الموضوع: العربيه بتاكل بنزين بغباوه

المشاركة الأصلية كتبت بواسطة enghanyomar

من اسبوعين والعربيه بتاكل بنزين جامد اوى وبتطلع دخنه سوده غيرت البوجيهات بأربعه جداد بوش من المصريه اللى فى ميدان لبنان وبرده بتاكل بنزين رحت للميكانيكى قاللى غير حساس الكولنت غيرته برده والمشكله زى ماهى نضفت الرشاش وبرده زى ماهى وكمان حاسس ان وهى ماشبه تقيله اوى ولما اجى اكبس بنزين وانا ماشى بحس انها بتتخنق جامد اوى وترجع تسحب فلتر البنزين بغيره كل 5000 كيلو مع غيار الزيت شل5000 وبحط بنزين 90 او 92 اللى موجود .
ارجوكو افيدونى افادكم الله
العربيه فيكترا 97 مانيوال 1600 سىسى

مرت علي المشكله دي قبل كده ودوخت بين حساس الكولنت والتي بي اس والرشاش والفلتر ...واتضح اخيرا ان المشكله من البوجيهات نفسها وكانت بوش وجديده !! دور العربيه وانت شايل العمه وراقب الرشاش لو لقيته بيسيل يبقي المشكله فيه ,لو لقيته بيرش رذاز يبقي تمام ,غير البوجيهات باي طقم قديم من عند الميكانيكي بتاعك لو الدخنه راحت تبقي البوجيهات اللي انت مركبها مرطبه .البوجيهات بتهبب لانها مش قادره تحرق كميه البنزين اللي جايه فالخليط (الوقود +الهواء) بيبقي مش مظبوط وكذلك الخنقه من كميه البنزين ,جرب كده الاول وقولنا ايه الاخبار .