المصرى هو المصرى

**mfarag** · 16-02-2011 08:40 PM

المشاركة الأصلية كتبت بواسطة shnory

الله ينور عليك
والكرباج ده حيكون في جهاز شرطه محترم
ميقبلش رشاوي علشان يعدي الفساد والبلطجيه بتوع الميكروباصات

+11111111111111111111111111111111111

القانون لازم يطبق على الصغير و الكبير

ضابط الشرطة و رئيس الجمهورية و سواق التاكسى

اما بخصوص الفساد من مبارك او الشعب

لا حل الفساد هو النظام مش الافراد ولا الشعب

نظام يطبق القانون على الكل و المسئول اللى يخطى او يتهاون يتشال و يتعاقب

ازالة الرئيس او النظام مش اخر الطريق لا دى البداية اللى كان لازم النظام الفاسد يمشى عشان مجرد نبدا

**mfarag** · 16-02-2011 08:47 PM

المشاركة الأصلية كتبت بواسطة eng.m mahran

يعنى الى بياخد رشوة مش هياخد لما مبارك مشى
الى بيختلس مش هيختلس لما مبارك مشى
الى معندهوش ضمير ضميره هيرجع لما مبارك مشى
الى مقصر و متكاسل فى عمله هيتعدل لما مبارك مشى
الحرامى مش هيسرق لما مبارك مشى
النصاب هيبطل نصب لما مبارك مشى
البلطجى و الصايع هيتادب لما مبارك مشى
طبعا لأ و هيفضلو زى ما هم
الرئيس زيه زى الشعب بس على اكبر علشان منصبه يعنى بينصب و بيسرق زيه زى الشعب
انتو عاوزين تغيرو طباع و عادات متراكمة من سنين طويلة فى كام يوم بس و اختذلتو كل حاجة فى الرئيس بس
هو طبعا كان خارب الدنيا بس مش هو الى هيخلى الناس تتعدل

لا طبعا بس الموضوع سلسلة

الريس لما يبقى منتخب - لازم يكون مهتم برضا الشعب - فهيراقب الوزير عشان يضمن عملة و ميسرقس

و الوزير هيتابع كبار الموظفين

ودول هيتابعوا باقى الموظفين

و تقارير الرقابة و الفساد اللى كانت بتحطط فى الادراج هتروح النيابة

و الحرامى و الفساد لما يسرق هيسرق و ايدة بترتعش - مش هتبقى الشركة عينى عينك

و مع الوقت هتقل ( تقريبا تنعدم) ثقافة الفساد عشان فعلنا منظومة الرقابة

انما مع النظام القديم

لما كبار الفاسدين يترقوا و يتكافو و تقارير الفساد تتحط فى الدرج

يبقى صغار الفاسدين يسرقوا ويدلهم

و ميبقوش خايفين من حاجة و نوصل للوضع الحالى

**lancerevolution** · 17-02-2011 10:27 AM

المشاركة الأصلية كتبت بواسطة mfarag

+11111111111111111111111111111111111

القانون لازم يطبق على الصغير و الكبير

ضابط الشرطة و رئيس الجمهورية و سواق التاكسى

اما بخصوص الفساد من مبارك او الشعب

لا حل الفساد هو النظام مش الافراد ولا الشعب

نظام يطبق القانون على الكل و المسئول اللى يخطى او يتهاون يتشال و يتعاقب

ازالة الرئيس او النظام مش اخر الطريق لا دى البداية اللى كان لازم النظام الفاسد يمشى عشان مجرد نبدا

مبارك مكنش الفاسد الوحيد فى البلد
كان ليه 85 مليون شريك
انا كنت منهم
لماد دفعت فلوس عشان أنجح فى إمتحان المرور
و لما إديت العسكرى فلوس عشان يخلص و رقى الأول
و كنت شريك لما قلت لغيرى يعمل كدا
كنت شريك لما غشيت فى الإمتحان
كنت شريك لما ذاكرت عشان أنجح بس مش عشان أبقى عارف حاجة
و فى شركاء تانين كتير زى
الدكتور فى الكلية الى بيحط أى منهج و خلاص
الدكتور الى بيصحح أى حاجة و يسقط و خلاص ناس فى مادة عشان يشتروا الكتاب السنة الى جاية
الدكتور الى بكل بجاحة يقولك عايز 3 جنية دهب عشان تنجحوا فى المشروع
الدكتور الى بينجح الناس بمجرد إنهم إشتروا الكتاب
الدكتور الى بيجيب الإمتحان بالنص من الأمثلة عشان نحفظها و ننجح و هو ينجز فى التصحيح
و الدكتور الى ما يشرحش فى المحاضرة و يجيب إمتحان ما يتحلش و ما تعرفش بيصحح إزاى

