نوارة نجم: مليونية الثلاثاء... شفيق يا راجل لازم يرحل

**eman_2404** · 21-02-2011 01:30 AM

بلال فضل لمنى الشاذلي: ملف ثروة مبارك مفتوح بالفعل وغير مسكوت عنه

أكد الكاتب الصحفي والسيناريست بلال فضل أن هناك تطمينات كبيرة بأن ملف ثروة الرئيس السابق محمد حسني مبارك مفتوح فعلا، وغير مسكوت عنه كما روجت بعض التقارير الإعلامية، مؤكدا أن القوات المسلحة مصممة على السير قدما في طريق الإصلاح ومكافحة الفساد.

وقال فضل في تصريحات تليفزيونية للإعلامية منى الشاذلي في برنامج العاشرة مساءا، بعد لقاء جمع عددا من المثقفين بقادة المجلس الأعلى للقوات المسلحة عقد اليوم الأحد، إن بعض الأنباء لا تعلن نظرا لحساسية الوضع، لكن المجلس طمأن الجميع بأن الأمور تسير في الاتجاه الصحيح.

وأضاف فضل: الضمانة الحقيقية للإصلاح أن يبقى اتحاد الشعب والجيش، لأن الشعب سيتعرض لخديعة كبرى لو استطاع فلول النظام إسقاط شعار "الشعب والجيش أيد واحدة".

وأعلن فضل أن رئيس جهاز أمن الدولة حسن عبد الرحمن تمت إقالته من منصبه.

http://www.shorouknews.com/.......Data.aspx?id=393570

هو قال الكلام ده النهاردة فى حلقة العاشرة مساء انا حاولت ادور عليها عشان انزلها بس ملقيتهاش قال كلام مهم جدا وبصراحة كلامه اللى قاله كان مطمئن جدا الواحد اليومين اللى فاتوا كان قلقان وهو بيسمع عن الثورة المضادة بس الحمدلله هو قال انهم سألوا الجيش فى النقطة دى بصراحة والجيش قال ان زمن مبارك انتهى ياريت لو حد يعرف يجيب الجزء ده من الحلقة ينزلوا عشان قال كلام مهم جدا

**heshamzaky** · 21-02-2011 01:31 AM

المشاركة الأصلية كتبت بواسطة amado ibrahim

انا اكدت ان فيه ناس اضررت

زى معلمونا زمان فى الاقتصاد

كل اختيار يقابله تضحية

وربنا تحدث عن مثل هذا الضرر المتوقع فى سورة التوبة

قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللَّهُ بِأَمْرِهِ وَاللَّهُ لاَ يَهْدِي الْقَوْمَ الْفَاسِقِينَ

وكمان الرسول الكريم والصحابة تعرضو لمثل هذا الضرر

عندما حوصرو 3 سنوات فى شعب ابى طالب حتى اكلو ورق الشجر

تقبل تحياتى

مع كامل أحترامى بس لما الكفار حاصرو المسلمين فى شعاب أبى طالب دة كان لسبب أخر دة كان لمحاربة المسلمين . أنما لو مسلم بيضر مسلم اخر علشان وجهت نظرة أنة يغير مجموعة وزراء يبقى الوضع مختلف المقارنة مش زى بعضها . فى حين ان الوزارة بالفعل سيتم تغير جزء كبير منها بالفعل خلال يومين

**amado ibrahim** · 21-02-2011 01:37 AM

المشاركة الأصلية كتبت بواسطة otefa

عندك حق والله بس فيه ناس كتيرة عايزة نموذج أحمد رابسو
يقلقو لما يلاقو واحد محترم وشيك وذو أسلوب مهذب وعقل متفتح
ده غير الأهم رجل أفعال وليس أقوال

رجل افعال لا اقوال

مييييييييييييين الراجل ابو موتوسيكل

اللى راكب الموتوسكل بتاعه من ساعة ما مسك الوزارة وعمال يلف على القنوات الفضائية

يخبط هنا تصريح

و يهبد هنا لقاء

و يفقع هنا بيان

و يفرقع هنا مقابلة

وكانها ماسورة تصريحات و انفجرت

و ياريتها تصريحات من النوع العادى

دى تصريحات من عينة برقبتى

و تانى يوم الجمال تهاجم

لا مساس

وتانى يوم الشباب يتقبض عليهم

ده غير موضوع البونبون والشكولاته

وخد من ده كتير

انما افعال

لغاية دلوقتى مفيش

بيوعد

و يصرح

ويتكلم

و يقابل

انما لغاية دلوقتى كلها قصور على الرمال

وربنا يستر من نتائج وعوده (محنا مجربنها قبل كده بامارة الجمل و الشباب اللى مقبوض عليهم)

