أنا فعلا حاسس إنه متاثر جدا بعبد الناصر ... وهو زي عبد الناصر برده بتاع بروباجندا وكلام حلو لكن فعل ما فيش.... مصر محتاجة أفعال ومواقف لا مجرد كلام "وطق حنك" للاستهلاك المحلي.
عرض للطباعة
اذا كان الحزب الواطي بعد الضغط اعترف باسم العضو اللي زور الصور اصلا !!!!!!!!!!
واضح ان حضرتك بتصدق اعلام الحكومة 100%
اسباب حرب العراق ايه ؟؟؟؟؟؟ خش دور عاليوتيوب و شوف فيديوهات بتاعة كلمته امام مجلس الامن و الامم المتحدة
البرادعي نفى نفيا قاطعا ان العراق يمتلك اي اسلحة نووية
و مع ذلك اصرت امريكا على الاستمرار في الحرب
و على راي المثل ان كنتوا نسيتوا اللي جرى هاتوا الدفاتر تتقرا !!!
المرة دي فيه فيديوهات من مصادر موثوقة و قنوات مشهورة
مش هيقدروا يمسحوها
و امريكا اصلا رفضت التجديد له في منصبه في وكالة الطاقة الذرية الدولية بسبب موقفه ده .......
الاعلام الحكومي المصري عكس الموقف تماما !!!!!!!!!!!!
حضرتك بتصدق اي حاجة و ما بتدورش على ادلة ..........
قال رسول الله صلى الله عليه و سلم "كفى بالمرء كذباً أن يحدث بكل ما سمع" ...... من صحيح مسلم ......
و يا ريت يا استاذ محمود تقول رايك في الفيديو ده
YouTube - ‫ط.ظ‚ظٹظ‚ظ‡ ط¯ ظ…ط.ظ…ط¯ ط§ظ„ط¨ط±ط§ط¯ط¹ظ‰‬‎
اللي العضو memo_p910 نشره
و يا ريت يا استاذ محمود تقول رايك في الفيديو ده
YouTube - ‫ط.ظ‚ظٹظ‚ظ‡ ط¯ ظ…ط.ظ…ط¯ ط§ظ„ط¨ط±ط§ط¯ط¹ظ‰‬‎
اللي العضو memo_p910 نشره
مش هينفع مع مصر حاليا غير واحد عنده خبره اقتصاديه
انا شايف لاما الجنزورى او احمد شفيق
وربنا يكون فى عون احمد شفيق فى الوضع اللى هو فيه بجد ده راجل ممتاز
اى حد غيره كان سابها واستقاااااال
يا جماعة مخدتوش بالكم من نقطة مهمة ازاى البرادعى يبقى مسلم وبنتة مسلمة ومتجوزه بريطانى يعنى مش مسلم تيجى ازاى دى ده حرام شرعا
+11
ومش مع أي حد الى ان تتقلص صلاحيات رئيس الجمهورية الغير محدودة.
الناس المفروض متشغلش نفسها بمين اللي جاي اد ماتشغل نفسها إنه مايتحولش ل مبارك 2.0
لو فلان جه يحكم مصر و أقدر احسبه واسحب الثقة منه وحيجي يقعد 4 أو 8 سنين ويمشي أنا موافق عليه وإن كان اسمه "نتن يا هو".
مينفعش يكون بريطاني مسلم .أنا مش عارف احنا ليه لسه ماسكيين في ان واحد بس هو اللي يمسك البلد احنا عاوزين دولة مؤسسات حكومة كفاءات أنا عاوز الرئيس يكون زي مستشار ألمانيا حد يعرف اسمه ايه. ورئيس الوزراء زي انجيلا ميركل. أنا لو علي أنا أرشح البرادعي بعيدا عن الدخول في مسائل شخصية أنا شايف انه يقدر ينقل مصر من حكومة فرد إلي حكومة مؤسسات وده اللي عملوه مع المعارضة في العصر البائد قدر يوحد المعارضة في صف واحد ومطلب واحد
والكلام الغلط اللي بيقولك بنته مش عارف إيه وهو بيشرب إيه.
