هل تؤيد الدعوة لمظاهرة مليونية يوم الثلاثاء القادم ؟

**Ahmed Mubarak** · 21-02-2011 12:42 PM

المشاركة الأصلية كتبت بواسطة omarhelalyehia

يا جماعة نهدى شوية بقى و نشوف شغلنا احسن لو استمر الحال على كده مش حانلاقى ناكل
لازم حد يدور البلد دى الست شهور الجاية و بعد كده اذا لم تستجاب مطالبنا الميدان مش بعيد

+11111111111111111

**human** · 21-02-2011 12:43 PM

المشاركة الأصلية كتبت بواسطة gemy1

و الله انا مؤدب غصب عن اى حد و انا اخترت انى اضحك بدل ما اكون قليل الادب بجد عشان ما بعرفش ابقى قليل الادب و لا اجرح فى حد و لا اقول للى قدامى يتكلم ازاى كل واحد يتكلم براحته يا بيه يا محترم و انا ما غلطتش فيك و لا عمرى هاغلط عشان انا محترم لكن انا اعتمدت على اسلوب السخريه و التهكم و ممكن كمان ترد بنفس الاسلوب عادى براحتك يعنى لكن ماتقليش اتكلم بأدب دى خالص

التكلم بتهكم و سخريه يندرج تحت بنود قله الاحترام و قله الادب

و حضرتك غلط و اققل حاجه تعتذر
انا ماغلطش فيك

و لو مش قادر تتكلم من غير غلط يا ريت بلاش ترد عليا

**heshamzaky** · 21-02-2011 12:46 PM

المشاركة الأصلية كتبت بواسطة tlrsiap

هو احنا مش هانبطل بقى منطق القوة و نحاول نتمسك بمنطق الحق شوية ؟

علشان تحقق الحق يبقى لازم قوة أنما نعطل الدنيا علشان أراء معينة يبقى المصلحة العامة فوق المصلحة الشخصية . أنا شايف مشاركات كتير منقولة ل نوارة نجم . و مش عاجبنى أرائها دة رأيى الشخصى مش لازم أمشى ورا افكارها و لازم أبقى عارف أية أخر قوتى علشان ما أدخلش فى معركة خاسرة لو بتلمح للجيش مفيش أى ضامن ألا الكلمة الى حا يقولها و الى معترض على أراء الجيش لو يعرف يغير حاجة يبقى يغيرها لو عرف

**dr-mohamed** · 21-02-2011 12:48 PM

المشاركة الأصلية كتبت بواسطة heshamzaky

المعادلة غير متكافئة نهائيا دة حقيقى فعلا بس لصالح الجيش مش لصالح الشعب .
شعب مين يا باشا الى حا يقول للجيش كمان لآ الناس متخيلة أنها الى بتدير البلد طيب أمال المجلس الاعلى دة بيعمل أية و مين الى شال الضرب و خلى المتظاهرين فى أمان مش الجيش برضو و لما الناس شافت الدبابات عيطت من الفرحة يبقى كمان الجيش عاوزينة صورة و منظر و لو كلامة مش عاجب الناس يقولو لة كمان لآ . دة مش ممكن يبقى معنى كدة أن الدنيا بقت غابة و مفيش نظام و لو حا نمشى بمبدأ البقاء للأقوى يبقى الجيش حا يبقى هو الاقوى . لو الجيش عاوز يعلن احكام عرفية هو حا يبقى قادر على ذلك بس الجيش بيطبطب على الناس و مريحة و دور الناس أنها تلتزم شوية و تبطل أفكار هدامة

لا هي بالعافية ولو مشعاجب اي حد اي حاجة في البلد هاينزل يعمل مظاهرة في التحرير ويوقف البلد واللى مش عاجبه يعمل هو كمان مظاهرة تاني يوم وبردو في التحرير ويوقف البلد
والجيش ميقدرش يعمل اي حاجة ماهو من يوم 28 نزل البلد وساكت هاييجي يعمل حاجة دلوقت

المشاركة الأصلية كتبت بواسطة kh_talaat

على الرغم من ان يوم التلات هو يوم عمل وهيعطل مصالح كتير
لكن للاسف مفيش حل غير كدة مع الحكومة دي
احمد شفيق اللي عينه مبارك وأقسم اليمين امامه ودة يعتبر مخالف لدستورية استمرار شفيق بعد رحيل مبارك
لماذا لم يتم تعيين وزارة جديدة بوجوه جديدة ذات مصداقية للشارع المصري ...الكفاءات كتير
انا نازل التحرير يوم التلات باذن الله حتى يرحل احمد شفيق
فداكي يا مصر ....

