عيوب السيارة الشاهين

**mero5005** · 11-04-2008 02:45 AM

على فكره المشكله الوحيده ان كل واحد بيبص للعربيه من وجهه نظر مختلفه يا جماعه الشاهين عربيه خرافه فى التحمل لكن مش يتاعه دلع ( مع الاعتذار للتكييف والباور والزجاج الكهربائى اللى بيدحكوا علينا بيه فى العربيات الكورى) انا ركبت الاتنين ولكن مينفعش تقارن بينهم شوف يهمك ايه فى العربيه اكتر التحمل ولا الرفاهيه وهتلاقى المشكله اتحلت
الجدير بالذكر ان الشاهين تحمل مشكلتين اولا سعرها على جداااااااا بالنسبه لكونها فقيره فى الامكانيات 65 الف بعد ما كانت 60 بس ل 1400 و 73 لل 1600وده حرررررررررررررام قوى ثانيا انتا وسواق التكسى معادش بينكم فرق مع احترامى الشديد الشديد لهم وبس ولا خناق ولا حاجه

**فادى** · 11-04-2008 06:44 PM

مع احترامى للجميع لكن أنا شايف انو السعر منطقى جدا لو نظرنا لأسعار اللانوس و الفيرنا.
مش هتكلم عن التحمل و الأداء و الدفع الخلفى و الثبات و جودة التصميم و المكونات و التى تتميز بهم الشاهين عن سيارات أعلى منها فى السعر حتى, لكن هتكلم عن حاجة واحدة فقط.
الشاهين سيارة "مش مغشوشة", و طبيعى انو السلعة الأصلية و الى عارفين مصدرها تبقى أغلى من السلعة مجهولة المصدر زى الكورى و الصينى.
طبيعى جدا انو الشاهين تبقى أغلى من الفيرنا, لأنها أفضل منها بمراحل كما أنها تحمل اسم "فيات".
و لكن لو نظرنا الى السعر فقط, فسوف نجد أن أسعار السيارات فى مصر عموما مرتفعة.

**Mahmoud_405** · 11-04-2008 07:14 PM

انا معايا شاهين 1400 موديل 98 جايبهة زيرو يعني 10 سنين من المعاناه وقلة الضمير والصناعة البايظة واللي يشتري شاهين دلوقتي علشان يشجع الصناعة المصرية حياخد علي قفاه.........

انا مش حطول عليكم الراجل اللي كتب الموضوع كلامة صح 100 في 100 والله

1- العربية جت ببطارية بايظة
2- تغيير ديسك واسطوان بعد 25000 الف كيلو
3- قطع الغيار اللي في السوق اللي بييقولو عليها ريخيصة مغشوشة وتعبانة ومبتعدشي ويافرحتي لما اجيب تيل ب 70 جنية وميكملشي 10000 كيلو
4- عربية مقرفة في صيانتها بتحتاج تروح للمكانيكي علي طول
5- موتور في الباي باي صوتوا عالي وسحبوا ضعيف جدا
6- خامات رديئة الطابلوه معمول من خامات الشباشب المعفنة وبيشقق بسرعة

الاهم من ده كلة العربية مش ثابتة علي الارض بعد ال 100 ولو اخد غرزه علي 100 حتعوم معالك كانك ماشي علي 150 بفرنا

نصيحة لوجة الله لا تشتري شاهين عربية زبالة ( انا ندمت علي العربية دي) ومش لوحدي كلة بيشتكي منها

**grgabra** · 12-04-2008 02:57 PM

اسف يا استاذ
Mahmoud_Peugeot
انا مشترى الشاهين 1400 سنة 98 برضه ، مفيش اى حاجه من الحضرتك بتقولها حصلت ، الصيانة كل فتره مش قليلة ، بشترى قطع الغيار الايطالى دائماً وبأسعار كويسه طبعا بانسبة لأسعار الكورى واليابانى
معرفش لو الموضوع فيه فرز أو حظوظ لكن الإنت بتقولوه ما حصلش معايا خاااااااااااااالص ، والعربية لسه معايا وزى الفل