وإن كنا عارفين إنه تخريف من تخريف الافاقين لاعقي الانعال (حلوة دي) من امثال أسامة ...راية.
بس
الناس بتتكلم كده كإن الاخ مبارك كان ممشي البلد اسلامية 100% وياحسرة عليه كان سيف الإسلام المدافع عن الدين الحق..
ولا كإن أمن دولته كان سايب مصلي المسجد الملتزمين في حالهم أو الإخوان في حالهم.
أو إن مثلا ماكانش في محلات بتبيع خمرة في كل حتة فيكي يا مصر
الهوتيلات مفيهاش صالات قمار لغير المصريين
الكازينوهات والكباريهاتمش شغالة الله ينور في شارع الهرم وأمثاله
مفيش عرايا ولا فاحشة في الغردقة وشرم ودهب ومارينا وامثالهم ولا هم محتلين بالروس ولا (الإسرائيليين)! واللي بيعملوه
ادي مبارك القائد العظيم ورمانة الميزان والقبطان وحامي مصر وحارسها وكل اللي إنت عاوزه
شفت كان مراعي ربنا فينا إزاي؟
متفق معاك بس كنت حصحح حاجة صغيرة إن كنت فهمتها صح
قصد حضرتك على رئيس ألمانيا اللي ماحدش يعرف اسمه إنما المستشارة هي ميركل
كل اللي بيقول ان البرادعي سبب حرب العراق لو عندك دليل علي كده طلعه .مش رمي جتت وخلاص .البرادعي لو قال ان العراق فيه نووي المفروض اللي يدخل العراق قوات الأمم المتحدة مش أمريكا وبريطانيا بس.وبنت البرادعي متزوجة طبقا للشريعة الاسلامية يبقي زوجها مسيحيي أزاي
يا بيه و الله جوزها مسلم ..... و البرادعي انكر ..... و سفير مصر في الدولة اللي تم فيها الزواج (مش فاكر بالظبط النمسا و لا بريطانيا) قال ان البنت اتجوزت مسلم و عالشريعة الاسلامية و في السفارة ..... كفاية تصديق لاعلام الحزب ارجوكم .......
+1
قال رسول الله صلى الله عليه و سلم : كفى بالمرء كذباً أن يحدث بكل ما سمع ...... من صحيح مسلم
أنا شايف ان الاتنيين ماينفعوش و اي شخص يتحدث عن منصب الرئاسه الأن ماينفعش بردو, هو لازم يمسكوا البلد عشان يفيدوها ارحمونا بقى و كفايه طمع مصر محتاجه ناس تبنيها مش تحكمها و انا شايف الرئيس القادم لازم يكون عاش في مصر ال 30 سنه اللي فاتو ولم يكن عضو في اي حكومه سابقه تابعه للنظام اياً كان مع خالص الاحترام لجميع الشرفاء
مش موافق
أنا عايز واحد عاش في دول كتيرة بره وعارف النضافة وكل المزايا والحضارة الموجودة فيها
أنا عايز واحد معش في مصر واترسب فيه الفساد والمحسوبية والرشوة زي أي واحد فينا مع تفاوت الدرجات
أنا عايز واحد كان قاعد بره وكل مايشوف تحضر شعوب كتيرة عننا يزعل ويبقى عايز يخلينا زيهم
واحد عايز يعلمنا النظام والأدب والنضافة - وكلها قيم اسلامية على فكرة مش حاجة غربية
واحد يبقى عارف كدب الناس اللي حواليه ونفاقهم ومتعود إنه يسمع الرأي الاخر لو موجود ومايقتلهمش
واحد مش مسافلتنله صلاح سالم و مزيننه هو وكل الطرق اللي بيمشي فيها صدق إن البلد كلها عاملة كده من حيث النضافة والنظام :majd(4):
ومتنساش إن امثال صفوت الشريف وسرور وشهاب وعز و وكل الافاقين اللي تحتيهم وبتوع الشورى والشعب..كل دول عاشوا حياتهم هنا..
