انطلقت الدعوة لمظاهرة مليونية يوم الثلاثاء القادم لتنفيذ المطالب التى لم تنفذ حتى الان و اهمها اقالة حكومة شفيق ، و انقسم المؤيدون و المعارضون .... شارك برأيك .. و فى الاخر نشوف نتيجة الاستطلاع
انطلقت الدعوة لمظاهرة مليونية يوم الثلاثاء القادم لتنفيذ المطالب التى لم تنفذ حتى الان و اهمها اقالة حكومة شفيق ، و انقسم المؤيدون و المعارضون .... شارك برأيك .. و فى الاخر نشوف نتيجة الاستطلاع
تسمحلى اكون اول مشارك
تقبل تحياتى
أويد بشدة
انا شامم ريحة مش كويسة و شايف محاولات تهدئة و تحويل انظار الناس عن حاجات كتير
يا جماااااااااعه عاوزين نشتغل بئه والله انا من يوم 28 منزلتش الشغل شغال فى السياحة حرام ونبى ولسه خاطب قبل 25 يناير بيومين
مش مؤيد طبعا
هما الناس دى عايزة ايه تانى
الحكومة؟؟
ماهو لازم يكون فى حد يدير البلد الست شهور الجاية وبعدين ابقوا انفوهم برا مصر خالص لو حابين
انما اللى بيحصل ده كتير قوى
البلد كده بتقع وماهياش قادرة تقوم
رغم انى صوت ب "لا" الا انى ارى انتظار التغيير الوزارى المزمع اولا لو كان غير مرضى يبقى المليونية تبقى الجمعة وبلاش مظاهرات فى نصف الأسبوع كفاية خساير وعدم استقرار لحد كده مش مبارك وأعوانه يخربوها واحنا نكمل عليها.
يا جماعة نهدى شوية بقى و نشوف شغلنا احسن لو استمر الحال على كده مش حانلاقى ناكل
لازم حد يدور البلد دى الست شهور الجاية و بعد كده اذا لم تستجاب مطالبنا الميدان مش بعيد
طبعا (( ارفض )) المظاهرة سواء الثلاثاء او الجمعة القادمة
و اؤيد حاجة و احده فقط
و هي ان نتقي الله في مصرنا الحبيبة
و ندعو لمظاهرة من (( 50 )) مليون لتغيير النفوس
و التوبه الي الله و محاربة البدع و محاربة الهدم
و محاربة البناء علي الارض الزراعية
و الاجتماع علي قائد يا ابناء الوطن
م.حاتم السباعي
معلش هو مين اللى قال ان فى مظاهرة واللى قال قال لية وعايز اية بظبط وهدفة اية ...........ولية لما الدنيا بدأت تستقر عايز يعمل مظاهرات تانى .................وهو شاف اية من أحمد شفيق عشان يشيل حكومته والراجل قال فى تعديل وزارى وهيشيل الناس اللى اجنا مش عايزنهم واللى هو كان مجبر عليهم واللى قال مش شايف انها حكومة انتقالية وان الجيش اللى بيحكم دلوقتى ............وبجد اللى انا اعرفة بقى ان فى انتخابات وفالانتخابات ينزل ينتخب الرئيس والحكومة اللى هو عايزها ..........وغير كدة بجد يبقى خراب للبلد ......وياريت يخده بالهم ان البلد بتخرب وفى ناس قاعده فى بتها .........احنا خلاص دخلين على شهر 3 يعنى كلها خمس شهور
وياريت اللى بيقول ان الرئيس ممشيش ولية وبياكل كافيار فى شرم ....عايز اقول ان الرئيس مبقاش رئيس وبصراحة انا مش شايف عيب انه مهربش من مصر وفضل ان يقعد فيها وبالنسبة بالكافيار ممكن يكلة فى اى حته ويكون لجئ سياستى كمان .........
ولو الناس متابعه الاخبار هتلاقى ان ارصده ناس كتير ارصدتها اتجمد وممنوعه من السفر تمهيدا للتحقيق معاها .......النائب العام ولا وكلاء النيابة مش ربنا عشان يقولة كن فيكون فى تحقيقات بتم والقانون بياخد مجراه ..........احنا مكملناش اسبوع .....ياريت شوية عقل وياريت منكررش الكلام فالموضيع دى على الاقل فالوقت الحالى واللى عايز يعمل مظهره عندكم يوم الجمعه .......
