عيب تصنيع فرامل في الإيفو

**sweetvolcanoo** · 21-02-2011 07:00 PM

يا جماعة لازم نتكلم بحيادية من غير تعصب,ديه اول شكوي اسمعها من عربية ايفو و كانت مفاجاة لية انها متعلقة كمان بالفرامل اللي انا اصلا شايفها تحفة في العربية و علي جميع السرعات,,,استجابتها احسن من السيراتو بكتير,,,انا بطمن في سواقتها عن السيراتو 100 مرة و خصوصا في السفر و عمر ما حد اشتكي من الايفو لغاية دلوقتي,,,يعني ديه اول مشكلة فردية في السيارة بالرغم من كثرة ملاكها علي المنتدي,,,يبقي المشكلة كلها في التوكيل بس و طريقة معالجتة للموضوع,,مينفعش نظلم العربية لانها و شهادة حق تحفةةةةةةةةةة في كل حاجة,,,ده كفاية انها متقفلة في ايطاليا و مسمعناش عن اي مشكلة متعلقة بالتقفيل نهائيا في العربية مش المهازل اللي الواحد بيقراها علي المنتدي علي الماركات التانية,,,,,احنا اللي مضيعين حقوقنا مع التوكيل عشان بنسكت,,,والله انا مستعد نظبط كلنا مع يوكو و نروح كلنا مع بعض للمطلبة بحل تلك المشكلة حل فوري والله لو عملنا كدة كلنا و روحنا بعدد كبير كلنا بعربياتنا علي التوكيل والله اتحداكم ان المشكلة حتتحل في يومها,,,ده كفاية يعرفوا اننا ايد واحدة و حيعملولنا كلنا بعد كدة الف حساب وحساب,,,,,انا من اسكندرية و مستعد للحضور و المشاركة في اليوم الي تتفقوا علية وكلنا معانا نمر بعض اصلا من دليل الاعضاء,,,,,,,,,,,,,,,ايه رايكوا,,,,ردوا عليا عشان نظبط القصة ديه للابد,,,,اخوكم\هشام حمدي

**M.Osman** · 21-02-2011 07:37 PM

المشاركة الأصلية كتبت بواسطة formulator

.....................................

لو حضرتك عندك حاجة عايزة تقولها قولها بوضوح
لكن ترد رد مش مفهوم و واضح فيه التريقة ده مش مقبول

**sweetvolcanoo** · 21-02-2011 07:46 PM

الراجل كان بيهزر بلاش نكبر المواضيع,,,كلنا اخوات

**sky_walker** · 21-02-2011 08:11 PM

يا جماعة إمبارح بالليل فعلا المهندس مصطفى جالي تحت البيت و جرب العربية عشان أعرف إذا كان خطر امشي بيها و لا لأ و لما لف بيها لقاها فعلا بتكركر و الفرامل مش متظبطة ولما جه كانوا حطين ورقة الصيانة دي في الدواسات فشالها و بيقوللي الدواسة بس كانت مكلكعة تحت الفرامل فعشان كدة كانت بتكركر لأن الفرامل مكانتش بتقدر تنزل عالاخر و جه معايا و جربتها ملقيتش فيها أي حاجة و قاللي أعدي عليه في الصيانة يكشف عليها بالكمبيوتر تاني بردو أضمن و يشوف إيه اللي بيحصل و بصراحة انا مجربتهاش كفاية عشان احكم لسة بس مش هروح حماية المستهلك بكرة عشان فعلا مش هيلاقو فيها حاجة و هستنى (YOKO) أشوفه عمل إيه مع ال CEO.

sweetvolcanoo

أنا معاك في النقطة دي العربية وهمية و تجنن بس انا مش واثقة في الناس اللي هنا و مدى خبرتهم و معرفتهم بالتكنولوجيا دي و مدى تحملهم للمسئولية ......

formulator

أنا نفسي أتعلم الحرفة دي فياريت لو تقوللي خطوات لأن في البلد دي كتير أوي حقهم بيضيع!!!

karimalaa

شكرا جداااااا و يا ريت لو في أي جديد قوللي و لو تعرف اسم اللي هيتابع الموضوع يا ريت تقوللي عليه و عاوزة اعمل شير للجروب عشان الناس تنضم....