فدا مين بس يا خالد بيه
التلات اللى جاي علشان شفيق والجمعة اللى بعده علشان التطهير والتلات اللى بعده هايكون علشان ايه تاني ؟؟؟؟؟؟؟؟؟؟
شفيق المجلس الاعلى للقوات المسلحة هو اللى امر باستمرار وزارتخ كوزارة تسيير اعمال يعني عمله دستوري برغم ايقاف الدستور
والوجوه الجديدة اللى اتعينت امبارح دي كلها مالهاش مصداقية ؟؟؟؟؟؟؟؟
طيب يجيب منين مع الوضع في الاعتبار ان فيه ناس من المحترمة بردو بترفض تغامر في وزارة عارفين انها مؤقتة وانها مهما عملت بردو مش هاتعجب الناس
وايه هو المطلوب من الحكومة انها تعمله مع الوضع في الاعتبار ان بعض الامور بيد المجلس العسكري وليس للحكومة اي دخل فيها
ولو وافقتك وتم اقالة حكومة شفيق تفتكر الناس اللى كل يوم بيدعو لمظاهرة هايتفقوا على حكومة جديدة ؟؟؟؟؟؟؟؟
اذا كانوا بيختلفوا على كل شئ واحد يطلع يقول حاجة يطلع عشرة يقولوا انه بيمثل نفسه وبس
وحتى لو اتفقوا تضمن منين ان مايطلعش ناس تانيين يقولوا انهم مش موافقين على الحكومة الجديدة ويطلعوا على التحرير ويوقفوا البلد بردو؟؟؟؟؟
وتفتكر الناس العادية اللى حالها واقف فعلا هاتتحمل لغاية امتي ؟؟؟؟؟؟

**dr-mohamed** · 21-02-2011 12:51 PM

المشاركة الأصلية كتبت بواسطة human12

و تانى وتالت الجيش مش هيقدر يمنع اى مظاهرات و اللى حضرتك بتحذر منه انا شايف انه غير منطقى بالمره عشان مافيش جيش هيضرب على ناس بتتظاهر

و المظاهره لو هتم بكره او كل يوم مليونيه مش هيقدروا يوقفوها ده امر مفروغ منه و لو حاولوا هتبقى حرب اهليه و هيحصل انفصال فى صفوف الجيش و عليه العوض و منه العوض

**dr-mohamed** · 21-02-2011 12:53 PM

السعة 1 ظهر 21-2
الرافضين 77
الموافقين 39
تراجع ثلاثة من الموافقين بعد التعديل الوزاري لتصبح النتيجة الحقيقية
الرافضين 80
الموافقين 36

**heshamzaky** · 21-02-2011 12:57 PM

المشاركة الأصلية كتبت بواسطة dr-mohamed

لا هي بالعافية ولو مشعاجب اي حد اي حاجة في البلد هاينزل يعمل مظاهرة في التحرير ويوقف البلد واللى مش عاجبه يعمل هو كمان مظاهرة تاني يوم وبردو في التحرير ويوقف البلد
والجيش ميقدرش يعمل اي حاجة ماهو من يوم 28 نزل البلد وساكت هاييجي يعمل حاجة دلوقت

؟

يبقى وصلنا لآية يا دكتور محمد . وصلنا لنقطة الصفر و محلك سر . الناس واخداها بالدراع و أى حاجة يقولو نعمل مظاهرة أية رايك بكرة الناس حا يتقلبو على بعض و يعملو مظاهرات ضد بعض يعنى الشعب ضد الشعب مش الشعب ضد الحكومة . أنا بصراحة شايف ان الى بيحصل فوضى فى كل مكان و مفيش ظبط و لا ربط .