يا ريت يا جماعة تقرأو نوضوع لاخ لينا هنا
يبين الفرق بين التنحي والتخلي
http://www.nilemotors.net/Nile/202463-a.html
وبعد كده احكموا
ليه بعض الاستطلاعات يظهرفيها اسماء من اختاروا وبعضها لا يظهر فيها ؟؟؟؟؟؟؟؟
لو انا بس اللي على المنتدى قلت انا رايح ان شاء الله
فانا رايح ان شاء الله
يخربيييييت كدة
مظاهراات تااني
كدة كتيير قوي
بجد بقي عايزين نشتغل
والله هانشحت لو استمر الحاال علي كدة وكل يومين مظاهرات
انا كنت مؤيد الصبح و شاركت بالتاييد بس قبل ما اسمع العاشرة مساء انهردة , بعد التغيير الوزارى و كلام بلال فضل بخصوص اجتماعهم مع الجيش و الكلام اللى قالوه للجيش و رد الجيش عليهم و تطمينهم فانا رايى نستنى اسبوع على الاقل يعنى محدش ينزل دلوقتى .اقتباس:
لو انا بس اللي على المنتدى قلت انا رايح ان شاء الله
فانا رايح ان شاء الله
كفاية بقى لحد كدة اكتر من كدة يبقى المظاهرات بقت فسحة و مالهاش أى معنى
يا ريت الاخوة غير المصريين لا يشاركوا في التصويت لانه خاص بأمر مصري
كفاية مظاهرات .وتعطيل وتضيع وقت لو عايزين نصلح نبقى نشتغل ونعمل حاجة ايجابية علشان مطالبنا كلها تتحقق
قال الفقيه الدستوري الدكتور يحيى الجمل، إنه قَبِل تولي منصب نائب رئيس مجلس الوزراء، في الحكومة الجديدة، والمقرر الإعلان عنها خلال يومين أو ثلاثة، من أجل أن تجتاز مصر المرحلة الصعبة التي تمر بها، على حد قوله.
وأضاف الجمل – في مداخلة هاتفية مع الإعلامية منى الشاذلي في برنامج ''العاشرة مساءً – أنه لا يسعى إلى مناصب ولا يرغب فيها، وإنما قبل من اجل الظروف الحالية، مشيراً إلى أنه جرى تغييرات في التشكل الوزاري الجديد منها إلغاء وزارة الإعلام.
ورفض الجمل ان يكون منصبه شرفي، مؤكداً أنه اختار عدد من الوزراء فى الحكومة الجديدة التى سيعلن عنها خلال 48 ساعة وستحلف اليمين الدستورية أمام المجلس الأعلى للقوات المسلحة.
وكشف يحيى الجمل اختيار محمد الصاوى وزير للثقافة، وجورجت قلينى وزيرة للمصرين بالخارج والوزير السابق أحمد جمال الدين وزير للتعليم العالي والتربية والتعليم، والدكتور عمرو عزت سلامة وزير للبحث العلمي، مشدداً على أهميته فى المرحلة المقبلة والدكتور هانى سليم الدين وزيرا للتجارة، ومنير فحرى عبدالنور وزير السياحة والخبير الاقتصادى جودة عبدالخالق وزير للتضامن
وعلم أيضا أن أحمد أو الغيط سيبقى في منصبه وزيراً للخارجية، فيما تم استبعاد المهندس سامح فهمي من منصبه كوزير للبترول، وكذلك وزيرة القوى العاملة والهجرة عائشة عبد الهادي.
ايه سبب وجود مظاهرة الثلاثاء يا دعاتها
الناس عايزه تعمل مظاهرات عشان الى كانوا ماسكين نظام الفساد الى هما( جمال وصفوت وسرور وزكريا عزمى) لسه بيعملوا الى هما عايزينه ومقدمين العادلى كبش فداء لافعالهم+ استمرار امن الدوله فى الجرائم الى بيعملها+ الحكومه القديمه الى مش مقبوله..
