الموضوع: بتعلم السواقه ...ممكن شوية مساعده ؟؟

بالتوفيق بس محتاجة ممارسة اكتر:b4_388::b4_388::b4_388:

التقاطعات صعبة عليكي حاليا لانها محتاجة تركيز في اللي جاي وامتي تعدي من غير مشاكل .. وطبيعي يبقي في توتر في الزحمة انا لما كانت عربية بتعدي جمبي واسمع صوت الهوا فوووووووووو كدا في ودني اسيب الدركسيون خالص والراجل اللي كان بيعلمني كان بيقولي انت كدا هتموتنا وانا مش هنزل معاك تاني.. فايعني كل دا طبيعييييي بس متستعجليش و مش اقل من شهر او شهر ونص عشان تقرري تنزلي بالعربية لوحدك

اولا ربنا يوفقك و الموضوع سهل جدا و بسيط و اوعي تخافي .
السواقة عاملة زي الطفل الصغير لما يجي يتعلم المشي الاول بيقى عاوز حد يسنده و بعدين بيبقى المشى حاجة لا ارادية .
السواقة سهلة جدا و انا عندي عربية و دلوقت بسوق كويس جدا و الاول برضه كنت خايفة و بعدين دلوقتى السواقة عندي شئ لا ارادي زي ما انت مش بتفكري ازاي بتمشى .
بس النصيحة......................
1 - خلي حد يعلمك يكون بيفهم و يكون مش بيتعصب يعني باله طويل معاك .
2 - اتعاملي مع العربية على انها مثل اي جهاز كهربائي ممكن نستعمله و الجهاز ده عبارة عن 3 دواسات ( البنزين - الفرامل - الدبرياج ) و المطلوب منك انك تفهمي طريقة عمل ال 3 دواسات فقط هي دي العربية بس اول ماتفهميهم كويس كدة انت اتعلمتي السواقة حاولي انك تمشي بالعربية شوية و بعدين تقفي و كرري الموضوع علشان تعرفي العربية بتمشي ازاي و تقف ازاي .
3 - انزلي بالعربية الصبح بدري يوم الجمعة في مكان فاضي و معاك حد يعلمك و تعليم السواقة في النهار احسن من الليل و لما تتعلمي شويه حاولي تنزلي لوحدك برضة الصبح بدري يوم الجمعة علشان تاخدي على العربية لوحدك .
و ربنا يوفقك و الموضوع فعلا سهل و خوفك طبيعي جدا و كلنا في الاول كنا كده .
بس النصيحة الاخيرة اوعي تنزلي في اماكن مزدحمة لوحدك من غير ما يكون معاك حد لحد ما تعرفي تسوقي كويس .

المشاركة الأصلية كتبت بواسطة abear77

اولا ربنا يوفقك و الموضوع سهل جدا و بسيط و اوعي تخافي .
السواقة عاملة زي الطفل الصغير لما يجي يتعلم المشي الاول بيقى عاوز حد يسنده و بعدين بيبقى المشى حاجة لا ارادية .
السواقة سهلة جدا و انا عندي عربية و دلوقت بسوق كويس جدا و الاول برضه كنت خايفة و بعدين دلوقتى السواقة عندي شئ لا ارادي زي ما انت مش بتفكري ازاي بتمشى .
بس النصيحة......................
1 - خلي حد يعلمك يكون بيفهم و يكون مش بيتعصب يعني باله طويل معاك .
2 - اتعاملي مع العربية على انها مثل اي جهاز كهربائي ممكن نستعمله و الجهاز ده عبارة عن 3 دواسات ( البنزين - الفرامل - الدبرياج ) و المطلوب منك انك تفهمي طريقة عمل ال 3 دواسات فقط هي دي العربية بس اول ماتفهميهم كويس كدة انت اتعلمتي السواقة حاولي انك تمشي بالعربية شوية و بعدين تقفي و كرري الموضوع علشان تعرفي العربية بتمشي ازاي و تقف ازاي .
3 - انزلي بالعربية الصبح بدري يوم الجمعة في مكان فاضي و معاك حد يعلمك و تعليم السواقة في النهار احسن من الليل و لما تتعلمي شويه حاولي تنزلي لوحدك برضة الصبح بدري يوم الجمعة علشان تاخدي على العربية لوحدك .
و ربنا يوفقك و الموضوع فعلا سهل و خوفك طبيعي جدا و كلنا في الاول كنا كده .
بس النصيحة الاخيرة اوعي تنزلي في اماكن مزدحمة لوحدك من غير ما يكون معاك حد لحد ما تعرفي تسوقي كويس .

شكرا يا عبير على مشاركتك دى شجعتينى شويه بعد ما بقيت محبطه من موضوع السواقه دا

اولا انا منزلتش بالعربيه لوحدى خالص لحد دلوقتى

وسوقت بتاع 10 مرات مثلا منهم شويه على طرق سريعه وشويه فى الزحمه وطبعا بسوق احسن بكنير عالطرق السريعه

بس دلوقتى فيه مشكله ومش لاقيالها حل خااااالص
ابن عمى علمنى وهو طبعا مش فاضيلى طوول الوقت يبقى فاضل بابا هو اللى ينزل معايا بالعربيه عشان هى محتاجه ممارسه وتعود كتير

وبابا بيتعصب بسرعه لدرجة انى اخر مرة ركبت فيها معاه حلفت بعدها انى مش ها اركب معاه خااالص

توتر فظيييييييييع يمكن لو كنت لوحدى كنت ها اسوق احسن من كدة بمراااااحل

وانا اقدر انزل لوحدى بيها بس المشكله انى لو العربيه اتحكت ولا اتخبطت خبطه ولو 2 سم ممكن ماباتش فى البيت ههههههههه (العربيه دى عند بابا حاجة مقدسه )

فانا مش عارفه اعمل ايه ومش عاوزة اضيع كل اللى اتعلمته عشان السواقه ان مكنش الواحد يسوق كتير اوى ما يتعلم ها ينساها بسرعه

انا محبطه جدااااا وحاسه ان الموضوع صعب عليا مش عارفه ليه خصوصا لما غلطاتى بتزيد كدة بضايق جدااا

نفسى بقا ارتاح من المواصلااااات والتاكسيات .....