أول مشاركة: أريد شراء سياره أوبل

**morabet79** · 04-04-2008 12:39 PM

السلام عليكم

هذه أول مشاركة لي ، ليس ليس خبرة في مجال السيارات وأريد شراء سيارة لأول مرة

وأريد أن أشتري سيارة أوبل

وجد أن أسعار الكورسا معقولة بالمقارنة بال فيكترا

سؤالي : هل توجد كورسا 99 أو 2000 بموتور 1400cc أو 1300cc ؟؟

وهل هناك مشاكل بالنسبة للكورسا 99 / 2000 ؟

**volcano12** · 04-04-2008 01:18 PM

Sorry for writting in english,
Don't ever ever, buy a 1000cc corsa which is from 1998-2001 or 02

Stick to the 1200 cc opel corsa!! which is from 1994-1997

el alf we7sha awy awy awy!!! and has many problems even it's newer and injection.... i had one model 1999 and i tell you stay away from it 7ata law fabrika.... buy 1200

bel nebsa l mawdoo3 el 1400 cc fa dah ta3dil enta ely momken ta3melo fel 7erafeyeen aw law enta men eskedereya 2olly wana 2a2olak feen
beyb2a motor opel tigra DOHC 96 hp 128 torque as i remember
beytkalef kolo bel maso3deen ely 2odam wel takeef wel tarkeeb 7000le f alex

ya3ni momken tegeeb wa7da 7aletha 7elwa, bas motor bayez aw mashya keteer... b 31-33 masalan wa t7ot 3aleeha 7 kaman wa temshy beeha wa teb2a zy el fol.....

Hope i helped wa ay so2al 2ana fel 5edma, .... sorry for the frankoarab

**morabet79** · 04-04-2008 02:54 PM

السلام عليكم

تمام ، أنا مبفكرش أشتري كورسا 1000 Cc ، قالولي فيه 1200 Cc بس مشعارف موديل كام

موديلات كورسا القديمة مفيهاش كماليات ، محتاج على الأقل باور وتكييف

هل فعلا يوجد كورسا موديل 99 أو 2000 بموتور 1200cc??

**modux** · 04-04-2008 03:02 PM

السلام عليكم

بص ياسيدي

الكورسا من 94 لحد 97

موتور 1200 و فتحة سقف و زجاج كهرباء و مريات كهربا بس لا تكييف و لابور و لا سنتر

و الي من 98 لحد2002

موتور 1000 و باور كهرباء تحفة و تكييف و سنتر

و في بس قليل جدااااااااااااااااااا

موديل97 بموتور 1200 و كامله من كلو بس دي قليله اوييييييييييييييييييييييي ييييي

الحل الي قالك عليه فولكانو كويس اووي
انا عملتو
كان معايا عربية 98 شاريها زيرو
بس عند 70000 كيلو طلعت عيني قطع غيار و تصليح

نزلت الحرفيين جبت الموتور بتاع التجرا 1400
و نزلتو فيها
و مش بيحتاج اي تعديل كبير اطلاقا لان في كورسا استوك 1400