طبعا رأيك على راسي من فوق
أنا قلت راي عن نفسي
أنا اقصد بسؤالي(مينفعش يكون بريطاني مسلم )اني اسأل الأخ اللي بيقول ان بنت البرادعي متزوجة من واحد بريطاني أقوله هي بريطانيا مفيهاش مسلمين ولا ايه أنا عارف ان كل أوروبا فيها مسلمين
رسالة إلي كل واحد يقول أنا عاوز اللي يحكم مصر يا ناس الجملة دي خلاص راحت عليها احنا دلوقتي المفروض نتكلم في دولة مؤسسات دولة مدنية دولة تعتمد علي الكفاءة في جميع أمورها
شوف رأيى ان ده شيئ معروف وواضح حتى لفاقدى البصر ان كان فيه هجوم شرس واحيانا لا أخلاقى على البرادعى من جانب الحكومة والاعلام الحكومى وده لسببين:
1- إن البرادعى كان يمثل تهديد كبير ليهم بسبب التحامه بالشباب
2- ان البرادعى مدعوم وبشدة من جانب امريكا وبعض الأوروبيين
""وللعلم الكلام ده كان بيحصل برده لعمرو خالد الفرق ان عمرو كان منفى خارج مصر وغير مسموح ليه انه يدخل او يعمل مؤتمرات لأنه لم يحظ بنفس الدعم الأمريكى والأوروبى الذى حصل عليه البرادعى""
وأنا أو أى مصرى عاقل وفاهم لا ينكر ذلك وكمان لا اعتراض ان البرادعى يشارك فى الثورة مهما كان هدفه لأن احنا كنا محتاجين الثورة بأى شكل و أى طريقة وصحيح أننى ضد المبدأ الميكيافيللى للوصول إلى الغايات ولكن لإنجاح الثورة أنا كنت موافق إننا نجيب ميكافيللى نفسه لو ده هينجح الثورة بس كل ده حاجة وإن ميكافيللى يمسك حكم مصر حاجة تانية خالص .:no2::no2::no2:
والله يا أستاذ ميمو أنا شايف ان أنصار البرادعى هما اللى بيدفنوا راسهم فى الرمال علشان ميشفوش مساوئه هما اللى بيغالطوا نفسهم وبيعملوا معاه زى بتوع الحزب الوطنى ما كانوا بيعملوا مع مبارك (تمجيد بلا مساوئ). بس حلو ال presentation اللى انتوا عملينوا ليه ده انتوا بدأتوا الدعاية الإنتخابية بدرى أوى ده لسة باب الترشيح لم يفتح بعد !!
على العموم أنا هادعى دعوة كانت الحاجة والدتى الله يرحمها دايما بتدعيها بس بشكل مختلف شوية " اللهم يسر ووفق مصر لرئيس يكون فيه الخير للوطن وللإسلام و أعطنا خيره و جنبنا شره وباعد بيننا وبين كل من أراد بهذا البلد سوءا" اللهم آمين
يا دكتور مفيش خوض فى الأعراض معاذ الله الحكاية ان البنت متصورة ببكينى وده معناه انها متحررة على الطراز الأوروبى وده بيخالف عاداتنا وتقاليدنا وديننا وبيعطى مؤشر إن الشيخ البرادعى بيؤمن بالتحرر يعنى هيخليها خل أكتر ما هيا بايظة لو مسك البلد. وفيه أقاويل انها ليست مسلمة أو ان زوجها غير مسلم ولكن دى معلومة أنا غير واثق بها. للعلم فيه كلام تانى مرتضى منصور قاله على توجهات البرادعى وما يريد السماح به فى مصر بس أنا مش عايز أذكره لأن ده فعلا كلام مرتضى وأنا لاأثق به ولأن الكلام يودى فى داهية
و الله العظيم الحزب الوطني - و الكلام ده من شهور - اعترفوا انهم اللي فبركوا الصور دي
و الله العظيم و لو مش مصدقني دور و هتلاقي الكلام مكتوب في صفحات مواقع الجرائد القومية .... و مش اليومين دول عشان الثورة لا من شهور
و الله العظيم رفدوا العضو اللي فبرك الصور
و موضوع زوجها ....... الوثائق نشرت انها متزوجة عالشريعة الاسلامية ..... يعني هي مسلمة و زوجها مسلم ....... انت عارف ان اتهامك بالكفر او الردة لمسلمة معناه ايه ؟؟؟؟؟؟؟؟؟ و حكمه شرعا ايه ؟؟؟؟؟؟؟
و كلام مرتضى انت نفسك قلت ....... مرتضى ده يعامل معاملة الاطفال اصلا !!!! حد ياخد على كلامه ؟؟؟؟؟؟؟
اتق الله ..... اترضاها لاهل بيتك يا أخي ؟؟؟؟؟؟؟؟؟؟؟؟؟؟؟
أولا : اللهم اجعلنى من المتقين وباعد بينى وبين رمى المحصنات المؤمنات بالغيب
ثانيا : يا أخى انا لم أكفر أحد أنا قولت أنا مش متأكد من كده ولكنه كلام منتشر ومتواتر والله أعلم به.
