يا جماعة سحب الألتيا Altea XL أخباره إيه و هل فيها ESP؟

**abouetta** · 26-06-2011 02:22 PM

المشاركة الأصلية كتبت بواسطة mohamedsamy68

العربية معايا من اسبوع هى واطية شوية ولذلك خد المطب على الهادى وغير كده زى الفل

الف شكر علي الرد و الف مبروك علي العربية ربنا يباركلك فيها و يديك خيرها و يكفيك شرها

بس هل الكلام ده مع المطبات العالية الي في اكتوبر و العربية محملة؟ و لا لو سايق لوحدك؟

و هل مش بتحتاج تاخد المطبات بالجنب؟

و ايه رأيك في العربية بشكل عام حتي الآن؟

**abouetta** · 26-06-2011 02:25 PM

و هل عليها اي تخفيضات في الوقت الحالي عند اي موزع او الوكيل؟ عشان محتاج أعرف أفضل مكان أشتري منه بإذن الله

**beihoo** · 26-06-2011 02:37 PM

اللي أعرفه إن ال TC و ESP و VSP كلهم بيدلوا على نفس الشيء .. و هو برنامج الحفاظ على ثبات العربية في المنحنيات .. Traction control, Electronic Stability Program or Vehicle Stability Program نفس المعنى و نفس المبدأ لكن بتختلف المسميات من مصنع لأخر.

الألتيا عربية عائلية بإمتياز .. مساحات واسعة و خامات ممتازة و أوبشنز جيدة جدا و أمان 5 نجوم .. سحب العربية مش المشكلة اللي تعيقك إنك تجيب عربية في الفئة دي .. إنت مش هاتدخل بيها سباقات سرعة المهم إنها تسعفك لما تحب تجري و أعتقد إن ده موجود في كل الأوروبي بشكل عام و السيات بشكل خاص. جرب الفتيس الجديد و إدعيلي :)