توقيت شراء اللوجان .. هام للناس اللي ناوية تشتري!

**fox198626** · 19-02-2011 03:13 PM

أنا أنصح كل واحد مقبل على شراء سياره إنه يستنى على الأقل 9 شهور لسببين :

1- نظام الجمارك فى مصر كان فاسد جدا وكانت الجمارك عاليه بطريقة مبالغ فيها لخدمة أصحاب الكراسى وده أكيد حيتغير بس طبعا مش فى ظل الحكومة الإنتقاليه وحتى مش بعد الإنتخابات الرئاسية على طول عشان كده 9 شهور من دلوقتى ممكن تكون فتره كويسه.
2- الجنيه دلوقتى مش مستقر أمام الدولار وده الخلى الأسعار تزيد بطريقة مؤقته إن شاء الله.

الحيشترى دلوقتى هو الخسران أكيدز

**elsheikh2010** · 19-02-2011 03:22 PM

المشاركة الأصلية كتبت بواسطة mohamed1979

يا نا س يا هوووووووووووووووووو

مش توكيل رينو بس الى غلى الأسعار كل التوكيلات فى مصر رفعت اسعار سيارتها

تاني مرة عشان محمد حبيبي أولا :- يا جميل التوكيلات كانت بتكسب مليارات قبل الدولار ما يغلى والدليل على كدهع قضية التعويض الي كان فرج الرواس رافعاه على شركة متسوبيشي لما سحبت التوكيل منه كان طالب مليارات عن المكاسب الي كان هايكسبها خلال الخمس سنين القادمة يعني احنا مش بنتكلم من فراغ
ثانيا :- لو انت تابعت نشرات الجمارك الي بتصدر وحسبت المبالغ الي بتدفع جمارك على العربيات وقسمتها على عددها بمعنى حساب جمرك كل عربية وقارنت بين الأجمالي وسعر بيعها هاتلاقي نصب واحتيال ويعاقب عليه القانون . سعر مبالغ فيه .
ثالثاً :- الدولا ر غلي كام يعني 10 قروش أو 20 قرش بلاش هانقول جنيه ده يخلي سعر العربية يزيد 3000 جنيه .
رابعاً :- ياريت المنتدى يستضيف المسئول عن تسعير العربية ويحسبلنا كيفية تسعير العربية دلوقتي ولو احنا طلعنا غلط انا هانعتذر على الكلام ده . وهانعمل ودعاية مجانية للتوكيل ويا عم يعتبرها مساهمة من التوكيل لمساعدة اسر الشباب الي عايز يركب عربية يعني بلاش مكسب كبير يقللوا لأنه لو قلل المكسب هايبيع كتير والعربية هاتنتش أكتر وقطع الغيار ها تنتشر وهلمة جرة . وحد يرد عليا لو أنا غلطان
و أخيرا يعني غبور ولا منصور ولا عز العرب يعني من أولياء الله الصالحين طبعا مولد ولازم يكسبوا منه

**wassim_nasser** · 19-02-2011 04:59 PM

ياجماعه انا فاهم اللي حضراتكم بتقولوه وعارف ان كل العربيات غليت وشفت بنفسى الشفروليه سبارك اللي كانت ب 52000 بقيت ب 57000 وشفت الفيرنا واللانوس .. بس بما ان توكيل رينو كان محترم عن غبور و منصور اعتقدت انه هايثبت سعر العربية بس الظاهر الوكيل اهم حاجه عنده مكسبه والعميل يولع .. لاحظوا ان العربية معفاه من الجمارك عشان تقفيل مغربي واحنا بيننا وبين المغرب اتفاقية اغادير بمعنى ان العربية اصلا مش عليها جمرك .. علي اي حال انا مش بناقش ذمه محمد نصير المالية انا والمبتدأين اللي زيى طالبين مشورتكم الحكيمة وانتو برضه دايسين سوق العربيات ومنكم اللي ركب حاجات قبل اللوجان .. السؤال دلوقت نشتري علي طول و لا نستنى يمكن ترخص؟ .. فى رأيى المتواضع العربية مش هاترخص تانى عشان يحفظو سعر الموديلات الاقدم .. إن كان فيه حد شايف حاجه تانية ياريت يشور عليا انا محتار جدا خصوصا ان دي اول عربية ليا

**wassim_nasser** · 20-02-2011 11:44 PM

يعنى اغلب الناس رأيها استنى شهرين .. طيب نستنى شهرين وامرنا لله ولو أنى مش عارف ايه اللي هايحصل بكره بس خلاص تبقى إرادة ربنا

**zemanovaxxx** · 22-02-2011 10:09 AM

المشاركة الأصلية كتبت بواسطة wassim_nasser

يعنى اغلب الناس رأيها استنى شهرين .. طيب نستنى شهرين وامرنا لله ولو أنى مش عارف ايه اللي هايحصل بكره بس خلاص تبقى إرادة ربنا

أنا بقي هاطلع أول واحد يخالف المجموعة وأقولك متستناش واشتري دلوقتي (ده لو فلوس العربية جاهزة معاك)
أنا علي فكرة زيك وبقالي أكتر من 3 شهور عمال أأجل موضوع الشراء لحد م اتغيرت الأوضاع السياسية مؤخرا, ومؤخرا وكيل البافارية اللي انا عايز اشتري منه قرر زيادة السعر برضه.