**رامى خيال** · 12-04-2008 03:07 PM

اعتقد ان السوق المصرى يتفرد عن باقى دول العالم بعدة نقاط عند شراء سيارة:
اولا : يجب ان تضع فى اعتبارك شراء سيارة سهلة البيع بمعنى وقت متعوز تبيعها مش هتتعب وهذا يتوفر فى الشاهين وهو مايرفع من ثمنها.
ثانيا: توافر قطع الغيار والشاهين والفيات عامة تجد قطع غيارهم حتى عند محلات البقالة!!!!!!!!!!!
ثالثا : ملائمة السيارة للشوارع والطرق المصرية لأنه لايوجد طريق فى مصر تستطيع تجاوز سرعة 100 كم / ساعة باستثناء طريق العين السخنة وطريق الكريمات بالاضافة الى الشوارع المليئة بالحفر والمصاطب( المطبات سابقا)وهذا يتوفر وبشدة فى الشاهين.
اما بالنسبة للرفاهية فلا تفكر فى الشاهين لن تشعر بفارق بين كبير بين شاهين باور وبدون وشاهين تكييف وبدون.مع العلم ان السيارة ليست بالخشونة التى يتعمد البعض وصمها بها.ركبت سيارة نيسان صنى موديل 2008 لم اشعر بقارق كبير فى التسارع بينها وبين الشاهين.الفارق الوحيد كان فى انخفاض صوت الموتور.لذا ارجو مناقشة الشاهين بموضوعية ولا يتم التحامل عليها بهذه الصورة.

**tutankhamoun** · 12-04-2008 06:49 PM

السلام عليكم
أرى أن هناك تحامل من كاتب الموضوع على السيارة الشاهين
و ايضا هناك مبالغة كبيرة من الأستاذ فادي في ذكر حسناتها ( القليلة )

السيارة الشاهين سيارة معقولة جدا و جيدة في فترة بداية التسعينيات و عند ظهور السيارات الأخرى بدأ نجمها في الأفول و هذا طبيعي لعدم تحديث أي شئ فيها
فهي سيارة تم تصميمها في فترة السبعينيات و منذ ذلك الحين و حتى اﻵن .......... الشاهين هي هي 131 مع تعديل بسيط في الشكل

أما الكلام الخاص بأنها سيارة رياضية و الكلام ده ....... لا أعتقد
لا هي سيارة تسارع ....... و لا هي سيارة عائلية مريحة
و لكنها سيارة معقولة
-----------------------------------------------------------
و إذا تكلمنا عن السيارة الشاهين فهي سيارة تركية و ليست سيارة مصرية إطلاقا و تتساوى مع اي سيارة تم تجميعها في مصر
مثل هيونداي فيرنا و اكسل و أكسنت ......... و كيا برايد ...... جيب شيروكي .......... مرسيدس ......... بي إم دبليو ........... دايو ..........

لا يوجد سيارة مصرية يا سادة
فنرجوا عدم الخلط ..................... الكل تجميع
و إذا كنت بفكر في شراء سيارة معمولة في مصر
فالشاهين زي أي عربية متجمعة و الفرق الوحيد هو الإسم
لإن الشاهين أصلا ليس لها اسم ماركة
و لكنه اسم موديل و تم تغييره من 131 إلى شاهين و هو إسم تركي

و على فكرة الخامات المستخدمة في صناعة جسم السيارة و خامات المقصورة سيئة جدا

و لكن محركها طويل العمر .......... و دي حقيقة لا تقبل الجدال
فهو محرك 131 التي صالت و جالت في أوروبا و الشرق الأوسط و آسيا

و على فكرة إيران تصنع محركات و منذ زمن

أما عن تركيا فهي أكبر بلد إسلامي منتج للسيارات مع ماليزيا و لكنها تنتج سيارات غيرها مثل رينو و فيات و بيجو و هيونداي

و طبعا ماليزيا ............ بروتون و محركها الجديد كامبروا و التي تتميز بأنها الدولة الإسلامية الوحيدة التي تصدر سيارات للسوق العالمي مثل إنجلترا و أستراليا و دول آسيا و الشرق الأوسط و قبرص و مالطا ......... الخ

