اين ذهب نظام ال Abs

**مدحت منيب** · 03-04-2008 10:42 PM

تم خرط الطنابير الخلفيه .. ثم تركيب تيل فرامل خلفى .. و فى التست درايف ، لقيت لمبة ال A B S

منوره فى التابلوه .. تم فحص الفيوزات و ما زالت منوره

قلت له اوعى تشيل لى فيوز عشان اللمبه تطفى و تقول لى خلاص حلّيتها ..

رحت صليت العصر .. لقيته بيقول لى خلاص حليتها ..

اختفى ال ايه بى اس فى اختبار القياده تماما!!!

اى نصيحه ؟

**Sherif Khalifa** · 04-04-2008 12:03 AM

و حضرتك مسئلتوش ؟

**MMamdouh** · 04-04-2008 03:32 AM

اختفى يعنى ايه... اللمبة طفت؟

هل الABS لسة شغال ولا مش شغال؟؟

MMamdouh

**مدحت منيب** · 04-04-2008 12:25 PM

و الله سالت .. و اتخانقت .. قال لى كان فيه سلك واقع و توهنى قلت له :العجله ووريهولى ..

فك و قال لى اهو دا ..و حلف لى كل حاجه راكبه مكانها ..و طبعا ميت " ما تقلقش " .. و خمسين ماتخافش..

استنيت لبالليل .. و طلعت اربعه الصبح كورنيش حلوان .. عشره عشرين فرملة موت .. ما فيش الصوت المعدنى الجميل بتاع تحجيرة ال ايه بى اس !
ايوة يا استاذ ممدوح اللمبه طفت بمجرد ما صليت العصر ..

**Ahmad Allawy** · 04-04-2008 12:40 PM

هو انا مش فاهم كويس بس..
بعد ما الميكانيكي المعجزة قال انه حل المنشكلة.. و حضرتك جربت..
هل الايه بي اس اشتغل معاك ولا لم يعمل تماما بعد ما عمله..؟؟
وبيتهيألي ان الموضوع محتاج جهاز و كشف علي كود المشكلة اللي حصلت..
وبرضه اكيد ان شاء الله حد من الناس التقال في المنتدي هنا هيرد عليك و يفيدك واستفيد انا كمان المعلومة الصح ان شاء الله..
وربنا يعينك و المشكلة تطلع بسيطة ان شاء الله..

**مدحت منيب** · 04-04-2008 12:50 PM

نسيت اقول انى اشتريت و ركبّت اتنين صرة عجل خلفى الواحدة ب 350 =700 جنيه . ( لاستحالة اخراج رمان بليهم اللى كان عامل ونه زى الطياره مضايقانى ) مع خرط الطنابير مع التيل الجديد .

**مدحت منيب** · 04-04-2008 12:56 PM

و الله سالت .. و اتخانقت .. قال لى كان فيه سلك واقع و توهنى قلت له :العجله ووريهولى ..

فك و قال لى اهو دا ..و حلف لى كل حاجه راكبه مكانها ..و طبعا ميت " ما تقلقش " .. و خمسين ماتخافش..

استنيت لبالليل .. و طلعت اربعه الصبح كورنيش حلوان .. عشره عشرين فرملة موت .. ما فيش الصوت المعدنى الجميل بتاع تحجيرة ال ايه بى اس !
يعنى ما بيشتغلش .. انا طبعا عارف لما بيشتغل بتبقى الفرمله شكلها ايه .

**Ahmad Allawy** · 04-04-2008 01:01 PM

والله كده حضرتك مضطر تستني حد من كبار و كثيري الخبرة هنا في املنتدي يفيدك
او تروك لميكانيكي او مركز صيانة دايو او جي ام عموما محترم..
يشوفلك ايه سبب المشكلة.. و برضه زي ما قولت لسعاتك هتحتاج حد يبص بالجهاز علي العربية ويشوف لو في مشكلة هيقولك من "الايرور كود" كود المشكلة ايه نوعها و هيقولك هي ايه وتعمل ايه..
لو حضرتك ساكن قريب من المعادي او المقطم ممكن ادل حضرتك علي مركز الصيانة اللي باتعامل معاه يشوفهالك و انا تحت امرك..