وزى ما نصح دكتور فاروق الباز بالضبط قال مبارك وشلته وكل الناس الى من جيلهم لازم يمشوا...
النهارده فى تغيير فى الحكومه ودا حاجه كويسه اكيد هيستنوا كلام من القوات المسلحه .. انا متاكد ان قبضوا على الناس دى واتعاملوا مع امن الدوله كويس محدش هينزل..
غير كدا يبقى لازم ينزلوا ورأى الشخصى مينفعش يبقى اعتصام لو هيتعمل يبقى يوم زى جمعه النصر كدا وخلاص
خلوها الجمعه زي المنبه
بلاش وسط الاسبوع
لأ طبعا لأن ده إسمه ضياع وقت ومجهود وإستفاذ للطاقات وتعطيل حركة الإنتاج
انت متوقع عصابه قائدها صفوت الشريف هسمحوا ان الخرفان دى تقول عليهم كلمه .. دا هيقتلوهم قبل ما حد يفتح بقه
والعادلى اصلا فى السجن متهم بسرقه اراضى واختلاس اموال..يعنى لم توجه له اى تهمه قتل متظاهرين لحد دلوقتى
وبعدين الجيش مش مستنى العادلى يفتن على العصابه دى دا الناس كلها عارفه ان هما الى ورا كل البلاوى.. والجيش عارف كويس كل واحد فيهم عمل ايه ومع ذلك العالم دى ولا كانهم فى المصيف وبيمارسوا اعمالهم من تحت لتحت كمان... يعنى استهبال رسمى ومفيش حاجه هتحصل كالعاده الا ما الناس تتحرك للشارع تانى
الساعة 3 و26 دقيقة فجر الاحد
الرافضين 37
الموافقين 19 تراجع منهم الاستاذ som3aa بعد التعديل الوزاري وانضم للرافضين ليضبح التصويت الصحيح
الرافضين 38
الموافقين 18
كرآي شخصي, انا افهم ان الجيش هو الي ماسك البلد, و انا لو موثقتش في الجيش, المفروض اثق في مين بالظبط؟!!!!!
لكن كفكر عام, الي عايز ينزل مظاهرات, هو حر, بس الحرية مسؤلية, ميجيش في وسط الاسبوع و يسد وسط البلد, في ناس بتحاول انها تشتغل و تسند الاقتصاد بدل ما ينهار, فيوم الجمعة اجازة انزل بالاعداد الي تشوفها.
يا جماعه المظاهرات دى وقعت اكبر منصب فى الدولة ف مش هاتقف عند حد !!!
انا مضطر وبقول مضطر اننا نستنى شوية وبلاش مظاهرة ضد شفيق
خصوصا بعد التعديلات الاخيرة
ولاكن تعامل شفيق بنفس غباء النظام المخلوع فى التعامل مع بعض الامور زي وجود بعض الوجوده الكريه في وزارتة والتي تحوم حولها الشبهات هو اللي دفع الناس لعدم الامان له
يعنى تعامله بنفس البطء بتاع استاذه هو اللي وصل الناس لعدم الثقة
ومع ذلك بقول نستنى شوية ونسيب الامور تمشي مع الترقب الحذر وعدم الاطمئنان الكامل
انا متوقع ان هيكون فى بيان للجيش بكره.. المره الى فاتت ممنعش الناس وسمحلهم بالمظاهرات ووزع عليهم اعلام كمان.. المره دى شكلهم من رسائل الموبايل ممانعين..يمكن يكونوا شغالين مع العصابه فعلا وامن الدوله...
نشوف بيانهم وهيتكلموا عن امن الدوله والعصابه ولا لأ وبعد كدا يبقى فى قرار تتعمل مظاهره ولا لأ.... انا صوت بنعم فى الاستطلاع ودا رأى الا لو الجيش عمل جديد بكره او رفض الموضوع بشكل قاطع
.................. منقول ......................
شهود: عودة الهدوء لمدينة السويس المصرية بعد مقتل امرأة تحت دبابة
أضف هذا الموضوع على مواقع أخرى
2011/2/21 الساعة 4:12 بتوقيت مكّة المكرّمة
السويس (مصر) (رويترز) - قال شهود عيان إن الهدوء عاد يوم الاحد إلى مدينة السويس المصرية بعد ساعات من مقتل امرأة تحت دبابة وقيام شبان غاضبين لمقتلها برشق قوات الجيشبالحجارة.
