بعيدا عن الاحداث الحالية شقة تحولت الي محل !

**mohamed2002** · 19-02-2011 11:10 AM

بعيدا عن الاحداث الحالية رحت شقتي لاني بقالي اسبوع مرحتش ابص الجو عامل اية هناك؟ وللعلم العمارة مساحتها 200 متر مقسمة الي 6 ادوار كل دور شقتين

الدور الارضي له شباك علي الشارع وليس بلكونة وفوجئت بأن شقة تحولت الي محل مكوجي !!!
يعني صاحب الشقة عمل الريسبشن دراي كلين وباقي الشقة سكن له

طبعا الله يسهله ويبارك له لكن يبقي المشكلة

ان العمارة في ميامي بالاسكندرية وطبعا الاسعار الشقق هناك مرتفعة والعمارة في مقاولين عاوزين ياخدوها ويطلعو بيها برج

اكيد المكوجي دة عاوز له شقة ومحل مش شقة بس

اية الحل ؟؟

هل قانوني ومسموح ان ممكن تحول شقة الي محل؟؟؟

**viper911s** · 19-02-2011 12:50 PM

اظن لا لكن لازم محامى هو الى يرد

**mohamed2002** · 19-02-2011 12:55 PM

المشاركة الأصلية كتبت بواسطة viper911s

اظن لا لكن لازم محامى هو الى يرد

شكرا لردك وننتظر رد محامي من المنتدي

**shooter123** · 19-02-2011 06:19 PM

ايوة ممكن وعملتها قبل كدا في حدائق الاهرام في الجيزة اشتريت شقة دور ارضي وعملتها كلها محلات وبعتها علي الاساس ده بس طبعا الكلام ده كان سنة 2001 مش عايز ااقلك دفعت رشاوي أد ايه بس في الاخر كله بيمشي

**أحمد كمال** · 19-02-2011 06:37 PM

باشا

انا ليا وجهة نظر

مادام المحل نضيف (مكوجي .... مش كشري و لا فسخاني مثلا ..... ) و مش عامل ازعاج ...... ما تسيبه ياكل عيش؟ انت خسران ايه يا باشا ؟؟؟ عالاقل هدومك هتلاقي اللي يكويهالك و يطلعهالك للبيت و بسرعة ......

ربنا ما يجعلنا من قطاعين الارزاق يا باشا :)

**A.Saad** · 19-02-2011 07:23 PM

مادام </B>shooter123 عملها كدة - مش قصدى عليه حاجة سيئة -
يبقى الموضوع غير قانونى
وعلى فكرة قانون البناء الجديد اى حاجة فييه لازم ترخيص من الحى
بس انصحك تعديها اليومين دول علشان لو حد اتعرض ليك محدش هينجدك

**أحمد كمال** · 19-02-2011 11:12 PM

المشاركة الأصلية كتبت بواسطة blazer

طالما هو مش آذيك سيبه
لان القانون دا احنا اللى حاطينه يعنى مش حاجه الهيه

بالظبط

المحل مادام مش مقلق للراحة و لا مسبب للازعاج و لا خارب المنظر الجمالي و لا عامل روائح او ابخرة ...... يبقى ايه المانع ما نسيبه ياكل عيش ؟؟؟؟؟ يعني مش ورشة و لا قهوة و لا مطعم فول و طعمية او كشري و لا فسخاني و لا اي حاجة ...... و شكل الواجهة لو مش وحش ..... ايه المشكلة ؟؟؟؟

بلاش نستخسر في غيرنا اكل عيشه بالحلال و نبقى قطاعين ارزاق كده يا جماعة ....