**تامر.محمد** · 21-02-2011 01:00 PM

المشاركة الأصلية كتبت بواسطة heshamzaky

علشان تحقق الحق يبقى لازم قوة أنما نعطل الدنيا علشان أراء معينة يبقى المصلحة العامة فوق المصلحة الشخصية . أنا شايف مشاركات كتير منقولة ل نوارة نجم . و مش عاجبنى أرائها دة رأيى الشخصى مش لازم أمشى ورا افكارها و لازم أبقى عارف أية أخر قوتى علشان ما أدخلش فى معركة خاسرة لو بتلمح للجيش مفيش أى ضامن ألا الكلمة الى حا يقولها و الى معترض على أراء الجيش لو يعرف يغير حاجة يبقى يغيرها لو عرف

يا باشا رأيك من حقك بكل تأكيد و ده لا اختلاف عليه
و انا عن نفسي ياما قلت اني اوقات كتير باختلف مع كلام اي حد ايا كان و مش صح ان الواحد يمشي ورا حد و خلاص اصلا
لكن مسألة اسقاط الحكومة و اقالة الفاسدين و محاسبتهم , و حل أمن الدولة و الافراج عن المعتقلين دي مش مصالح شخصية و لا آراء شخصية و الا كان يبقى مبارك كمان اسقاطه آراء شخصية

بخصوص نقطة المعركة الخاسرة , مين قال ان الناس اللي نازلين دول نازلين ضد الجيش ؟
كلهم اصلا هتافهم الأساسي ان الجيش و الشعب يد واحدة
الناس ليهم مطالب معينة و نازلين يطالبوا بيها , و الله لو العدد قليل و ما عطلوش مصالح يبقى خلاص قليلين ( و لو ان ده لا ينفي انهم وارد جدا يكونوا على الحق حتى لو قليلين ده لو هانتكلم بصفة عامة)
و لو كتير لدرجة انهم قفلوا الميدان يبقى حقهم ان مطالبهم تجاب لأنهم كتير

بخصوص مسألة اللي يعرف يبقى يغير
دي اللي باقول فيها ان الحق فوق القوة , اصل اللي مش بيدخل معركة خاسرة الطبيعي انه بيرتب لأنه يدخلها في وقت تاني تكون القوة متقاربة , انما اللي انا فاهمة من حضرتك ان المعركة دي في اي وقت و كل وقت خاسرة (يمكن لأنك شايف انها ضد الجيش , انا عن نفسي مش شايف كده زي ما وضحت) , و بالتالي يبقى الواحد عليه انه يعمل اللي عليه بأقصى قدرته و التوفيق من عند الله , ماحدش لغاية يوم 24 يناير كان يتخيل ان مبارك ممكن يسقط ولا ان قبضة الداخلية تسقط , لكن بفضل الله حصل ...

**dr-mohamed** · 21-02-2011 01:00 PM

المشاركة الأصلية كتبت بواسطة human12

اتفق معاك
بقالى كتير ماتفقتش معاك :)

ههههههههههههههه
ولا انا كمان اتفقت معاك من فترة طويلة رغم ان كلنا عايزين الافضل لمصر لكن الاختلاف في الطريقة

انا ممكن انزل مظاهره للمطالبه بمحاكمه صفوت الشريف او مظاهره للمطالبه بان مبارك يتم حسابه
بس مانزلش عشان الحكومه ديه تمشى
هيه كده كده ماشيه - و احنا بنراقب دلوقتى و نشوف
و المهم هو التعديلات الدستوريه
نراقب و نفهم و ندرس عشان نبقى فاهمين المرحله اللى جايه
بس كل شويه مظاهره شئ مستفز من غير هدف فعليا جدير
طيب ما هو ده اللى بنقوله يا طارق ان مظاهرة التلات دي تهريج خصوصا بعد التعديل الوزاري اللى حصل كدة يبقي بنتظاهر علشان نتظاهر وبس والتظاهر هايبقي غير مقنع ابدا للناس العاديين اللى بياخدوا مواقف مضادة للثورة بسبب التضييق عليهم في رزقهم وفيه ناس عايشة علي يومها زي ماانت عارف وشوف انت كام واجد غيروا رايهم بعد التعديل الوزاري
التظاهر من اجل مصلحة عامة هدف نبيل لكن التظاهر لسبب غير مقنع امر مستفز

الجمعه اللى فاتت لما تم تسيس المظاهره رفضت النزول خصوصا ان هيه فعليا عشان تورى ان احنا نقدر نتجمع تانى و نضغط بس تم التسييس بطريقه سافره

ومعظم المظاهرات بعد كدة هاتكون مسيسة
دلوقتي خلاص كله بدا يبص لقدام ويجهز نفسه للانتخابات الجديدة وصدقني اي تحرك دلوقت هايكون علشان الانتخابات مش علشان مصلحة الوطن