وقال شاهد إن قائد الجيش الثالث الميداني اللواء صدقي صبحي السيد أبلغ الشبان الغاضبين عبر مكبر للصوت باجراء تحقيق في الحادث واحالة المتسبب فيه الى محاكمة عسكرية..
وأضاف الشاهد أن السيد قال انه "سيسمح لاهالي المتوفاة بحضور المحاكمة."
وكان العشرات من سكان مدينة السويس توجهوا الى منطقة ارتكاز لقوات الجيش في المدينة مطالبين باطلاق سراح ثمانية من ذويهم ألقى الجيش القبض عليهم قرب ميناء الادبية الذي يبعد نحو 30 كيلومترا عن السويس لمشاركتهم في احتجاج.
وقال شاهد ان قوات الجيش حاولت تفريق المتجمهرين وان دبابة دهست المرأة.
وتابع أن أقارب المرأة اتهموا قائد الدبابة بقتلها عمدا. لكن ضابطا قال لشاهد اخر ان "الحادث قتل خطأ."
وقال الشهود ان قوات الجيش أطلقت النار في الهواء في محاولة لتفريق الشبان الغاضبين قبل أن يأتي قائد الجيش الثالث الميداني ويتحدث اليهم.
وقالوا ان الاشتباكات تجددت في مستشفى السويس العام الذي نقلت اليه جثة المرأة حين حاول أقاربها اخراجها عنوة لدفنها.
وانتشرت قوات الجيش في القاهرة ومدن مصرية أخرى أواخر الشهر الماضي بعد اختفاء قوات الشرطة عقب مواجهات تخللت احتجاجات الغضب التي أدت الى تنحي الرئيس حسني مبارك قبل عشرة أيام.
وحافظ المحتجون والجيش على علاقات طيبة بينهم لكن شكوكا ثارت في أن الجيش يقف على الحياد بين المحتجين والحكومة.
ويوم السبت قال المجلس الاعلى للقوات المسلحة الذي يحكم مصر منذ تنحي مبارك انه لن يسمح باستمرار الاحتجاجات الفئوية التي تفشت في البلاد منذ أكثر من أسبوع مشددا على أنها تضر بالاقتصاد.
لا اؤيد يوم التلات و اؤيد و بشده انها تبقى مليونيه و فى جميع المحافظات كل يوم جمعه و ده لعده اسباب
اولا ان الناس البسيطه تقدر تشوف اشغالها طوال الاسبوع و تطلع يوم الاجازه(و اقصد بالبسيطه اللى بتجرى على رزقها و لا تهتم الا بلقمه العيش) و بالطريقه دى نتقى شر عداوتهم و يا سلام لو جم فى صفنا
ثانيا فرصه التجمع بعد صلاة الجمعه تبقى اكبر بكتير
و اقصد بالمظاهرات التذكير بالن الشعب قائم وراء مطالبه و لن ينام عنها
ثالثا ان الابطاء فى تنفيذ مطالب الثوره ليس كله سيئ بل رب ضره نافعه
رابعا اعطاء فرصه للمجلس العسكري بتنفيذ الطلبات و لكن فى نفس الوقت تحت ضغط الشارع عليه
و اخيرا اتمنى عدم توقف المظاهرات الى ان تنتقل السلطه الى حكومه مدنيه برلمانيه يرضى عنها الشعب
يعني طلع الكلام صح ولا إيييه؟؟؟
http://www.nilemotors.net/Nile/202582-a.html
يا ريت الناس المؤيدة تشوف العاشرة مساءا و بلال فضل قال اية .. على فكرة بلال من اكتر المتخوفين و المشككين و معنى انة يطلع منة الكلام دة يبقى خير انشاءالله و المفروض نستنى شوية و نديهم فرصة .
خلاص بقت المظاهرات هى لغه التحوار !!!!
