتمالات كتير و الميكانيكي الكويس هيكشف العيب علي طول

**أبو صلاح** · 16-02-2011 12:24 PM

المشاركة الأصلية كتبت بواسطة saadelden

روح لميكانيكي كويس يظبط التاكيهات و بعدين يظبط الكهربا
ريحه البنزين دي ممكن تكون من الخراطيم او الكربراتير عايز يتخرط
ف فيه احتمالات كتير و الميكانيكي الكويس هيكشف العيب علي طول

يعني ايه كربراتير يتخرط ؟

فهمني لو سمحت

**saadelden** · 16-02-2011 05:43 PM

الكربراتير فيه صمامات و حاجات الي بتنظم خلط الهوا مع البنزين و مع الوقت بتحتاج تتغير
ف الخرط دا بيفك الكربراتير و بيشوف الصمامات دي و بيغير الي فيه مشاكل
لان لو فيه مشكله هتلاقي العربيه مابتتظبطش و بيطلع دخان اسود من الشكمان او ريحه بنزين مش محروق

**wael6** · 16-02-2011 11:52 PM

السلام عليكم
عربيتي اكسيل مو 95 1500 سي سي
غيرت الزيت والفلتر ( زيت شل الاحمر عشان يكون تقيل وحطيت عليبة زيت شنبر عليه )
العربيه مبتكلش زيت (( هل مبتكلش زيت عشان عبوة الشنبر اللى اتحططت مع الزيت ولا مالوش تاثير كبير للدرجه دى )) لكن فى دخنه زرقا خفيفه فى الشكمان وبخار خفيف بيطلع من مكان خرطوم الفايص وانا سايق بلاقيه ع الازاز وبشوف دخنه ع الكبود من الفايص
الأراء متجمعه انها طقم شنبر لكنها مبتكلش زيت الحمد لله
الغريب بقا النهارده عرضتها على ميكانيكي رابع مختلف عن الاخرين قالى عندك بستم مكسور
قلتله ازاى عرفت قبل ما تحل المكنه ؟؟ قالى باينه انها بتنفج من كل حته؟؟ وقالى هتحتاج يا نص عمره او عمره كامله من 1000 الى 1500 ج تكلفه ؟؟
نيجي بقا للفتيس
الفتيس خشن لكنه مبيعضش بمعنى انى بحس ببطئ بسيط فى حركته بحس بصوت تعشيقة التروس
وفى صوت نحره بيروح لما بدوس دبرياج ساواء والعربيه ماشيه او واقف وبيروح لما امور العربيه وهى ماشيه
يارب اكون قدرت اوضحلكم الصورة واسف للاطاله
ولكم جزيل الشكر والامتنان