لانسراوى جديد عايز ينضم ليكوا:

**basom** · 04-04-2008 02:51 AM

السلام عليكم
اخوكم فى اللة باسم انا كان عندى بعض استفسارات
اولا انا اشتريت لانسر2008 سبورت بضمان الوكيل مصرى و كنت عايز اعرف اعمل الصيانة فى المصرية و لا الرواس انا ساكن فى اول الهرم و بلنسبالى المهندسين اقرب فرع بس عرفت انة مركز خدمة و ليس بتوكيل ارجو الافادة يسرعة
و كنت عايز اعرف تركيب السنسور و الانذار برة التوكيل يخرجنى من الضمان و لو حد يعرف السعر كام او اركبهم فين يرد عليها بسرعة و شكرا

**mada121977** · 05-04-2008 04:16 PM

الاخ الافضل باسم اولا نورت نايل موتورز وكسبنا اخ جديد , ثانيا الف مبروك العربيه وربنا يبارك لك ويحفظهالك , بالنسبه للصيانه هوا فيه مركز صيانه تابع للرواس فى العجوزه بس تقريبا شغال فى العربيات الخليجى بس على حد علمى وفيه كمان مركز خدمه قليوب وده مركز الخدمه الرئيسى و البشمهندس طارق زويل شغال هناك وفيه مركز خدمه الرواس على الطريق الزراعى قبل مطلع الدائرى وده شغال فى الخليجى بس وفيه مركز خدمه فى مصر الجديده فيعتبر اقرب مركز لحضرتك هوا العجوزه اذا كانوا شغالين فى العربيات المصرى وبعده مركز خدمه قليوب
بالنسبه للانذار والسينسور تركيبهم مابيخرجش من الضمان ولا حاجه بس تركبهم عند واحد كويس وفاهم علشان مايبوظش الدنيا
ولك خالص تحياتى

**مصراوي جدا** · 05-04-2008 04:44 PM

استاذ باسم اهلا بيك ومبروك العربية

احب أوضح أكتر كلام الاستاذ أحمد

التوكيل هو شركة مصرية ولها مركزين خدمة الأول في الكيلو 16 بطريق اسكندرية الزراعي بعد كوبري قليوب وده انا موجود فيه ، والتاني في جسر السويس اول طريق الاسماعيلية عند سوق القنال الدولي

وفيه مراكز خدمة معتمدة أولها شركة الرواس اللي لهم 4 مراكز الأول في العجوزة عند كوبري 15 مايو والتاني في طريق اسكندرية الزراعي الكيلو 12 بجوار غبور والتالت في ش عبد الخالق ثروت بوسط البلد والرابع في شارع بورسعيد في غمرة

ومراكز خدمة شركة الرواس بتعمل صيانة للانسر المصري الى جانب اللانسر الخليجي اللي بتجي عن طريقهم بضمان الرواس

وعناوين وتليفونات كل مراكز الخدمة مذكورة في الاعلان ده عن مراكز الخدمة

http://www.mitsubishi-motors.com.eg/...es/service.jpg

وحضرتك شوف الأقرب لك وتشرف في أي وقت.. وان كنت افضل تبدأ صياناتك معانا في مراكز التوكيل مصرية لأن باذن الله هيكون فيه خصم لكل أعضاء المنتدى اللي عندهم لانسر أو ميتسوبيشي عامة لكن فقط يتم التجهيز للموضوع بحيث يتم بشكل رسمي (يعني هنشوف بكارت عضوية أو استيكر أو ممكن يتم ازاي)