------------------------------------------------

هل الشاهين سعرها مبالغ فيه
نعم و ألف نعم ............... لأن الجودة قليلة جدا فيها
يبقى حرام الواحد يدفع كل الفلوس دي في عربية مفيهاش أي تكنولوجيا حديثة و مفيهاش أي كماليات تعمل بطريقة صحيحة
و هي كان لها زمن ............ و أنتهى
--------------------------------------------------

**tutankhamoun** · 12-04-2008 06:51 PM

الشاهين .......... تجميع مصري أو صناعةمصرية
الأفيو ......... تجميع مصري أو صناعة مصرية
الدايو لانوس ....... تجميع مصري أو صناعة مصرية
و المرسيدس و البي إم دبليو و حتى شيري الصيني

الفرق الوحيد هو الإسم فقط لا غير

يعني أنا لو عايز أشجع صناعة مصر و أشتريت شاهين
يتساوى موقفي لو أشتريت دايو لانوس
لأن الأثنين ليسو مصريين المنشأ ............ و لكن مصريين التقفيل و التجميع
أرجوا أن أكون أوضحت نقطة مهمة جدا غائبة عن أخواني في المنتدى

و بعدين مصنع النصر للسيارات مصنع فاشل

ازاي مصنع زي ده تم تأسيسه سنة 1960 و لم ينتج سيارة مصرية إلى اﻵن
و تم التأسيس قبل الشركات التالية
ميتسوبيشي اليابانسة التي تأسست سنة 1973
هيونداي 1967
بروتون 1983
شيري الصينية ........... 1997
................................................ الخ

**فادى** · 12-04-2008 11:33 PM

المشاركة الأصلية كتبت بواسطة tutankhamoun

السلام عليكم
أرى أن هناك تحامل من كاتب الموضوع على السيارة الشاهين
و ايضا هناك مبالغة كبيرة من الأستاذ فادي في ذكر حسناتها ( القليلة )

السيارة الشاهين سيارة معقولة جدا و جيدة في فترة بداية التسعينيات و عند ظهور السيارات الأخرى بدأ نجمها في الأفول و هذا طبيعي لعدم تحديث أي شئ فيها
فهي سيارة تم تصميمها في فترة السبعينيات و منذ ذلك الحين و حتى اﻵن .......... الشاهين هي هي 131 مع تعديل بسيط في الشكل

أما الكلام الخاص بأنها سيارة رياضية و الكلام ده ....... لا أعتقد
لا هي سيارة تسارع ....... و لا هي سيارة عائلية مريحة
و لكنها سيارة معقولة
-----------------------------------------------------------
و إذا تكلمنا عن السيارة الشاهين فهي سيارة تركية و ليست سيارة مصرية إطلاقا و تتساوى مع اي سيارة تم تجميعها في مصر
مثل هيونداي فيرنا و اكسل و أكسنت ......... و كيا برايد ...... جيب شيروكي .......... مرسيدس ......... بي إم دبليو ........... دايو ..........

لا يوجد سيارة مصرية يا سادة
فنرجوا عدم الخلط ..................... الكل تجميع
و إذا كنت بفكر في شراء سيارة معمولة في مصر
فالشاهين زي أي عربية متجمعة و الفرق الوحيد هو الإسم
لإن الشاهين أصلا ليس لها اسم ماركة
و لكنه اسم موديل و تم تغييره من 131 إلى شاهين و هو إسم تركي

و على فكرة الخامات المستخدمة في صناعة جسم السيارة و خامات المقصورة سيئة جدا

و لكن محركها طويل العمر .......... و دي حقيقة لا تقبل الجدال
فهو محرك 131 التي صالت و جالت في أوروبا و الشرق الأوسط و آسيا

و على فكرة إيران تصنع محركات و منذ زمن

أما عن تركيا فهي أكبر بلد إسلامي منتج للسيارات مع ماليزيا و لكنها تنتج سيارات غيرها مثل رينو و فيات و بيجو و هيونداي

