ده فيديو شوفوه وقولوا رأيكم بحياد
YouTube - ‫ط§ظ„ظپط±ظ‚ ط¨ظٹظ† ط¹ظ…ط±ظˆ ظ…ظˆط³ظ‰ ظˆ ظ…ط.ظ…ط¯ ط§ظ„ط¨ط±ط§ط¯ط¹ظٹ‬‎
عرض للطباعة
ده فيديو شوفوه وقولوا رأيكم بحياد
YouTube - ‫ط§ظ„ظپط±ظ‚ ط¨ظٹظ† ط¹ظ…ط±ظˆ ظ…ظˆط³ظ‰ ظˆ ظ…ط.ظ…ط¯ ط§ظ„ط¨ط±ط§ط¯ط¹ظٹ‬‎
رأيى ان ما ينفعش رئيس مصر يبقى بيشرب خمور وبنته غير معلوم ديانتها وبتتصور بالبيكينى وقضى عمره كله بعيدا عن مصر. حتى لو مش عمرو موسى مش هيكون البرادعى
كونتراست رهيييب فعلاً ..
أنا شايف أنه لو تغيير يبقى تغيير بتغيير ، والبرادعى دم جديد ومش بتاع توازنات.
دة بس اللى انت دورت علية وحتى محدش متأكد ان كان صح ولا لأ
بيشرب خمرة لأ مش بيشرب دة موسى
بنتة مسلمة (البرادعى)
تلبس بيكينى ولا متلبسش !! أظن مش من مدخل اى حد يدور على الخصوصيات دى ... ليها رب يحاسبها ...لكن بنائك لوجهة نظرك على دول .... حاجة سطحية جدا جدا جدا جدا
وعلى فكرة انا لا مع او ضد للبرادعى
يهمنى وجهة نظرة برنامجة ارائة السياسية مصداقيتة مش بنتة بتلبس بيكينى ولا لأ
راجل محترم و فاهم
و صاحب رؤية
كفاية إنه قال محدهش يشارك في الانتخابات و بعد كده طلع كلامه صح و طلعت مهزلة
و كفاية إنه قال لو نزل مليون مصري للشارع فسيقع النظام
شخصيا باحترمه جدا ،، و اثق في وطنيته و خبرته و فكره
مش شرط يكون الأفضل لمنصب الرئيس بس الحملة المسعورة لتشويهه بتخليني أتعاطف معاه أكثر
كلام بدون دليل للأسف هو ده اللي اتعلمناه من نظام مبارك القاء التهم بدون دليل واختزال الرجل في سطرين من التهم
على فكره بنته مسلمه وزوجها مسلم والبرادعي صور وثيقة الزواج ووعرضها على الانترنت وكان مستاءا جدا من الهجوم على عرضه الشخصي هادور على الوثيقه وهاجيبهالك باذن الله
عزيزى شفيق موالى لمبارك جابة من سلاح الطيران ومسكة مصر للطيران وخلاة وزير وعينة رئيس وزراء ياترى حيكون ولاء راجل ذى دة لميين
موضوع بنته ده طلعت صور متركبة .....
طلع متركب يالهوي يا جدعاااااااااااااااااااااا اااان هو في ناس قاعد لناس شريفة عشان تشوه صورتها وبكل الامكانات ايه القرف ده
اللعب حاليا على عقول الناس اللي تدينها أعمى وعقلها وضميرها واخد اجازه
يعني محدش جاب سيرة الخمور اللي بتتباع في مصر برخصه من الحكومه؟
بسم الله الرحمن الرحيم
يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ (6)
صدق الله العظيم .سورة الحجرات
ده حتى عمرو موسى طلع موالي لمبارك وقال هنتخبه لو اترشح لمنصب الرئاسة تاني
وأدي الفيديو اهو وهو بيكلم بنفسه
YouTube - ‫ط¹ظ…ط±ظˆ ظ…ظˆط³ظ‰ ظٹط±ط´ط. ظ…ط¨ط§ط±ظƒ ظپظ‰ ط§ظ†طھط®ط§ط¨ط§طھ ط§ظ„ط±ط¦ط§ط³ظ‡.wmv‬‎
آالة مبارك الاعلاميه عملت بشراسه على مدى سنه كامله منذ قدم الدكتور الى مصر ونادى بالتغيير وقال كلمته الشهيره أنا لست مخلصا أنتم من تخلصون أنفسكم ووضع رهانه على الشباب ونجحت الآله الاعلاميه في تشوهه صورة الرجل في عيون العامه والبسطاء للأسف ولكن الحق سينتصر في النهايه
(( ولا يحيق المكر السيء إلا بأهله ))
اتفقنا او اختلفنا مع البرادعي .....فلابد من الاتي
البرادعي اول من دعى للثورة ...... قبل وائل غنيم و عمر عفيفي و غيرهم
البرادعي مؤسس الجمعية الوطنية للتغيير
البرادعي لم يقر بحرب العراق ..... زي ما كلاب الوطني أشاعوا عليه بجهازهم الاعلامي الفاسد ..... دور عاليوتيوب و انت تشوف ..... و اصلا هما ما جددوش ليه عشان رفض الحرب على العراق
البرادعي مصمم على عدم اعتلاء الرئاسة ..... و في نفس الوقت بيقول لو هيقود البلد هتبقى قيادة انتقالية لحين تكوين معارضة ناضجة و انه مش عايز حتى يكمل فترة كاملة ......