لو كنت بتفكر إن السعر هينزل بعد شويه, دي حاجة أنا أشك فيها, ومتخليهاش هي الحكم في موضوع البيع والشراء لأن السعر ده موضوع عرض وطلب والوكيل أكيد حسبها كويس ولقي إن الطلب علي العربية يتيح ليه الفرصة ف زيادة السعر.

مع إحترامي للأستاذ اللي كان بيقول عايز يتصل بالرقم بتاع الفساد الإداري, البائع دايما ليه الحق في عرض السلعة بالسعر اللي هو عايزه, وانت كمان من حقك متشتريش. لإن زي م قولنا السوق عرض وطلب, فلو مفيش طلب مكنش حصل زيادة ف السعر.

أنا رأيي لو انت مستقر ماديا, ووظيفيا وحاسس إنك محتاج العربية دلوقتي إنزل واشتري, لا أعتقد إن السعر هيتراجع (ودي وجهة نظري الشخصية جدا)
علي فكرة أنا مش شغال في توكيل رينو ولا ف أي توكيل, أنا هاشتري بريليانس بالمناسبة ونازل يوم الجمعة إن شاء الله أشتري كاش.

**ahmed_oth** · 22-02-2011 10:50 AM

المشاركة الأصلية كتبت بواسطة elsheikh2010

تاني مرة عشان محمد حبيبي أولا :- يا جميل التوكيلات كانت بتكسب مليارات قبل الدولار ما يغلى والدليل على كدهع قضية التعويض الي كان فرج الرواس رافعاه على شركة متسوبيشي لما سحبت التوكيل منه كان طالب مليارات عن المكاسب الي كان هايكسبها خلال الخمس سنين القادمة يعني احنا مش بنتكلم من فراغ
ثانيا :- لو انت تابعت نشرات الجمارك الي بتصدر وحسبت المبالغ الي بتدفع جمارك على العربيات وقسمتها على عددها بمعنى حساب جمرك كل عربية وقارنت بين الأجمالي وسعر بيعها هاتلاقي نصب واحتيال ويعاقب عليه القانون . سعر مبالغ فيه .
ثالثاً :- الدولا ر غلي كام يعني 10 قروش أو 20 قرش بلاش هانقول جنيه ده يخلي سعر العربية يزيد 3000 جنيه .
رابعاً :- ياريت المنتدى يستضيف المسئول عن تسعير العربية ويحسبلنا كيفية تسعير العربية دلوقتي ولو احنا طلعنا غلط انا هانعتذر على الكلام ده . وهانعمل ودعاية مجانية للتوكيل ويا عم يعتبرها مساهمة من التوكيل لمساعدة اسر الشباب الي عايز يركب عربية يعني بلاش مكسب كبير يقللوا لأنه لو قلل المكسب هايبيع كتير والعربية هاتنتش أكتر وقطع الغيار ها تنتشر وهلمة جرة . وحد يرد عليا لو أنا غلطان
و أخيرا يعني غبور ولا منصور ولا عز العرب يعني من أولياء الله الصالحين طبعا مولد ولازم يكسبوا منه

وانا بضم صوتى لصوتك
لازم يكون فى أليه محدده لتسعير السيارات وحساب سعرها للجمهور بعد الجمارك والضرائب والشحن وعموله التوكيل ولازم تكون عموله التوكيل او المصلحه اللى بيطلعها اى كان المسمى تكون بنسبه محدده من تمن العربيه مثلا من كذا الى كذا
ولازم ان يكون هناك هيئه تراقب الاسعار فى السوق كل 6 أشهر مثلا
هناك مطالب كتيره بخصوص تسعير السيارات فى مصر
انا سافرت بره فى الخيلج وفى اوروبا ولاحظت ان فعلا اسعار العربيات فى مصر مبالغ فيه بنسبه لدخل الفرد وده بسبب جشع التجار فى نظام مبارك الفاسد
فا زى ماغيرنا نظام مبارك لازم يكون هناك تغير فى نظام تسعير العربيات واضح للجميع
لازم نعمل جروب هنا باشراف مدير المنتدى لكى يتولى هذه المطالب

**elsheikh2010** · 22-02-2011 06:03 PM

انا كل الي عايزه حد يقولنا باسلوب واضح وبكل شفافيه طالما احنا بنقول عايزين نبدأ صفحة جديدة كيفية تسعير العربية ؟؟؟.
لأنه خلاص انتهت نغمة سرية المعلومات وياريت نتعلم من الناس المتقدمة .