عملت اختبار قياس كبس الماتور وعاوز اعرف دلالات النتائج

**michohat** · 28-08-2009 05:31 PM

السلام عليكم ورحمة الله وبركاته
الحمد لله النهارده عرفت اروح اعمل اختبار كبس للماتور وعملته فى بنزينه كالتكس اللى فى اخر شارع عباس العقاد دخلت ولقيتهم بيستخدموا جهاز تانى غير اللى كان موصوف فى مشاركه سابقة فى المنتدى هنا الجهاز اللى استخدموه مش فيه فك اى سلك ولا خرطوم من العربية ولا بيتوصل مكان البوجيهات ده عبارة عن عده اسلاك وكابلات الفنى ركبها ركب سلك فى الموبنية وسلك من جنب الماتور اظنه كان للدينامو وسلكين تانيين وصلهم بقطاش البطارية وسلك بالقطاش التانى
و الاختبار مش كمل 3 دقائق و طلع لى ورقة مطبوعه عليها ارقام السلندرات و على ما اظن نسبة كبس كل واحد وعلم لى على سلندرين وقال لى انهم مش مضبوطين شوية وكنت قولت له ان الميكانيكى بيقول لى انى عاوز طقم شنبر قال لى النتائج بتقول ان العربية مضبوطه وقال لى ان قوه الماتور 68%
ده جدول النتائج اللى ظهرت فى الورقة
Cyl number RPM DROP
51 1 *
71 3
49 4 *
58 2

رقم السلندر اللى جنبه نجمه دى اللى الفنى علم لي عليهم
فلو سمحتوا عاوز اعرف دلالات الارقام دى

**madoo** · 28-08-2009 05:36 PM

شكرا على الشرح ياباشا وان شاء الله لو فى مشكله عندك تتحل وتبقى تمام

**madoo** · 28-08-2009 05:37 PM

اه صح معلش لو فيها غلاسه

كلفك كام الاختبار ؟؟؟؟؟؟؟؟

**michohat** · 28-08-2009 05:47 PM

رسوم الاختبار 40 جنيه ده غير التبس للفنى ( لو عاوز تدى له) على فكره الفنى ده شوفته بيفحص عفشات العربيات برضه بس انا قست كبس الماتور بس

**michohat** · 29-08-2009 06:37 PM

يا جماعه فى حد يقدر يفهمنى القراءات دى ايه وايه النسب المثلى وحاله الموتور

**michohat** · 01-09-2009 07:25 PM

يا جماعه حد يعرف يدلنى على معانى الارقام دى

**د-احمد عبد اللطيف** · 01-09-2009 07:57 PM

المشاركة الأصلية كتبت بواسطة michohat

cyl number rpm drop
51 1 *
71 3
49 4 *
58 2

رقم السلندر اللى جنبه نجمه دى اللى الفنى علم لي عليهم
فلو سمحتوا عاوز اعرف دلالات الارقام دى

الاختبار عبارة عن قياس للانخفاض في عدد لفات المحرك عندما يقوم الجهاز الكترونيا بالغاء واحد من السلندرات.
يعني لو شلت سلك البوجيه رقم واحد الموتور حيتبرجل وهكذا لكل سلندر والجهاز هنا بقيس التغير في عدد اللفات rpm ولو العربية زيرو يبقى نفس التغير بنفس الدرجة حيحصل مع كل سلندر بنفس الدرجة.
في حالتك انت
51 1 *
71 3
49 4 *
58 2
السلندر 1 و 4 و متساويين في القدرة و رقم 2 قريب جدا منهم
اما السلندر رقم 3 فهو اكبر السلندرات قدرة لان التغير الحاصل منه هو اكتر من الاخرين.
اتمنى ان اكون اوضحت.
مع تحياتي

**tabeb** · 01-09-2009 08:21 PM

مفيش بنزينة تانية تعمل نفس الاختبار في الهرم او قريب من المنيل؟

**michohat** · 01-09-2009 08:39 PM

المشاركة الأصلية كتبت بواسطة د-احمد عبد اللطيف

الاختبار عبارة عن قياس للانخفاض في عدد لفات المحرك عندما يقوم الجهاز الكترونيا بالغاء واحد من السلندرات.
يعني لو شلت سلك البوجيه رقم واحد الموتور حيتبرجل وهكذا لكل سلندر والجهاز هنا بقيس التغير في عدد اللفات rpm ولو العربية زيرو يبقى نفس التغير بنفس الدرجة حيحصل مع كل سلندر بنفس الدرجة.
في حالتك انت
51 1 *
71 3
49 4 *
58 2
السلندر 1 و 4 و متساويين في القدرة و رقم 2 قريب جدا منهم
اما السلندر رقم 3 فهو اكبر السلندرات قدرة لان التغير الحاصل منه هو اكتر من الاخرين.
اتمنى ان اكون اوضحت.
مع تحياتي

اللى فهمته من كلام حضرتك ان السلندرين 1 و 4 احسن السلندرات مع ان الراجل كان معلم لى عليهم واظن انه بيعلم على الحته اللى فيها مشاكل
ممكن بس تصحح لى ان كنت فهمت غلط

**samirayad** · 01-09-2009 09:57 PM

ده جدول النتائج اللى ظهرت فى الورقة
Cyl number RPM DROP
51 1 *
71 3
49 4 *
58 2

بغض النظر عن تكنيك الأختبار يا أستاذ : مجدى
فطالما ده ال drop فى عدد اللفات
فأنا شايف أن أسوأ أسطوانه عندك هى رقم 3 ثم 2 ثم 1 ثم 4
ومن الوضع العام كده
الميكانيكى عنده حق فى أحتياجك لطقم شنبر وحتعمل روديه بالمره لرفع كفاءة حبك غرف الحريق
ولو عاوز تطمن تانى
أعمل أختباركبس تانى بالنظام العادى من خلال فتحات البوجيهات للأطمئنان على الحاله مره تانيه