و لو محتاج اي خدمة انا تحت امرك
تليفوني
0106790780
اخوك \ محمد

**morabet79** · 04-04-2008 03:16 PM

كدا الكورسا مش هتنفع معايا ، لأنها هتفتح في الفلوس

أشوف حاجه تانيه ألماني برده

جزاكم الله خير

**Ahmad Allawy** · 05-04-2008 04:28 AM

بيتهيألي انت غلطان..
مش هتفتح معاك في فلوس ولا حاجة..
في الكورسا انت مش محتاج الباور قوي علي فكرة..
انا كنت متخيل اني هاتضايق عشان مش باور.. بس لقيته عادي جدا..
انامعايا 1200 موديل 97 و فيها قزاز كهربا قدام بس ومرايات كهربا و سنتر و فتحة سقف
واهم حاجة ان فيها مفتاح مشفؤ ودي ميزة كويسة جدا..
اي نعم لو هتعمل عليه هيبقي غالي شوية يعني ب250 جنيه بس تسيب العربية مفتوحة براحتك وانت ممن لو مفيش فيها كاسيت يعني و سماعات..
نسبة كبيرة من الكورسا في السوق هتلاقيها مكيفة.. مش نازلة كده بس الناس بتركبه..
تركيبه جديد عند مقار دلوقتي بيتكلف حوالي 3.5 و ساندن ياباني بضمان وكله تمام..
وفي ديافيا اللي هي بتركب تكييف العربيات اللي بتتقفل في منصور مصر بيتركب ب3.8
ده لو اشتريت عربية من غير تكييف زي حالاتي..وان شاء الله هاركبه قريب..
العربية تحفة علي فكرة.. ومريجة جدا زقطع غيارها لا تعتبر غالية خالص.. و قطع غيارها معمرة جدا..
يعني هاقولك اسعار شوية حاجات.. مش هتكون متوقع ان =اسعارها كده..
خد عندك 4 مساعدين بلشتاين الماني 1100 جنيه
اسطوانة و دسك وبلية دبرياج لوك الماني 750 جنيه
عفشة كاملة كورسا من غير مساعدين.. 600 جنيه او اقل شوية
بوجيهات من 65 لحد 100
تيل فرامل انضف نوع 120
كلام فارغ يعني.. و ده اللي بيخليها نمرة واحد في التوفير..
عشان تركب الماني تاني بنفس السعر انت بتتكلم عن جولف قديم..و هتبقي تعتبت و طالبة مصاريف.. و هتفتح في حوارات ممواتير بقي و الكلام ده..
الكورسا ال1200 جوة البلد بنتكلم في 200كم / الصفيحة وفي السفر 300
كويسة الي حد كبير..
اللبدائل التانية بقي مفيش تقريبا غير البولو وقطع غيارها اغلي من الاوبل بكتير
ومشكلتها ان توكيلها قذر و مالوش غير فرع واحد في القاهرة في العبور والناس طوابير..
لكن اوبل عندك منصور ومقار وفروعهم كتير وكله تمام..
العربية الكورسا سحبها مش بطال خالص كويسة.. وانا بعد ما غيرت اسطوانة ودسك حسيت بيها علي حقيقتها.. جامدة قوي وزي الفل..

**Ahmad Allawy** · 05-04-2008 04:32 AM

باشمهندس محمد..(مودكس)
عندي ليك اخبار جامدة..
النهاردة وانا عند الراجل اللي باصلح عنده عربيتي لقيت كورسا واقفة عنده شكلها من برة حلو.. باتكلم معاه قالي كلام صدمني..موتورها كام يا معلم..
البيه صاحبها حاطط فيها موتور 1600
بيقولي العربية دي بتقطع اي حد يشد معاها.. بس للأسف معرفتش اجربها عشان فيها مشكلة تسريب مية و خطر تدورها اصلا قبل ما تتصلح..
بس جامدة جدا
سألت ده موتور الكورسا السيدان؟
قالي لأ شبهه بس مش هو.. دو موتور كورسا زيها يعني بيركب فيها زي الفل وكمان قالي كلام اجمد..
ان الموتور ال1600 ده بسيط زي ال1200 كده مش معقد شوية وحساسات كتير زي ال1400 حتي..
بصراجة العربية دي بتشدمي عشان اجربها..

**morabet79** · 05-04-2008 05:19 PM

كده لازم أجرب الكورسا 97 وأشوف الدركسيون بتاعها لو خفيف يبقى تمام أوي

موضوع التكييف بيقولو أن تركيبه بيعمل مشاكل ، على العموم المهم العربية وبعدين نشوف التعديلات.

شكرا يا استاذ أحمد على الرد

**Ahmad Allawy** · 05-04-2008 06:48 PM

يا باشا لا شكر علي واجب..
موضوع التكييف.. مين بقي اللي بيقول ان فيه مشكلة.. عادي جدا.. ونادرا لو لقيت كورسا 1200 مش مكيفة.. كله بيركبه عادي جدا.. و كل المشكلة اللي فيه انه لو هتركب تكييف مش جي ام الاصلي بتاعها لازم يتعمل حاجة بسيطة قوي.. هاشرحهالك..
العربية اصلا بتنزل ن المانيا فيها تكييف سخن بس.. كويس؟؟ لو هتركب تكييف جي ام الاصلي.. فيه وحدة اللي هي بتسخن بتتعير بالجديدة اللي بتسخن و تبرد..
لكن الجي ام الاصلي مش موجود حاليا خالص.. ولا في التوكيل اللي بيركب التكييفات للأوبل المجمع في مصر..(شركة ديافيا) عشان انا سألت عندهم من حوالي شهر..
التكييف المتاح ساندن ياباني..كل الفرق بينه وبين الجي ام انه بارد بس.. عشان تركبه هتضطر تلغي الودة بتاعت التسخين و تشيلها خالص.. عشان المكان مش هيكفي يركب الوحدتين..
بس هتتنازل عن السخن في مقابل البارد.. وده المهم اصلا.. محدش بيشغل تكييف سخن تقريبا..
بس هي دي كل قصة التكييف..
انا عارفها عشان باسعي في تركيب التكييف حاليا بس مأجل الموضوع عشان باعمل شوية حاجات مهمة ميكانيكيا وبعدين ندور علي التكييف..