عيوب السيارة الشاهين

**maka** · 18-04-2008 01:26 AM

المشاركة الأصلية كتبت بواسطة tutankhamoun

السلام عليكم يا أستناذ فادي

معلش أنا آسف .......... بس مفيش حاجة أسمها استفادة معنوية
ده أسمه دفن الحقائق و الدفاع عن إدارات فاشلة لشركة النصر
شركة النصر شركة كبيرة ذات إمكانيات ضخمة و لم يستطيعوا أن يصنعوا سيارة مصرية
و حتى محركات الديزل التي يصنعونها ........... يتم صناعتها تحت إشراف شركات عالمية و خصوصا ميجروس دويتس و أعتقد أنها ألمانية
و لم تستفيد شركة النصر للسيارات من إمكانيات التعاون مع شركات القظاع الحربي و التي كانت تؤهلها لأن تأخذ مكانها في السوق العالمي بسهولة جدا
و بعدين موضوع الإنتاج الإقتصادي ده مردود عليه
لإنتاج سيارة للربح الإقتصادي يجب أن يتعدى الإنتاج السنوي ما يزيد عن 50 ألف سيارة سنوياً
و أنت عندك السوق المصري
و عند أسواق الدول العربية ( و أيضا يمكن التعاون مع بعض منها مثل تونس و المغرب )
و عند السوق الإفريقي .......... و شرق أوروبا ........... و أمريكا اللاتينية

يعني دي حجة البليد الكسلان اللي مش عايز يذاكر و يتعب

و بعدين حتى الذي يتم صنعه بواسطة شركة النصر هذه ........ تكنولوجيا عتيقة جدا و طبعا مفيش شركة عالمية تعطيك تكنولوجيا جديدة
لذلك يجب أن تسعى أنت إليها كما فعلت ......... كوريا ........ ماليزيا ........ تركيا ..... إيران
و صناعات أيه اللي أصعب من العربيات دي اللي أحنا بننتجها ؟؟؟؟؟؟؟؟؟؟؟؟؟؟
هاتقولي حفارات بترول !!!!!!!!!!!
هاقولك إن الصناعات الإلكترونية الدقيقة أصعب من حفارات البترول يا أستاذ فادي و أصعب بكثير
و أحنا دولة للآسف فاشلة صناعيا ( لا يوجد إنتاج مصريا الفكر فعلي )
أما موضوع التباهي المعنوي .......فده معناه الإستمرار في مسلسل غش النفس و برضه مسلسل التخلف التكنولوجي و الصناعي

و دعني أُحيي فيك وطنيتك .........
و برضه الوطنية مش بالكلام بس
و تحياتي الحارة لك و لأسرتك و كل التمنيات لك بالخير

مصنع النصر زى اى مصنع حكومى فاشل اللى مسكينه مش مهتمين غير بالكرسى لكن تجديد

وتطوير والكلام ده فكك .المصنع ده لو كان قطاع حاص من سنة 60 كان زمانه حاجة تانية و ياريت ي
تباع لواحد يحول ينتج عربية مصرية

**maka** · 18-04-2008 01:30 AM

المشاركة الأصلية كتبت بواسطة فادى

أحب أوضح نقطة مهمة, الشاهين صحيح أنو الكثير من مكوناتها فضلا عن التصميم ليس مصريا لكن هى السيارة الوحيدة الى تتبع ماركة مصرية و هى نصر, السيارة اسمها "نصر شاهين", و بتكتب فى الرخصة كده. و أعلى نسبة تصنيع هى الشاهين 56% مكونات مصرية.
على فكرة مصر ليها تجارب عدة فى صناعة المحركات, من مصنع حلوان للمسبوكات, و بننتج فعلا محركات ديزل, و كان لهذا المصنع فى السابق محرك بنزين ناجح جدا كان بينزل فى النصر 125 و البولونيز, المحرك اسمه نصر 1500, و كان محرك معمر جدا و ملوش أى مشاكل معروفة.