و طبعا ماليزيا ............ بروتون و محركها الجديد كامبروا و التي تتميز بأنها الدولة الإسلامية الوحيدة التي تصدر سيارات للسوق العالمي مثل إنجلترا و أستراليا و دول آسيا و الشرق الأوسط و قبرص و مالطا ......... الخ

------------------------------------------------

هل الشاهين سعرها مبالغ فيه
نعم و ألف نعم ............... لأن الجودة قليلة جدا فيها
يبقى حرام الواحد يدفع كل الفلوس دي في عربية مفيهاش أي تكنولوجيا حديثة و مفيهاش أي كماليات تعمل بطريقة صحيحة
و هي كان لها زمن ............ و أنتهى
--------------------------------------------------

أحب أوضح نقطة مهمة, الشاهين صحيح أنو الكثير من مكوناتها فضلا عن التصميم ليس مصريا لكن هى السيارة الوحيدة الى تتبع ماركة مصرية و هى نصر, السيارة اسمها "نصر شاهين", و بتكتب فى الرخصة كده. و أعلى نسبة تصنيع هى الشاهين 56% مكونات مصرية.
على فكرة مصر ليها تجارب عدة فى صناعة المحركات, من مصنع حلوان للمسبوكات, و بننتج فعلا محركات ديزل, و كان لهذا المصنع فى السابق محرك بنزين ناجح جدا كان بينزل فى النصر 125 و البولونيز, المحرك اسمه نصر 1500, و كان محرك معمر جدا و ملوش أى مشاكل معروفة.

و لازم نوضح برضو انو الشاهين : محرك فيات تمبرا معدل للدفع الخلفى, تصميم الشاسيه و نظام التعليق مأخوذ من فيات 131, و الجسم مستوحى من الريجاتا, يعنى المحرك حديث نسبيا, الشكل متوسط الحداثة, و نظام التعليق قديم بعض الشىء, لكن لازم نذكر انو نظم التعليق لم تتطور كثيرا منذ السبعينات, و محرك التمبرا لا يختلف كثيرا (أو لا يختلف مطلقا) عن السيارات الموجودة الأن.

**tutankhamoun** · 13-04-2008 07:47 AM

المشاركة الأصلية كتبت بواسطة فادى

أحب أوضح نقطة مهمة, الشاهين صحيح أنو الكثير من مكوناتها فضلا عن التصميم ليس مصريا لكن هى السيارة الوحيدة الى تتبع ماركة مصرية و هى نصر, السيارة اسمها "نصر شاهين", و بتكتب فى الرخصة كده. و أعلى نسبة تصنيع هى الشاهين 56% مكونات مصرية.
على فكرة مصر ليها تجارب عدة فى صناعة المحركات, من مصنع حلوان للمسبوكات, و بننتج فعلا محركات ديزل, و كان لهذا المصنع فى السابق محرك بنزين ناجح جدا كان بينزل فى النصر 125 و البولونيز, المحرك اسمه نصر 1500, و كان محرك معمر جدا و ملوش أى مشاكل معروفة.

و لازم نوضح برضو انو الشاهين : محرك فيات تمبرا معدل للدفع الخلفى, تصميم الشاسيه و نظام التعليق مأخوذ من فيات 131, و الجسم مستوحى من الريجاتا, يعنى المحرك حديث نسبيا, الشكل متوسط الحداثة, و نظام التعليق قديم بعض الشىء, لكن لازم نذكر انو نظم التعليق لم تتطور كثيرا منذ السبعينات, و محرك التمبرا لا يختلف كثيرا (أو لا يختلف مطلقا) عن السيارات الموجودة الأن.