ثالثا : طبعا أنا لا أرضى ذلك لأهل بيتى ولكن مفيش حد من أهل بيتى أو من أقاربى بيلبس مايهوات.
رابعا : يا أستاذ كمال أنا متفهم تعاطفك مع البرادعى وحتى لو كنت عضو الجمعية الوطنية للتغيير فأنا أعلم ان أهدافكم نبيلة و أنكم تهدفون لصالح البلد بس البرادعى لا أعتقد انه يحمل نفس النبل اللى تحمله أنت ورفاقك.
معلش سؤال يا ترى صورة البرادعى وهو أمامه كاس الخمرة متفبركة برده؟ صدقنى أنا فعلا بسألك ما دمت تعلم حقيقة الأمور و أرجو انك تذكر الحقيقة حتى تظل على نفس الدرجة من النقاء.
http://www.masrawy.com/news/egypt/po...3y_photos.aspx
ده خبر فبركة الصور اهو و اظن كفايه بقى خوض فى اعراض الناس
طول ما تفكير الناس منحصر فى المايوة والبيكينى والشرب ... يبقى مفيش فايدة ... بدل مانضيع وقت فى البحث عن دول فكر فى حاجات مفيدة بجد ..... حتى الاتهامات بتاعت الشرب و المايوة طلعت غلط
هو صحيح المايوة بيكفر ؟؟؟ لو كدة يبقى ياحسرة على جيل السبعينات
مادام كلام بدون دليل و بالعكس ظهر الدليل على عكسه يبقى ما تقولوش الا في سياق نفيه !!!!!!!!!
الله يحرق المايوهات و سنين المايوهات ........... لا حول و لا قوة الا بالله ....... هو انا باتكلم لاوندي ؟؟؟؟؟؟؟؟؟؟؟؟ باقول لحضرتك الصور متفبركة ...... و الحزب الزفت الواطي اعترف انها متفبركة ........ و العضو اللي فبركها رفدوه ......... يعني ما اكثر من اعتراف المجرم بالجريمة ؟؟؟؟؟؟؟؟؟ حضرتك محتاج ايه عشان تصدق؟؟؟؟؟؟؟؟؟؟؟؟؟
انا لا عضو في الجمعية الوطنية للتغيير و لا نيلة و اقصى علاقتي بالتغيير هو تغيير هدومي و انا رايح او جاي من الشغل !!!!!! ........ و اقصى علاقتي بأي جمعية هي جمعية على 10 شهور عاملها في الشغل مع زمايلي و اخر واحد قرب يقبضها و تخلص !!!!!!!
بس انا عندي بنتين و الصراحة يعني لو حد فبرك لهم صور زي دي ممكن اقتله ...... و الصراحة يعني لو بعد خبر الفبركة لقيت حد تاني بيقول الكلام اللي حضرتك بتقوله مش عارف ممكن اعمل فيه ايه !!!!! فانا بادافع عنه باعتباري اب لبنات زيه ....... مش عضو في الجمعية الوطنية للتغيير و لا حاجة !!!!!!!
آه و الله متفبركة ...... و الله العظيم طلعت متفبركة .......
اشكرك بعنف على اللينك ........ اللينك اللي تاريخه 21 سبتمبر 2010 ......
