تصدقوا إن الشغل طلع قافل النهاردة

**fahd_628** · 04-04-2008 03:58 PM

شراب فردة و فردة دية عملتها قبل كدة :)

كتيير اوى بحس انى مقفلتش العربية او سبت زجاج مفتوح و ساعات والله انزل من البيت ابص عليها علشان بقلك اوى من الحكاية دية

و كتيير برضة بفتكر نفسى نسيت باب الشقة مفتوح مرة كنت خلاص نزلت و دورت العربية و قلت انا شكلة نسيت الباب مفتوح و طلعت ابص علية لقيتة مقفول طبعا مع انى قبل ما انزل لازم اتأكد انة مقفول هوة و العربية بس برضة بفتكر انى ناسى حاجة مفتوحة و حاسس انى مرة من كتر ما انا خايف كدة حنسى حاجة مفتوحة بجد

**bemocarlo** · 04-04-2008 05:43 PM

HA HA ,YOU NEED A HOLIDAY MAN
MY DAY OFF IS THURSDAY AND HAPPEND 2 ME ASWELL,I HAD WENT 2 MY WORKPLACE IN THAT DAY

**bassemali** · 04-04-2008 05:47 PM

هههههههه
أنا بقى لما أنسى حاجه بخرج من البيت وأروح الشغل مثلا ولا أي مكان وأبقى عارف إني ناسي حاجه بس أيه هيا مش عارف وأفضل أعصر في مخي لغايه مابعد قول ساعتين ثلاثه أفتكر أنا كنت ناسي أيه والله بجد مش بهزر..

**kareem_Ashmawy** · 04-04-2008 06:43 PM

أنا مرة و أنا فى ثانوى قمت من النوم الصبح و كنت سهران لغاية
الفجر بذاكر فدخلت الحمام و خرجت و مرضتش اولع نور الاوضة و انا بلبس عشان لسه حاسس انى نايم و لبست هدومى فى الضلمة و نزلت و انا على باب العمارة لقيت نفسى لابس بنطلون
لون و مقاس مختلفين عن بتاع المدرسة

**mada121977** · 05-04-2008 02:10 AM

ههههه جامد جداا الموقف ده وبصراحه ضحكنى جدااا
الحمد لله ماحصلش معايا الموقف ده لا ن عندنا فى التليفزيون اصلا مفيش اجازه ايام معينه يعنى ممكن يكون عندى شغل فى ايام الجمعه وايام الاعياد وايام الاجازات عادى جداا (هو التليفزيون بيقفل :) )

**eng_mkhalaf** · 06-04-2008 02:03 AM

أنا بفقى بعون الله عمرها ما هتحصلى لأنى برقع 300 كيلو رايح جاى علشان أروح الشغل وبستنى يوم الجمعة دة بالعافية علشان أبرطع وأنام

**OlaOsman** · 06-04-2008 11:32 AM

المشاركة الأصلية كتبت بواسطة ABOZAYED

مرة من كام سنه كان فيه موضوع شاغلني جدا ..
المهم صحيت من النوم وقلت اغسل اسناني ...
لقيت معجون الأسنان طعمه سيئ جدا...
ركزت شويه ....
وركزت اكتر ....
.
.
.
.
.
.
.
.
.
.
.
طلعت بغسل اسناني بمعجون الحلاقه

:D :D :D لأ دي جامدة فعلا

**ضيفو** · 06-04-2008 12:03 PM

افتكرتك بتتكلم ع النهاردة لكن الحمد لله اهو حصل بشكل تانى :)

**د.أحمد سمير** · 06-04-2008 01:37 PM

حكاية التركيز المبالغ فيه اللي بيقلب في الآخر بضلمة حصل معايا في منطقة خطر جداً . رحت يوم الامتحان للكلية وكان يوم اتنين وكنت في سنة ثالثة وقتها ، وقاعد سهران بذاكر ، وماشي في الشارع باذاكر ، وصلت الكلية لقيت كل الشباب ماسكين كتاب مادة يوم الخميس .. اتعجبت وكملت مراجعة ، وقبل الامتحان بنصف ساعة اكتشفت إن مادة الخميس هي اللي امتحانها النهاردة ... وإن أنا بقالي يومين هارش دماغي على مادة غير اللي هامتحن فيها .. وأسقط في يدي ، ولكن ربنا سترها تمام ، دخلت وامتحنت وجاوبت ..
طلعت مستكنيس قوي إن مادة الخميس مش هاذاكرها تاني يعني شوية مراجعة وخلاص ، وفرحت بيومين الراحة الحلوين اللي جم في وسط الامتحانات .

الغريب جداً بقى إني جبت في مادة يوم الاتنين امتياز ، وفي مادة يوم الخميس اللي ذاكرتها مرتين جيد جداً

**KarimAbulEla** · 06-04-2008 01:51 PM

حصلت معايا فى احد الاجازات الرسمية و ذلك قبل الزواج

اما بعد الزواج فالمدام و لله الحمد تذكرنى بكل شىء و نظرا لانى حالتى اسوأ من حالتك فى هذه المسأئل يعنى ممكن اروح الشغل كل جمعة و مخدش بالى برضه (هيييييييه) ، فساعتها المدام طبعا واخدا بالها بالمسألة ديه و تذكرنى بالاجازات و خلافه ، المسأئلة ديه انا شايف ان سببها الرئيسى التركيز زيادة عن اللزوم فى اشياء بعينها على حساب اشياء اخرى فى الحياة و اعتقد ان ممكن علاجها بتوزيع الاهتمامات بمجالات متعددة فى الحياة حتى يرجع الواحد طبيعى زى الاول
و ا ادى دقنى اهيه لو الطريقة ديه جابت نتيجة

تحياتى

الموضوع: تصدقوا إن الشغل طلع قافل النهاردة

LinkBack

أدوات الموضوع

عرض

-

-

-

-

المواضيع المتشابهه

مين العضو اللى كان قافل على عربيتى النهاردة

الشغل اللى عملته فى العربية النهاردة

الشغل اللى عملته فى العربية النهاردة

سيبت الشغل النهاردة الجزء الثانى مهم جدا رجاء الدخول

مين راح الشغل النهاردة؟؟ (مساحة للفضفضة)

الكلمات الدلالية لهذا الموضوع

المفضلات

المفضلات

ضوابط المشاركة