لغاية دلوقتى فعليا

الراجل ابو موتسكل
رجل اقوال لا افعال

والدليل: دم الشهيد

دم الشهيد

دم الشهيد

دم الشهداء بيطالب بالقصاص العاجل

دم الشهداء بيطالب بالقصاص العاجل

دم الشهداء بيطالب بالقصاص العاجل

دى اولوية اى حكومة

فبل الوعود والتصريحات البراقة

واخيرا
تقبل تحياتى دون اوتيفا

**medo_2060** · 21-02-2011 01:46 AM

المشاركة الأصلية كتبت بواسطة heshamzaky

الزميل الى كان كاتب خراب أكيد اهلة او هو شخصيا انضر فى عملة و كلمة خراب يعنى الناس الى شغالة موظفين تضررو جدا جدا جدا و الى مسؤل عن اسرة لقى شغلة بيقولة تخفيض الى 30 بالمائة و شركات أخرى تخفيض 50 بالمائة من مرتبة يبقى كدة هو حل علية خراب . سيبك من أحمد عز و الناس دى و الحاشية الفاسدة دول مليونيرات أساسا أحنا بنتكلم عن غالبة الناس العادية الى تضررو هو لما مصدر رزقة يلاقية بيروح و مفيش فى بيتة 10 جنية مش حا يقولك تحيا الثورة لآ الناس كلها لازم تعرف أن فية شرائح كثيرة جدا جدا جدا تضررت و لو فضلنا ماشين بمبدا المظاهرات و وقف الحال يبقى هو دة الضرر الحقيقى

كلنا حصلنا ضرر يا استاذ هشام.. وعايز اقول بس ان دى ثوره وثوره شعب يعنى الكل لازم يشارك..
ولازم هيكون فى اوقات صعبه عشان كدا بنقول كلنا نتحد ونساعد بعض..
مش الى راتبه قل ولا نام جعان يومين يقول كدا..
دا فى ناس ضحت بحياتها عشانا جميعا.. عندك اغلى من حياتك؟
والناس الى ماتت دى عملت كدا عشان نكمل الطريق ونعمل الى هما عايزينه مش نعملهم نصب تذكارى ونسيب البلد زى ما هى..
دى مش طلعه سفارى فى النص واحد يقول لأ فلوسى خلصت مش هكمل..
انا على فكره خريج جديد وكان المفروض استلم شغل خلاص بدايه شهر 2 فى شركه محترمه جدا وكنت ظبطت نفسى كلمونى قالوا مش هناخد ناس دلوقتى خالص.. اشتم بقى فى الثوره عشان خسرت وظيفه وغيرى خسر حياته وخسرها عشانى كمان وعشانا كلنا...
وبعدين مع احترامى الناس الى بتنتقد دايما تسمع كلام الحكومه الى هو الفعل(لانهم اعودوا على كدا بقالهم 30 سنه) وتطنش وتيجى لرد الفعل بتاع التظاهرات وتفتح فى الكلام والانتقاد والشتايم وياما سمعنا كلام...
هو يعنى الحكومه لو بتستجيب للمطالب ومابتلفش وتدور الناس دى هتفضل قاعده كدا... يعنى طول عمرها الحكومه بتسرق ولاحد فتح بقه..دا المناوى الى محسوب عالحكومه بيقول ان خسائر البلد دلوقتى 350 مليون يوميا وقبل الثوره كان الفساد بيخسرنا 750 مليون !! على رأيه يعنى احنا بوقف الحال دا كسبانين...
ثم معدش فى اعتصامات يعنى لو عملوا مظاهره الثلاثاء( الى هما بيعملواها لاسباب منطقيه مش رايحين يزوروا التحرير عشان وحشهم) هيكون يوم لحد بليل زى جمعه النصر وكله بالتعاون مع القوات المسلحه...
كل خطوه كانوا بيعملوها كانوا المنتقدين ضدها وفى الاخر بيتضح انهم كانوا صح وبيعملوا لمصلحه البلد كلها ...
فى النهايه فى اغنيه اسمها صوت الحريه فيها كلمات معبره جدابتقول:
الجوع مبقاش بيهمنا
أهم حاجة حقنا
ونكتب تاريخنا بدمنا
لو كنت واحد مننا
بلاش ترغي وتقول لنا
نمشي ونسيب حلمنا
وبطل تقول كلمة أنا