و لازم نوضح برضو انو الشاهين : محرك فيات تمبرا معدل للدفع الخلفى, تصميم الشاسيه و نظام التعليق مأخوذ من فيات 131, و الجسم مستوحى من الريجاتا, يعنى المحرك حديث نسبيا, الشكل متوسط الحداثة, و نظام التعليق قديم بعض الشىء, لكن لازم نذكر انو نظم التعليق لم تتطور كثيرا منذ السبعينات, و محرك التمبرا لا يختلف كثيرا (أو لا يختلف مطلقا) عن السيارات الموجودة الأن.

التمبرا تفرق فى الف حاجة عن الشاهين من تابلوه وتكييف وصوت الموتور انعم وتكنولوجيا احدث

وثبات افضل وعلى اده تمنها مش مغالى فى سعرها

**sherbini** · 20-04-2008 02:02 PM

اولا يا جماعة انا قريت الموضوع من كام يوم. وكان عندى معلومة والمعلومة دى ممكن تصحح حاجات كتير عند الناس بخصوص اصل السيارة الشاهين وبلد المنشأ . ودة حصل لما لاحظت من زمان انعلامة العربية عبارة عن حرف T باللغة الانجليزية وبعدين سالت اية علاقة الحرف دة باسم شاهين مع ملحوظة اخرى انها تكتب Sahin ولو قريتها كدة تطلع ساهين وليس شاهين.

النتيجة : ان فى شركة تركية اسمها (توفاس) (Tofas) وهذا هو سبب الحرف T تقريبا اشترت من فيات حق انتاج الفيات 131 وتعديلها (ودة تقريبا هو العلاقة الوحيدة بين فيات السيارة شاهين) واطلاق اسم تركى عليها مثل شاهين و هو بالمناسبة اسم احد انواع الصقور.

ولاننا كمان فى عز الحديث عن الشاهين نسينا السيارة الاخرى دوجان وكانت نفس الشكل بنسبة 100% ولكن الدوجان كانت فيها كل الكماليات وهى من انتاج نفس الشركة وعن تجربة ان الدوجان احسن بكتير من الشاهين فى الموتور فقط وليس فى اى شىء اخر مع ان بعض خامات السيارة افضل بنسبة ضئيلة .

ولكن هى فى المجمل سيارة متواضعة جدا جدا جدا ............ فى سنة 2008 وحرام تتباع بالرقم دة اطلاقا

**maka** · 21-04-2008 02:14 AM

المشاركة الأصلية كتبت بواسطة sherbini

ولكن هى فى المجمل سيارة متواضعة جدا جدا جدا ............ فى سنة 2008 وحرام تتباع بالرقم دة اطلاقا

+1111111111111

**amrhussein123** · 23-04-2008 04:01 AM

ولكن هى فى المجمل سيارة متواضعة جدا جدا جدا ............ فى سنة 2008 وحرام تتباع بالرقم دة اطلاقا

كلامك سليم

ممكن بالسعر بتاعها تركب عربيات احسن 10000000000000000 مره

**medozaed** · 13-05-2008 12:19 AM

اناعاندى شاهين موديل 99 وبتوصل لحد160كم فى الساعه ومصرفتش عليها اى حاجه غير الصيانه الدوريه بس

**ahmedfawzy14** · 08-06-2008 12:34 PM

هيا فيها عيوب

بس مش للدرجة دى يعنى

**galilio_mad** · 08-06-2008 02:34 PM

على فكرة يا جماعة شركة النصر للسيارات ما كانتش فاشلة كدة اول ما فتحوها
و فعلا كانت بتنتج عربيات شبه كاملة بمعنى ان نسبة المكون المستورد كانت بسيطة
زى ال 1100 , 1300 , 1500 , 2300 و الكلام ده فى الخمسينات
و طبعا ما ننساش العربية رمسيس العجيبة دى

و ممكن الناس الكبيرة شوية تعرف ان فى السبعينات ال 125 المصرى كانت احسن من البولندى