صدقت يا استاذ محمود و لا عايزنا نجيب ادلة ايه تاني ؟؟؟؟؟؟؟؟؟؟؟؟؟؟؟؟؟؟
ماتحاولش يا شهدي انا حسي اتنبح
أستاذ أحمد كمال ، أستاذ شهدى : للعلم أنا أول مرة أقرأ هذا الخبر من مصراوى ومن الواضح حسب كلامكم وحسب الخبر فى الموقع ان الصور قد تكون مفبركة وبالتالى أقدم إعتذارى وأسفى الشديد عن نعت البرادعى بأنه خامورجى وبأنه تحررى لسماحه لابنته بالتعرى ولبس المايوه. وإن كنت أستغرب عن عدم مقاضاة البرادعى لرجل الحزب الوطنى وكذلك عن عدم مقاضاته لمرتضى منصور وخصوصا أنه قال أن البرادعى يعتزم السماح بوجود الشواذ واجازة الوهابية وتحويل مصر الكامل من الدولة الإسلامية الى دولة علمانية أرجو أن يتم إيصال ذلك له والتأكيد على رفع هذه القضايا لأننى لست الوحيد الذى صدق ما كتب وانتشر فى النت وخارجها حوله ولكن هناك الكثيرون جدا ممن يظنون ذلك وكثير جدا منهم لا يدخلوا الإنترنت وسمعوا عن ذلك وللعلم أنا سمعت ذلك قبل أن أدخل لأراه على النت للتأكد ووجدته فى الكثير من المواقع ولم أجد أى تكذيب من البرادعى. عذرا مرة أخرى ولكننى لم أدر أن الخسة والندالة قد تصل بشخص ما أن يفبرك مثل تلك الصور وبهذه البشاعة.
جزاك الله خيرا على رجوعك للحق و الرجوع للحق فضيلة و من شيم الرجال ......... بقالي يومين باحلف لك ان الصور متفبركة و ان الحزب الوطني نفسه اعترف و انت مش مصدقني :) ........ ابقى صدقني بعد كده لان انا و الله ما باقولش حاجة الا من مصدر و الناس هنا عارفة اني مش بافتي و الله ......
مرتضى ده للمرة التانية يعامل معاملة الاطفال يعني ما يتاخدش على كلامه اصلا :)
ده شاتم البلد كلها ههههههههههههههههه
حصل خير ....... و زي ما حضرتك ساهمت - بدون قصد - في نشر الشائعة ...... ارجو انك تساهم في نشر التكذيب ...... البرادعي فعلا مش وحش و النظام نفسه كان مكرمه و بيفتخر بيه و بانجازاته الدولية ....... لحد ما فكر يعارضهم ...... قلبوا عليه و الضرب اشتغل تحت الحزام
معظمنا كان ظالم البرادعي ومعظمنا لايزال مُستمر على ظلمه له
وفعلا في الشارع بعيد عن النت ناس كتير بتقول كلام مش حلو عنه لأنهم مخدوعين وده سببه الاقلام المأجوره اللي الجرايد القوميه ومجموعة شباب مأجوره من الحزب الواطي ليل نهار قاعدين على النت حملات على البرادعي والسبب معروف
الموضوع سيتم تحديده على إحتمالين:
1- أن تحدث إنتخابات بيضاء نظيفة شفافة زجاجية بولرية يشارك بها العديد من الشخصيات وعندها ستحدد الصناديق من هو الرئيس القادم
2- أن يحدث إلتفاف في الإنتخابات بطريقة معينة مثل رشوة الناخبين وما جاورها بعلمنا أو بدون علمنا ونصبح أمام أمر واقع برئيس جديد
في جميع الحالات وقتها سننظر من هو الأصلح
ثم حتى لو فاز من إجتمعنا كلنا عليه فلا يوجد ضمان ولا 1% أنه سيكون كما ظننا
لذلك فالدولة النيابية هي التي تجعل الرئيس ذو قيمة منخفضة والحكم يكون في يد أعضاء مجلس الشعب
لأنه من الصعب أن يكون كل أعضاء مجلس الشعب المنتخب وقتها بشفافية فاسدين
ولو حدث ذلك فالشعب يريد تغيير الشعب