كفايه مظاهرات وخلينا شويه متحضريين ,,,طالما اصبح هناك ناس بتنصت جيدا لمطالبنا فى لماذا لم نتحدث معهم ونتحاور؟؟؟
بلاش تدمرو الصوره الحلوه اللى خدها العالم عننا
بتكرار المظارهات اصبحنا مثل نظام مبارك الفاسد
أحمد شفيق تانى اكبر مكاسب للثوره بلاش تضيعوه من ايديكم
اه لو تعرفو مدى اهميته ومدى احترام وتقدير الناس له فى اوروبا عاما و انجلتر خاصا حيث كان عملى هناك
هذا الرجل على مستوى الادارى والاقتصادى والاخلاقى سمعته ممتازه عند الانجليز
كنتم فكرتو الف مره قبل اى مظاهره ضد هذا الرجل الفوق الممتاز
بدل ما تعملو مظاهره ضد هذا الرجل اعملو مظاهره ضد المبانى المخالفه وتبوير الاراضى الزراعيه
ضد التكاسل فى العمل
ضد اللامبالاه
ضد المظاهرات العفويه وتفضيل المصالح الشخصيه على المصلحه العامه
مع اني من اكبر المؤيدين للثورة و استمرارها لحين تحقيق المطالب التي تضمن تعديل الحياة السياسية و الاقتصادية و الاجتماعية في مصر
الا ان مظاهرة مليونية يوم الثلاثاء و وقف حال البلد تاني في وسط الاسبوع مش محبذ نهائيا و ممكن يكون ليه نتائج عكسية كبيرة و اولها ان احنا نفقد تضامن ناس كتير من اللي حالهم بيقف و بيتاثر بمظاهرات ميدان التحرير و ثانيا و دا الاهم ان احنا ممكن نفقد تعاون الجيش معانا لان احنا بنوقف حال البلد في وسط الاسبوع
فا كفاية اوي يوم الجمعة و خاصة مع وجود خطوات ايجابية من ناحية التعديل الوزاري و التحقيقات و البلاغات و تعديل الدستور يبقى نستنى من الجمعة للجمعة و نشوف اللي اتحقق ايه و اللي ناقص ايه و نطالب بيه
لو انتم صحيح بتحبو البلد ديه
حاول تبنوها وحاولو توقفو الخساير اللى كل يوم بتزيد اللى فى الاخر هتاثر عليك وعليا علينا وعلى حتى رغيف العيش اللى بيستناه الفقير البسيط
هل هذه هى الديمقراطيه التى تنادون بها؟؟؟؟؟؟؟!!!!
الديمقراطيه التى تنادون بها التى بها كل مطلب بالمظاهرات ليس لها اى علاقه بالديمقراطيه الموجوده فى العالم المتحضر
( تأمرون الناس بالبر وتنسون أنفسكم)
سبحان الله
لو كان عندك فيلا وحاطط حارس عليها بره وفجاه الحارس ده بقي مسول عن كل حاجه بره الفيلا وجواها وانت قلتلها انا عايزك تظبط الدنيا قالك من عنيا الجوز وصوابعي اللوز
ومكملتش ساعتين زمن ورحتله تلقه مظبتش الدنيا ليه وبعدها كل ساعه تروحله
هل تعتقد انه هيعرف يعمل حاجه منك؟
طيب لما كل شويه تلمله شوية ناس وتعمله مظاهره هيفرح بيك؟ هيشوف شغله؟ ولا هيضطر يخلي باله من المظاهره وده بيعطله؟
ياجماعه عايزين نفوق شويه عشان مش كل الناس معاها فلوس في ناس قعدت في البيوت مش لاقيه فلوس تصرف بيها
الناس اللي عايزه تقيل حكومه شفيق طيب لما تقيلوها ويجيبو واحده تانيه هتعملو ايه؟
مظاهره ترليونيه عشان تقيلو الجديده؟
انا مستغرب قوي للي بيجصل وخصوصا بعد تنحي مبارك مكملناش يومين ولاقي الناس طالعه تقول ليه الدنيا متغيرتش
هو اللي حصل في 30 سنه عايزينه يتظبط في شهر ؟؟
الجيش بدا يغير لهجته ولو قفش هتبقي قفشته وحشه واسود من الشرطه مليون مره