يا ريت كلوكو تشوفو القصة دي و ممكن تنقلو على النهاية على طول لأن اللى في النص كلنا متخيلينه ده موضوع مشابه بس مع RAYA
â€ڈط¹ط§ظٹط² ظ†ظˆظƒظٹط§... ظ…ط§طھط±ظˆط.ط´ ظ„ط±ط§ظٹط© â€ڈ | Facebook

**eslam_fashion** · 21-02-2011 08:13 PM

انا لما عديت على توكيل الدقي قالولي ان محدش اشتكى من العربية و ان وارد ان العربية يكون فيها عيب وده بيحصل في كل حاجه مش في العربيات بس و قالى ان الضمان بيضمنلك ان يصلح اي حاجه في العربية لو باظط .. وقالي ان مفيش حاجه اسمها ان حد بيدل عربيته .. ولا حتى في اي توكيل تاني .. بس اخويا قالي ان واحد صاحبه كان معاه عربية صيني وكان فيها مشكله ومعرفوش يصلحوها وراح لجهاز حمايىة المستهلك وعملوا لجنة فحص وبدلوهاله بواحدة جديدة..

**sky_walker** · 21-02-2011 08:21 PM

المشاركة الأصلية كتبت بواسطة eslam_fashion

انا لما عديت على توكيل الدقي قالولي ان محدش اشتكى من العربية و ان وارد ان العربية يكون فيها عيب وده بيحصل في كل حاجه مش في العربيات بس و قالى ان الضمان بيضمنلك ان يصلح اي حاجه في العربية لو باظط .. وقالي ان مفيش حاجه اسمها ان حد بيدل عربيته .. ولا حتى في اي توكيل تاني .. بس اخويا قالي ان واحد صاحبه كان معاه عربية صيني وكان فيها مشكله ومعرفوش يصلحوها وراح لجهاز حمايىة المستهلك وعملوا لجنة فحص وبدلوهاله بواحدة جديدة..

أيوة و ده كلامهم كلهم و بالنسبة لتغيير العربية دي واحدة صاحبتي كانت بتشتغل في منصور شيفروليه بتقوللي بدون أي كلام العربية تتغير. و في حماية المستهلك قالولي عالصيني دي و أنا الغلطة عندي أن العربية إتصلحت و أرجع و اقول ربنا يستر و أنا بعمل محاولاتي الأخيرة مش اكتر و أنا واثقة و مؤمنة إن إللي ربنا كاتبهولي خير و هرضى بيه إذا كان دي أو واحدة تانية..... أنى بسعى بس ورا حقى إذا كانت بقى اوماترا معترفة بيه أو لأ!!!

**eslam_fashion** · 21-02-2011 09:10 PM

ربنا يعملك اللي فيه الخير

**yoko** · 21-02-2011 09:13 PM

إصبري لحد ما أقابل المدير التنفيذي وسؤال هيا طلعتلك إيرور أول ما إستلمتي ولا لأولو طلع مشيتي عليها لمدة قد إيه

**MagedFahmy2010** · 21-02-2011 10:38 PM

MagedFahmy2010 اللى معندوش غير مشاركة واحدة بيقولها فـ كل المواضيع..!!!؟؟؟ هو ده تصرفك اللى انت شايفه هيجيب نتيجة ..! :

واضح انك فى الحساب بعافية شوية لان دى عاشر مشاركة ليا ...... جرب تعد تانى كدة
مشاركة التوكيل فية سم قاتل دى ان كررتها عن عمد فى موضوعات تانية عشان احذر كل واحد بيفكر يشترى عربية فيات بدل ما نلاقى ناس أكتر بتتدبس مع توكيل مايهموش حياة العملا بتوعة وسلامتهم زى ما حصلى وحصل لناس تانية كتير ...... ياريتنى كنت لقيت حد حذرنى بدل الواقعة السودة دى . فى رأى حضرتك ... كان المفروض أعمل أية ؟؟؟؟؟؟؟ أسيب الناس على عماهم وأقول وأنا مالى ...... عاملوا الناس كما تحبوا أن يعاملوكوا .......... وحب لاخيك ما تحب لنفسك ...... لو أنا غلطان يا جماعة قولولى .