شريك تانى لمبارك
الطبيب الى فى المستشفى الحكومى
الى بيهمل علاج المرضى لمجرد إن فلوسهم مش كتير يا أخى حرام عليك دا أنت أكتر مهنة إنسانية
الطبيب الى و هو فى كلية طب بيفبرك الحالات عشان يعدى إمتحانات العملى
الطبيب الى بيرفض يعالج مريض لمجرد إنه مش قادر و مش عاوز يوجع دماغه
الطبيب الى عاوز يحول الحالات على العيادة بتاعته عشان يبقى الفلوس كلها ليه

شريك أخر
ظابط الشرطة الى بيقف ساكت على الغلط لمجرد إن التانى ظابط زيه
ظابط الشرطة الى بيجى على الغلبان و يسيب الظالم عشان ليه ضهر
و أظن كلنا عارفين كدا

شريك كمان
الى بيرمى عياله فى الإشارة يشحتوا عشان هو مش عايز يشتغل

شريك كمان
المهندس الى بياخد رشاوى عشان ما يتكلمش على رصف الطريق الغلط
المهندس الى بياخد رشوة عشان يمشى الرصيف بعيد عن الكشك الى مبنى مخالف

و غيرهم و غيرهم و غيرهم
لو حد يعرف غيرهم يقول عشان ما نعملش زيهم

**mrwho1982** · 17-02-2011 10:36 AM

الناس لازم تغير من نفسها فعلا

انا والله العظيم النهارده الصبح كنت بقيس الزيت وبعد ماخلصت مسكت المنديل ورميتو في الارض

انا والله اضايقت من نفسي البلد بتنضف وانا بوسخها
اخدتو من الارض وعديت الشارع رميتو في الصندوق ورجعت العربية وانا في قمة الانشكاح

احنا اللي لازم ننجح الثورة

امبارح وانا في عباس العقاد عالساعة 3 لقيت بنات وشباب زي الفل وشكلهم ابن ناس قاعدين يكنسو الشارع وبيوزعو اكياس نيون عالعربيات وهو بيديك الكيس بيقوللك

لو سمحت ماترميش زبالة في الشارع عايزين نحافظ عالبلد وننظفها

بجد مصر بتتقدم وتنظف بس مش بالحكومة لا بالشعب
لازم نبطل سلبية ونظام كبر مخك
انا نفسي بجد يقع تحت ايدي ضابط او موظف مرتشي والله هنفخو وافضحو

ابو عبد الله

**human** · 17-02-2011 10:48 AM

قانون موحد للجميع
مافيش محسوبيه و مافيش معهلش و مافيش عشان خاطرى و مافيش اصل ده جوز خالتى

يبقى الناس كلها تمشى صح

**م. حاتم السباعي** · 17-02-2011 11:20 AM

المشاركة الأصلية كتبت بواسطة lancerevolution

مبارك مكنش الفاسد الوحيد فى البلد
كان ليه 85 مليون شريك
انا كنت منهم
لماد دفعت فلوس عشان أنجح فى إمتحان المرور
و لما إديت العسكرى فلوس عشان يخلص و رقى الأول
و كنت شريك لما قلت لغيرى يعمل كدا
كنت شريك لما غشيت فى الإمتحان
كنت شريك لما ذاكرت عشان أنجح بس مش عشان أبقى عارف حاجة
و فى شركاء تانين كتير زى
الدكتور فى الكلية الى بيحط أى منهج و خلاص
الدكتور الى بيصحح أى حاجة و يسقط و خلاص ناس فى مادة عشان يشتروا الكتاب السنة الى جاية
الدكتور الى بكل بجاحة يقولك عايز 3 جنية دهب عشان تنجحوا فى المشروع
الدكتور الى بينجح الناس بمجرد إنهم إشتروا الكتاب
الدكتور الى بيجيب الإمتحان بالنص من الأمثلة عشان نحفظها و ننجح و هو ينجز فى التصحيح
و الدكتور الى ما يشرحش فى المحاضرة و يجيب إمتحان ما يتحلش و ما تعرفش بيصحح إزاى