أستاذ فادي ......... أنا عارف كل الكلام ده كويس
و لكن دعني أختلف معك في نقطة
هل وضع كلمة " نصر شاهين " في الرخصة جعل منها سيارة مصرية ؟؟؟؟
هل تشابه بعض قطع الغيار مع السيارة فيات تمبرا يجعل الشاهين تدخل في نفس فئة الجودة و التقفيل و التحديث الذي حدث لتمبرا ؟؟؟

و أنا عارف إن مصنع النصر بيصنع محركات ديزل و عارف موضوع المحرك البنزين الذي كان يتم صناعته في واحد من المصانع الحربية لصالح شركة النصر

أنا لومي الشديد لشركة النصر و القائمون عليها هو أنها شركة عريقة في التأسيس و لكنها ليست عريقة في الصناعة

يا أستاذ فادي .......... هيونداي اللي مش عاجبة حضرتك بدأت بعد 7 سنوات كاملة من بعد شركة النصر .......... و مع ذلك أصبحت قوى عظمى في صناعة السيارات و هذا بغض النظر عن مستوى جودة السيارات الرخيصة التي تنتجها

و معاك بروتون ................ تم التأسيس و الإنتاج سنة 1983 و شوف بروتون بتعمل أيه دلوقتي

و شوف حتى شركة شيري الصينية ............. 1997

و مع ذلك بينتجوا عربيات و محركات ........... حتى لو كانوا بيقلدوا
بس ياريتنا أحنا كنا قلدنا و عملنا زيهم في الأول .......... كان زمنا بقى لينا اسم

يا راجل ده حتى ميتسوبيشي اليابانية العملاقة ............ 1973
و شوف حجم مبيعتها في السوق العالمي .......... و يتم تسويقها في غالبية بلاد العالم

و يافرحتي لما النصر عملت محرك واحد في حياتها و مقدرتش تتطوره أو تبيع منه أو تنتج موديل واحد فقط للبيع خارج حدود جمهورية المهلبية العربية

يا راجل ........... دي خلاص أصبحت ماضي و هناك كلام أنها سوف تباع في المستقبل القريب

**sab3aawy** · 16-04-2008 03:21 AM

المشاركة الأصلية كتبت بواسطة فادى

الشاهين نسبة التصنيع المصرى فيها تصل الى 56% , و هى أعلى نسبة تصنيع فى السوق المصرى,كما أنها تحمل ماركة مصرية, يعنى اسمها الرسمى "نصر شاهين".
و لا يخفى عليك أن حتى السيارات الايرانية هى تجميع لسيارات فرنسية, و لكن يطلق عليها اسم ايرانى.
لذا فالشاهين رسميا سيارة مصرية.

ممكن بس اعرف ال 56% دول فين بالضبط؟

فى المحرك وللا فى آلات الجر وللا فى منظومة التحكم وللا مجموعة التعليق وللا الشاسيه وللا الصاج الخارجى وللا الإكصدامات وللا الفوانيس وللا العتب البلاتسيك وللا الشبكة وللا فين بالضبط؟

بذمتك :حته موكيت ارضية وفرش باب وزجاج وتنجيد وبطارية وشكمان وكاوتش ولفتين سلك كهربا وباكتتين وردياتير عملتهم 56% يا راجل يا طيب؟لما يكون الموتور والفتيس وكل آلات الجر والتعليق وكل الشاسيه وكل الصاج بالإضافة الى كل اللى انا ذكرته فوق بييجى من تركيا فى كراتين يبقى فين ال 56% دى، يا راجل ده فانوس الإشارة البلاستيك اللى بينزل فيها تركى

على فكرة ، انا لست ضد الشاهين، وبحبها جدا، لكنى لا أراها اكثر مصرية من الهيونداى فيرنا او الشيفروليه افيو او الدايو لانوس او النيسان صنى او اى ماركة اخرى مجمعة فى مصر

الموضوع: عيوب السيارة الشاهين

LinkBack

أدوات الموضوع

عرض

-

-

-

-

-

المواضيع المتشابهه

عيوب السيارة الشاهين وبكل صراحة ( وحشة جدا )

عيوب الشاهين

(كتالوج الشاهين Sahin Catalog) لعشاق السيارة الشاهين إن كان لها عشاق غيري

ما الفرق بين السيارة الدوجان و السيارة الشاهين ؟؟؟؟؟؟؟؟؟؟؟؟؟

السيارة الشاهين

الكلمات الدلالية لهذا الموضوع

المفضلات

المفضلات

ضوابط المشاركة