بالنسبة لنقطة نصر شاهين دى , فى اوائل عهد النصر 128 والدى اشترى واحدة على الزيرو و العلامة اللى فى وسط الدركسيون وقعت لقى تحتيها علامة Fiat , يعنى حتى ما كلفوش نفسهم يشيلو العلامة الاصلية اللى فى الدركسيون , هما كانو بيجيبو كونتينرات مقفلة فيها قطع العربيات يلزقوها هنا , و الناس اللى اشترت اول دفعة دوجان نزلت مصر كانت الدفعة دى تركى 100% جت عربيات كاملة من برة و كانت غاية فى الروعة فى التقفيل و الجودة

الشركة التركية Tofas و تنطق توفاش اتأسست فى اواخر الستينات و بدأت تنتج ال 124 و بعدين ال 131 الشكل الاصلى لحد نص التمانينات تقريبا و بعدين طوروها الى الدوجان و الشاهين و سيارة ثالثة اسمها كارتال و دى كانت النسخة الاستيشن بموتور 2000 سى سى, مع العلم ان العربيات دى انتجت تحت اسم توفاش مش فيات

**Qamar** · 08-06-2008 03:40 PM

هذا حكمي على الشاهين بعد 8 شهور عملت فيهم 22 الف.العربية كانت مع صاحبي من الزيرو فعارف تاريخها كله و كنت أحيانا أستخدمها معه.
السيارة موديل 96 و الموتور 1300
1-أولا طولى 180 و لا اجد مشكلة في الدخول و الخروج. لكنها مش واسعة برضه.
2-عصا الفتيس مريحة
3-مراقبة العدادات سهلة ولا تحتاج أي مناورات لكن الأضاءة شبه ضايعة
4-حزام الأمان سهل الربط ولا مشكلة فيه
5-الموتور ال1300 بيوصل بعد 12 سنه شغل ( اجمالي 145 ألف كم) الى 140كم/ساعة بدون عمرة واحدة حتى الان
6-الكورونه لا صوت ولا مشكلة ولله الحمد
7- الأبواب لا مشكلة فيها حتى الان
8- السيارة لا تحتاج الى صيانة كثيرة بالرغم من اني باعمل بيها حوالى 3000 كم في الشهر

في النهاية: السيارة فعلا غالية جدا لكن التعليق المقتبس في بداية الموضوع مبالغ فيه جدا و يمكنكم ان تدركو ذلك من اسلوب الكتابة الذي لا أرى أنها موضوعية أبدا.
رجاء حار.
المنتدى رائع بسبب الموضوعية و الصراحة و الحيادية المبنية على التجربة. لا تجعلوه يفقد هذه الروح.

**ahmedfawzy14** · 08-06-2008 06:39 PM

المشاركة الأصلية كتبت بواسطة Qamar

هذا حكمي على الشاهين بعد 8 شهور عملت فيهم 22 الف.العربية كانت مع صاحبي من الزيرو فعارف تاريخها كله و كنت أحيانا أستخدمها معه.
السيارة موديل 96 و الموتور 1300
1-أولا طولى 180 و لا اجد مشكلة في الدخول و الخروج. لكنها مش واسعة برضه.
2-عصا الفتيس مريحة
3-مراقبة العدادات سهلة ولا تحتاج أي مناورات لكن الأضاءة شبه ضايعة
4-حزام الأمان سهل الربط ولا مشكلة فيه
5-الموتور ال1300 بيوصل بعد 12 سنه شغل ( اجمالي 145 ألف كم) الى 140كم/ساعة بدون عمرة واحدة حتى الان
6-الكورونه لا صوت ولا مشكلة ولله الحمد
7- الأبواب لا مشكلة فيها حتى الان
8- السيارة لا تحتاج الى صيانة كثيرة بالرغم من اني باعمل بيها حوالى 3000 كم في الشهر

في النهاية: السيارة فعلا غالية جدا لكن التعليق المقتبس في بداية الموضوع مبالغ فيه جدا و يمكنكم ان تدركو ذلك من اسلوب الكتابة الذي لا أرى أنها موضوعية أبدا.
رجاء حار.
المنتدى رائع بسبب الموضوعية و الصراحة و الحيادية المبنية على التجربة. لا تجعلوه يفقد هذه الروح.

نفس موديل عربيتى الشاهين بس بقالها معايا سنة وشهرين
وزى ما بتقول مفيش مشاكل قابلت الواحد الحمد لله