البرادعي من اكتر من سنة و هو طالب ان المصريين يتظاهروا من اجل التغيير
البرادعي صاحب خبرات دبلوماسية طويلة و استاذ في القانون .....
البرادعي ابنته متزوجة من مسلم ...... و الصور بتاعتها متركبة ...... برضه جهاز الاعلام القذر هو اللي فبرك لها صور الخمور و صور الزوج الاجنبي و غيرها كتير
احببناه ام كرهناه ...... اتفقنا معه او اختلفنا معه ...... فلنعط كل ذي حق حقه ......
هو رأفت الهجان دوره ايه هههههههه
يا جماعة انتو قاعدين على النت اعملوا بحث على " صور البرادعى" أو صور "ابنةالبرادعى" وهتشوفوا البرادعى وهوا قاعد على الترابيزة وأمامه الكاس مليان لعينه وللعلم أى حد بيفهم فى الفوتو شوب هيعرف ان الصور مش متركبة
الأستاذ كيو ماكس مفيش حاجة اسمها "تدين أعمى" عمر التدين يا أخى ميكون أعمى !!! وأيضا كلنا ضد الخمور و الجنس اللى بيتباع فى مصر برخص فى الهرم وشرم والغردقة وغيرها بس ده يأتى فى محاربة الفساد فى فترة قادمة إن شاء الله انما مينفعش ان الرئيس يبقى خمورجى !!!!؟؟؟؟
فيه محترفين فوتوشوب بيركبوا احسن من كده كمان و لا حضرتك ما بتشوفش افلام اكشن و خيال علمي مليانة حاجات محدش يصدق انها متركبة
واضح ان حضرتك ميال لتصديق نظريات المؤامرة ....... البرادعي ...... بنت البرادعي ...... وائل غنيم .......
طيب مفيش عند حضرتك اي نظرية مؤامرة على مبارك او الوطني و نظامه ؟؟؟؟؟ و لا اشمعنى دول اللي حلوين أوي ؟؟؟؟؟؟
ههههههههههههههههههههههههه هههه
النقطة الأولى: نعم أنا أؤمن بنظريات المؤامرة لأن السياسة أساسا مبنية على مؤامرات كثيرة و لأننا لسنا فى المدينة الفاضلة اللى مليانة نقاء وشفافية وانكار الذات من أجل الأخرين. وأفلام الأكشن حاجة وطبيعة تصويرها حاجة والإضاءة والخلفيات حاجة وصورة فى الشمس على البحر حاجة تانية. كمان أنا لا أتهم وائل بالمؤامرة ولكن هناك من يتهمه بالماسونية مدللا ذلك ببعض الأدلة من وجهة نظره ورأيت اننا نتناقش فيها ونحاول نوصل للحقيقة فقط !!!!
النقطة الثانية مين قال ان مفيش نظريات مؤامرة لحسنى مبارك و بقايا الحزب الوطنى والكثير من رجال الأعمال و أجهزة الأمن. ودول بيحاولوا بكل قوتهم حاليا إنهم إن لم يستطيعوا الحصول على مكاسب فإنهم سيحاولون الحفاظ على مكتسباتهم المسروقة من دم الشعب ولو بتقرى مشاركاتى فى المواضيع الأخرى هتلاقينى بقول نفس الكلام بس البرادعى ما ينفعش وده رأيى إنت شايف إنه ينفع وتتحمل هذه المسئولية أمام الله انت حر فكلنا يا أخى أحرار وكلنا محاسب عما يفعله.
الشمبانيا السعودي ده مشروب تفاح وليمون على ما اتذكر وتقدم في فنادق السعوديه لان الخمور هناك ممنوعه وموجوده في ماليزيا ودول اوروبا لتقديمها للمسلمين
بص حضرتك
فيه فرق بين مؤامرة واضحة صريحة
و مؤامرة مفبركة و مفضوحة
و طبعا موضوع الميل لتفسير أي شئ بنظرية المؤامرة .....