**otefa** · 21-02-2011 01:54 AM

المشاركة الأصلية كتبت بواسطة eman_2404

بلال فضل لمنى الشاذلي: ملف ثروة مبارك مفتوح بالفعل وغير مسكوت عنه

أكد الكاتب الصحفي والسيناريست بلال فضل أن هناك تطمينات كبيرة بأن ملف ثروة الرئيس السابق محمد حسني مبارك مفتوح فعلا، وغير مسكوت عنه كما روجت بعض التقارير الإعلامية، مؤكدا أن القوات المسلحة مصممة على السير قدما في طريق الإصلاح ومكافحة الفساد.

وقال فضل في تصريحات تليفزيونية للإعلامية منى الشاذلي في برنامج العاشرة مساءا، بعد لقاء جمع عددا من المثقفين بقادة المجلس الأعلى للقوات المسلحة عقد اليوم الأحد، إن بعض الأنباء لا تعلن نظرا لحساسية الوضع، لكن المجلس طمأن الجميع بأن الأمور تسير في الاتجاه الصحيح.

وأضاف فضل: الضمانة الحقيقية للإصلاح أن يبقى اتحاد الشعب والجيش، لأن الشعب سيتعرض لخديعة كبرى لو استطاع فلول النظام إسقاط شعار "الشعب والجيش أيد واحدة".

وأعلن فضل أن رئيس جهاز أمن الدولة حسن عبد الرحمن تمت إقالته من منصبه.

http://www.shorouknews.com/.......data.aspx?id=393570

هو قال الكلام ده النهاردة فى حلقة العاشرة مساء انا حاولت ادور عليها عشان انزلها بس ملقيتهاش قال كلام مهم جدا وبصراحة كلامه اللى قاله كان مطمئن جدا الواحد اليومين اللى فاتوا كان قلقان وهو بيسمع عن الثورة المضادة بس الحمدلله هو قال انهم سألوا الجيش فى النقطة دى بصراحة والجيش قال ان زمن مبارك انتهى ياريت لو حد يعرف يجيب الجزء ده من الحلقة ينزلوا عشان قال كلام مهم جدا

المشاركة الأصلية كتبت بواسطة amado ibrahim

رجل افعال لا اقوال

مييييييييييييين الراجل ابو موتوسيكل

اللى راكب الموتوسكل بتاعه من ساعة ما مسك الوزارة وعمال يلف على القنوات الفضائية

يخبط هنا تصريح

و يهبد هنا لقاء

و يفقع هنا بيان

و يفرقع هنا مقابلة

وكانها ماسورة تصريحات و انفجرت

و ياريتها تصريحات من النوع العادى

دى تصريحات من عينة برقبتى

و تانى يوم الجمال تهاجم

لا مساس

وتانى يوم الشباب يتقبض عليهم

ده غير موضوع البونبون والشكولاته

وخد من ده كتير

انما افعال

لغاية دلوقتى مفيش

بيوعد

و يصرح

ويتكلم

و يقابل

انما لغاية دلوقتى كلها قصور على الرمال

وربنا يستر من نتائج وعوده (محنا مجربنها قبل كده بامارة الجمل و الشباب اللى مقبوض عليهم)

لغاية دلوقتى فعليا

الراجل ابو موتسكل
رجل اقوال لا افعال

والدليل: دم الشهيد

دم الشهيد

دم الشهيد

دم الشهداء بيطالب بالقصاص العاجل

دم الشهداء بيطالب بالقصاص العاجل

دم الشهداء بيطالب بالقصاص العاجل

دى اولوية اى حكومة

فبل الوعود والتصريحات البراقة

واخيرا
تقبل تحياتى دون اوتيفا

ده الرد يادون أمادو وموضوع الجمال أتناقشنا فيه قبل كده في موضوع تاني
تحياتي

**amado ibrahim** · 21-02-2011 02:00 AM

المشاركة الأصلية كتبت بواسطة heshamzaky

مع كامل أحترامى بس لما الكفار حاصرو المسلمين فى شعاب أبى طالب دة كان لسبب أخر دة كان لمحاربة المسلمين . أنما لو مسلم بيضر مسلم اخر علشان وجهت نظرة أنة يغير مجموعة وزراء يبقى الوضع مختلف المقارنة مش زى بعضها . فى حين ان الوزارة بالفعل سيتم تغير جزء كبير منها بالفعل خلال يومين