شريك تانى لمبارك
الطبيب الى فى المستشفى الحكومى
الى بيهمل علاج المرضى لمجرد إن فلوسهم مش كتير يا أخى حرام عليك دا أنت أكتر مهنة إنسانية
الطبيب الى و هو فى كلية طب بيفبرك الحالات عشان يعدى إمتحانات العملى
الطبيب الى بيرفض يعالج مريض لمجرد إنه مش قادر و مش عاوز يوجع دماغه
الطبيب الى عاوز يحول الحالات على العيادة بتاعته عشان يبقى الفلوس كلها ليه

شريك أخر
ظابط الشرطة الى بيقف ساكت على الغلط لمجرد إن التانى ظابط زيه
ظابط الشرطة الى بيجى على الغلبان و يسيب الظالم عشان ليه ضهر
و أظن كلنا عارفين كدا

شريك كمان
الى بيرمى عياله فى الإشارة يشحتوا عشان هو مش عايز يشتغل

شريك كمان
المهندس الى بياخد رشاوى عشان ما يتكلمش على رصف الطريق الغلط
المهندس الى بياخد رشوة عشان يمشى الرصيف بعيد عن الكشك الى مبنى مخالف

و غيرهم و غيرهم و غيرهم
لو حد يعرف غيرهم يقول عشان ما نعملش زيهم

اولا احيي حضرتك علي شجاعتك
و اتمني ان يكون مقال حضرتك في موضوع مستقل
(( يحمل عنوان كلنا نشارك مبارك المسئولية ))
او اي عنوان اخر حضرتك تراه مناسبا
حين كنت في الطائرة عائد من رحلة عمل خارجية
كان هناك اشخاص محترمين اوي يجلسون بجانبي عمالين يشتمو في البلد و اللي فيها و الفساد و الغلاء و عدم الاحترام وغيره و غيره
وحين وصلنا بالسلامة اجدهم و احنا في الطابور بتاع الجوزات
هناك من يشيل لهم الشنط و يدخلهم من امام الجموع و الصفوف
و هم يمشون في خيلاء لا يتحرجون من الناس و يذهبون للسير فأذا بالسير يقف و يأتي من بالداخل ليحدد الحقائب بتاعة البشوات
ثم تجدهم يخرجون من امام بتاع الجمارك و هما ضاربين النضارة و لا كأنهم و لاد الرئيس هل تعلم من هؤلاء (( كان واحد منهم عمه شغال موظف في المطار )) هكذا اخبرني و نحن علي الطائرة
و احنا في رحلة الحج و اثناء عودتنا من الاراض المقدسة و بعد ان ادينا مناسك الحج و الله العظيم الاغلبية منا لما عرفنا ان الوزن الزائد سيدفع عنه مبالغ كبيرة و جدنا انفسنا عمالين ندور علي الاشخاص الخفاف لكي يعطي كل واحد منا له حقيبة اضافية
و كنا نبرر ذلك بأنه ليس به شئ غلط و الحقيقة انه اكبر الغلط
(( فما اخذ بسيف الحياء فهو باطل ))
كم شاهدت و انا طفل صغير كراسات الاجابة بتاعة الامتحانات عند عمي مدير المدرسة و كان من يريد في كل العائلة ان يشتري لابناءه ورق فلوسكاب للمذاكرة لا يشتري يروح للعم الفاضل كي يغدق عليه من كراسات الاجابة المتوافرة لديه
الموظف او الموظفة في المصلحة الحكومية لا تجد غصة حينما تمضي لها زميلتها الصبح ثم بعد الظهر في كشف الحضور و الانصراف في حين انها ذهبت لمدة ساعة واحدة في منتصف الوقت او لم تذهب من اساسه
عاملين المساجد يدفعو فلوس للاوقاف لكي يتم تعينهم في المسجد
ثم يهجر المسجد و تجده يزرع في غيطة او بالاجرة عند الناس و لا يذهب الا قليلا و حينما تسأل طب ليه من الاول تقدمت للوظيفة و انت تعلم انها ملاليم يقول لك بس (( مستقبل )) (( و حاجة علشان العيال ثابتة و معرفش ايه ))
شباب في عمر الزهور يدفع اهاليهم فلوس للمرتشين لكي يدخلو ابنائهم الوزارات العالية (( مثل البترول و الكهرباء و الشرطة ))
و كم من رشاوي دفعت بالله عليكم و كم من دماء نبتت من الحرام
و غيره و غيره كلنا مشاركين الا من رحم ربي

م.حاتم السباعي