و سهل جدا فبركة صورة في الشمس و عالبحر على فكرة ......
و صدقني و لا عمر اي حد هيكتشفها .....
و موضوع وائل مفيش ادلة ..... ده بالظبط زي اني اقول ان بابا نويل اخوان لانه لابس بنطلون قصير و ملتحي ..... او اني اقول ان سبحان الله ان واحد يبقى مثلا راكب لانسر و بيشرب بيبسي و عنده موبايل نوكيا و مشتري نوكيا لمراته و ولاده كمان يبقى اكيد عميل لقبائل الواجا دوجو !!!!!
موضوع البرادعي متفبرك و هو نفسه جاب وثيقة الزواج ......
و بما ان حضرتك بتحب نظريات المؤامرة
ليه ما تبقاش دي مؤامرة لتلويث سمعته من الحزب الواطي ؟؟؟؟؟؟؟؟؟؟؟؟
مرة اخرى تخطئ الهدف في الغرض من كلامي
الغرض من كلامي ليس تأييد البرادعي من عدمه
بس لازم نلتزم الحق حتى لو مع اعداءنا ......
يعني حب البرادعي او اكرهه بس اديله حقه .......
نعمل بحث على النت هو ده برهانك ؟؟
المفروض يكون رد حضرتك انك تقول انا كنت موجود في مكان ما ورأيت البرادعي بيشرب خمره
أو انك تقول انك شوفته مثلا في حفله في التليفزيون بيشرب خمره
وان كان برهانك من على النت يبقى موثق بفيديو واضح المعالم وليس بالصور
كلنا شاهدنا البرادعي في على الشاشات ونعرفه كويس وأكيد مقدم البرنامج قال ان ده محمد البرادعي
هل رأيت ابنة البرادعي في أي فضائيه أو شاشه أرضيه حتى تؤكد لي انها هي الموجوده بالصور المنتشره على النت؟؟؟؟؟
بالنسبه للتدين الأعمى أرجوا أن تستشير أحد من العلماء حتى يوضح لك ماهو التدين الأعمى
عندك حق ممكن ؟ بس خلى بالك ان انت بكده برده بتؤمن بنظرية المؤامرة زيى.
بص يا أستاذ أحمد أنا شايف من وجهة نظرى ان البرادعى عميل وانه من الأسباب الرئيسية فى حرب العراق ورأيى انه راجل تجيد أمريكا استخدامه زيه زى بن لادن. ده رأيى ورؤيتى للأحداث.
ولكن ليس معنى هذا أننى أزعم أن الثورة مضحوك عليها وأن قيادات الشباب عميل فبالتالى الثورة غير شريفة لا وألف لا أنا مع الثورة قلبا وقالبا و حسنى مبارك وجيمى الأهبل وزبانيته من رجال الأعمال وقياداته فى الأمن يستاهلوا العقوبة اللى اقترحها حسب الله الكفراوى وهى الرجم فى ميدان عام بالأحذية بس لما يرجعوا فلوس البلد الأول. ولكن لا لكل من ليست له يد بيضاء او من تحوم حوله الشبهات او مشكوك فى وطنيته او اخلاقه او دينه.
شكرا علي التوضيح يعني عصير غير معتق وغير مضاف اليه اي كحوليات
طيب نرجع لمرجوعنا علشان منغيرش سير الموضوع ...موضوع الصور مفبرك بالفعل واعترف بيه الحزب الواطي بس جاب كبش فده له وقال انه هو اللي فبرك الصور ديه محاباه للرئيس وللحزب الواطي لخطورة الدكتور البرادعي عليهم بس مع احترامي لكل الأراء التي تؤيده لا ارشح الدكتور البرادعي آمل في شخصيه تراعي الله في جميع اعمالها وفي الشعب تحكم بالعدل وتحارب الفساد وتضرب بيد من حديد علي المفسدين وتكون محبوبه للجميع ليس بكلمتين تقولها امام الفضائيات وتستغل الفرصه للضحك علي الشعب المصري المعروف بطيبته كذلك يجب ان تكون ماهره جدا في التعامل في الشئون الداخليه والخارجيه وذات فكر اقتصادي بناء هل تعتقدوا بوجود هذه الشخصيه في عالمنا المملوء بالفساد الذي يخرج لك حتي في احلامك ومن تحت السرير
يا أستاذ كيوماكس اذا كانت الثورة قامت من النت ومستندات الفساد تم تناقلها من النت دلوقتى النت اصبح مصدر غير موثوق به؟ وهوا يعنى اشمعنى الخمر والمايوهات اللى هيتم تلفيقها للبرادعى؟ كمان أكرر مفيش حاجة اسمها تدين أعمى! دى كلمة العلمانيين يا أخى العزيز علشان يبعدوا عن حدود الشريعة
أنا ليا رأى خارج الســرب .. بس ده ما أراه شخصياً.