ما هى دى المشكلة

الشعب كله بيطالب بالقصاص العاجل لدم الشهداء

و دول فاهميين انهم طالعين عشان الوزير مش عاجبهم

الفجوة اللى بين الشعب والحكومة كبيرة

مش قادرين يحسو بمطالب الناس

تحب ااكد لحضرتك

لسه الفريق احمد شفيق قايل 3 جمل زى الفل امبارح

1- انا مكنتش اعرف ان مطالب الناس كده ( بقاله كام اسبوع ولسه معرفش)

2- انا يهمنى دولاب العمل يمشى
( و كأن دم الشهيد ملوش اهمية دولاب العمل)

3- انا بنفذ اللى مقتنع انه صح أى كان رأى الناس

( و كأن مطالب الناس بالقصاص العاجل لدماء الشهداء مش صح)

**osama_ruan** · 21-02-2011 02:04 AM

[QUOTE=otefa;3873300731]طالعة تطالب بأقالة شفيق ده ألي منتشر في كل مكان
ها أقول لحضرتك ليه مراهقة سياسية لما تصعب الأمور وتدي أحساس للجيش بالتحدي ولوي الذراع ده أكيد رؤية أحادية للمطالب فقط وألي وعد الجيش بتحقيقها وبدأ في تحقيقها
أنت عارف معناها أيه لو حسسنا الجيش بأحاسيس ضاغطة بالشكل ده(ماهو شفيق من أختيارهم لحكومة التسيير) ها قول لحضرتك على الأحتمالات من وجهة نظري
1-يوافقو ويقيلو شفيق...........وأنا وناس كتيرة غير موافقين على كده وهاتبقى قمة الديكتاتورية من المتظاهرين عايزين تتأكدو من كلامي أعملو أستفتاء شعبي رسمي
2-مايوفقوش ........يبقى المتظاهرين قاعدين في الميدان الى مالا نهاية وده مالا يمكن قبوله لا من الشعب ولا من الجيش
3-أحكام عرفية وصدقني لو حصل الشعب مش هايكون سعيد أبدا أنه وصلو الأمور للدرجة دي
ليه مصممين تقامرو بالوصلة ألي مابينا وبين الجيش الحليف الوحيد للشعب حاليا
عندك حق وياريت اخونا يعرفو انهم مش لوحدهم وان في ناس بالملاين مش موافقة علي كدة وياريت يبقي في وسيلة نشوف بيها اراء الناس فعالة ولو علي النت وناخد الاارء علشان كل واحد يعرف اراء غيرو وانو مش لوحدو الي بياخد قرارات مصيرية

**otefa** · 21-02-2011 02:05 AM

أ.medo_2060
معلوماتك غير دقيقة ودي في حد ذاتها حاجة ما طمنش مؤيد للمظاهرات يوم الثلاثاء ومش متأكد أنت هاتروح ليه وأيه الأهداف وهاتقعدوا قد أيه ده كلام برده
-------------
منقول من جبهة التهييس ده أسم والنبي يليق بحدث عظيم زي الثورة أنا رادي ذمتكم

مليونية الثلاثاء حنروح ونفضل قاعدين لحد ما يحصل الآتي
شفيق يمشي، بحكومته وكل رموز الحزب الوطني
عمر سليمان يتسلم مدام الحكاية وصلت لأنه يبتدي يحرك مايكل منير وطفلة تتخطف وعايزين يعملوا لنا فتنة في البلد
زكريا عزمي يتسلم
مبارك واسرته يتقدموا للمحاكمة
دي مطالبنا، ومطالبنا لازم تبقى مسموعة بمليونية في الثلاثاء واعتصام اعتصام حتى يتحقق اللي احنا عايزينه
شفيق يدين بالولاء لمبارك
عمر سليمان مازال فاعلا وكل عملائه المعروفين انهم بيشتغلوا معاه من سنين ابتدوا يصحصحوا
زكريا عزمي متورط في فساد وما اتحاكمش
مش بس مبارك ما اتحاكمش ابنه ومراته جم وبيتصلوا بالمسئولين
وكما قال عزمي بشارة ابحث عن الانتهازيين
الانتهازيين صوتهم علي وبقوا يقولوا كلام مش لطيف، زي مثلا صابر عرب رئيس الهيئة العامة للكتاب اللي قال: انا ما امرتش بازالة صورة سوزان مبارك من على الكتب