حتى لو كان البرادعى شرب خمور فى حفلة أو خلافه ، فده لا ينتقص منه بخصوص منصب رئيس الجمهورية.
مقياسى هو : لو أنا مريض ومحتاج جراحة ، وقدامى اتنين دكاترة ممكن يعملوا العملية دى، هاروح للأشطر حتى لو كان يحتسى الخمر. ولو مدان فى قضية ، هاروح للمحامى اللى هيطلعنى براءة بغض النظر عن حياته الشخصية.
بالمثل ، منصب رئيس الجمهورية يحتاج سياسيون وليس رهباناً.
ملحوظة: بالرغم من إنى باميل للبرادعى عن عمرو موسى ، إلا انى مشفق على عمرو موسى جداً بعد الفيديو ده
البرادعي عميل ؟؟؟؟ فهمني دي ازاي بقى أو شوف الفيديو ده وفي عشرات الفيديوهات الاخرى لو طلعت تقول عميل تاني بعد الفيديو ده يبقى انت كده بتغالط وبتتكلم بالباطل
YouTube - ‫ط.ظ‚ظٹظ‚ظ‡ ط¯ ظ…ط.ظ…ط¯ ط§ظ„ط¨ط±ط§ط¯ط¹ظ‰‬‎
YouTube - ‫ط§ظ„ط¨ط±ط§ط¯ط¹ظ‰ ظˆ ط£ظ…ط±ظٹظƒط§ .. ط¨ظٹظ† ط§ظ„ط.ظ‚ظٹظ‚ط© ظˆ ط§ظ„ط£ظƒط§ط°ظٹط¨ .mp4‬‎
من وجهة نظري ...
شئنا أم أبينا
انتخاب البرادعي كأول رئيس بعد ثورة 25 يناير هو الضمان الوحيد لنجاح عبور مصر إلى مصاف الدول الديمقراطية.. والخروج بها من الهوة الاقتصادية ... البرادعي وجه معروف في العالم ويستطيع "تسويق" مصر أفضل من أي شخص آخر على الساحة الآن.
البرادعي هو الرجل الوحيد في مصر الذي ألهمني ومعي العديد ممن أعرفهم بفكرة أن التغيير يبدأ من أسفل إلى أعلى وليس العكس. موضوع "تشويه سمعته" كان مؤامرة من النظام السابق وكانت واضحة وضوح الشمس.. وترفع الدكتور البرادعي عن الرد عليها لأنه رجل يؤمن بأن الحياة الشخصية للشخصية العامة ملك لها وحدها ولا شأن للناس بها. كما أنه يعرف جيدا أنه ليس في موضع الاتهام لكي يدافع عن نفسه.
الدكتور البرادعي أعلن أنه لن يرشح نفسه إلا إذا حدث توافق وطني عليه (مثلما حدث مع مانديلا) وهو ما لن يحدث لأن مئات الأقزام سيتقافزون عند فتح باب الترشيح للرئاسة لنيل المنصب الحلم. وهو ما سيصب في النهاية في صالح الثورة المضادة.
رغم يقيني أن البرادعي هو الأصلح لمصر في المرحلة القادمة أنا على يقين أيضا من أن عوامل كثيرة تتعلق بطبيعة المصريين العاديين وخوفهم من الغرباء ومن المستقبل وميلهم الشديد إلى تصديق كل ما يقال لهم عن الناس دون تحقق ستزيد من فرصة عمرو موسى في الفوز بالمنصب.
ياااااااااااااااااااااااا اااااااااه .. صحيح الدنيا صغيرة .. ازيك يا راجل.
ألف ألف حمد لله على سلامة الوالد .. الخبر ده أسعدنى جداً
ولسه برضه الأسبوع اللى فات ، صديق من السعودية كان ماشى على نفس الكورس اللى اتكلمنا عنه بشرنى بالنتيجة النهائية السلبية للفيروس.
ألف حمد وشكر ليك يا رب.
البرادعي رجل دولة
عمرو موسى بق
مش عارف ليه حاسس عمرو موسي عبد الناصر 2 ...
وهيجبلنا مشاكل مع طوب الارض :majd(4):