**amado ibrahim** · 21-02-2011 02:06 AM

المشاركة الأصلية كتبت بواسطة otefa

طالعة تطالب بأقالة شفيق ده ألي منتشر في كل مكان
ها أقول لحضرتك ليه مراهقة سياسية لما تصعب الأمور وتدي أحساس للجيش بالتحدي ولوي الذراع ده أكيد رؤية أحادية للمطالب فقط وألي وعد الجيش بتحقيقها وبدأ في تحقيقها
أنت عارف معناها أيه لو حسسنا الجيش بأحاسيس ضاغطة بالشكل ده(ماهو شفيق من أختيارهم لحكومة التسيير) ها قول لحضرتك على الأحتمالات من وجهة نظري
1-يوافقو ويقيلو شفيق...........وأنا وناس كتيرة غير موافقين على كده وهاتبقى قمة الديكتاتورية من المتظاهرين عايزين تتأكدو من كلامي أعملو أستفتاء شعبي رسمي
2-مايوفقوش ........يبقى المتظاهرين قاعدين في الميدان الى مالا نهاية وده مالا يمكن قبوله لا من الشعب ولا من الجيش
3-أحكام عرفية وصدقني لو حصل الشعب مش هايكون سعيد أبدا أنه وصلو الأمور للدرجة دي
ليه مصممين تقامرو بالوصلة ألي مابينا وبين الجيش الحليف الوحيد للشعب حاليا
تقبل تحياتي

الموضوع مش بالصورة دى

الناس عارفة ان القيادات الكبرى واقعة تحت ضغط من القيادات الصغرى ( ما دون لواء)

و ان القيادات الصغرى ( ما دون لواء) متوافقة مع مطالب الشعب تماما

لذلك بتمارس نوع من القوة الناعمة ( وليس لى الذراع ) فى ضغطها

و الايام اثبتت فاعلية هذة القوة

الدليل : قصة حفظ التحقيق مع الرائد احمد شومان

انها لعبة توازنات قوى

كلها بتصب فى مصلحة الشعب

فالشعب و الجيش ايد واحدة

تقبل تحياتى

**heshamzaky** · 21-02-2011 02:09 AM

المشاركة الأصلية كتبت بواسطة amado ibrahim

ما هى دى المشكلة

الشعب كله بيطالب بالقصاص العاجل لدم الشهداء

و دول فاهميين انهم طالعين عشان الوزير مش عاجبهم

الفجوة اللى بين الشعب والحكومة كبيرة

مش قادرين يحسو بمطالب الناس

تحب ااكد لحضرتك

لسه الفريق احمد شفيق قايل 3 جمل زى الفل امبارح

1- انا مكنتش اعرف ان مطالب الناس كده ( بقاله كام اسبوع ولسه معرفش)

2- انا يهمنى دولاب العمل يمشى
( و كأن دم الشهيد ملوش اهمية دولاب العمل)

3- انا بنفذ اللى مقتنع انه صح أى كان رأى الناس

( و كأن مطالب الناس بالقصاص العاجل لدماء الشهداء مش صح)

مين قالك أن التحقيقات مش شغالة يا باشا و مين قال ان احمد شفيق نايم دة دينامو بس هو مش ماسك عصاية سحرية . لو الامن أستتب الدنيا حا تمشى مظبوط الاعمال حا تنتظم الشرطة ترجع تنزل فى ثوبها الجديد التحريات و التحقيقات تاخد وقتها و حقها علشان لما المحكمة تحكم يبقى حكم عادل مش حكم سريع علشان تهدى الراى العام و بس و لازم البحث وراء كل الخلايا و الفساد و دة منظومة كبيرة جدا جدا و لازم يجيبها من جذورها كل دة يتعمل ازاى لو الدنيا مش هادية . الشهداء طبعا لازم القصاص و قصاص عادل و هل تعلم أن النائب العام طلب ضبط و احضار 3 ظباط شرطة من الاسكندرية علشان التهم الموجة اليهم هل سمعت أن رئيس مباحث امن الدولة تمت اقالتة ز يبقى الدنيا شغالة و لازم الاعمال تسير مش نوقف الدنيا لغاية ما نشوف التحقيقات و عاوز اقول لحضرتك حاجة حاليا من يقوم بالتحريات على مستوى عالى جدا هو المخابرات العامة و الكلام دة اتنشر يبقى المفروض نسيب الناس تشتغل فى هدوء ولا نتعجل الامور علشان ما يبقاش فية كبش فداء و السلام . و فى نفس الوقت بيتم التحضير للوزارة و مرشح الرئاسة الجديد كل دة لازم يتعمل صح و الا العملية تبقى فوضى و قرارات غير سليمة تم أتخاذها تحت ضغط