نوارة نجم: مليونية الثلاثاء... شفيق يا راجل لازم يرحل

**amado ibrahim** · 21-02-2011 02:14 AM

المشاركة الأصلية كتبت بواسطة otefa

ده الرد يادون أمادو وموضوع الجمال أتناقشنا فيه قبل كده في موضوع تاني
تحياتي

الرد برده من القوات المسلحة

اللى هما فعلا رجال افعال مش اقوال(زى الراجل ابو موتوسيكل)

وده برده تقدر تفسره فى ضوء القوة الناعمة

الناس عارفة ان القيادات الكبرى واقعة تحت ضغط من القيادات الصغرى ( ما دون لواء)

و ان القيادات الصغرى ( ما دون لواء) متوافقة مع مطالب الشعب تماما

لذلك بتمارس نوع من القوة الناعمة ( وليس لى الذراع ) فى ضغطها

و الايام اثبتت فاعلية هذة القوة

الدليل : قصة حفظ التحقيق مع الرائد احمد شومان

انها لعبة توازنات قوى

كلها بتصب فى مصلحة الشعب

فالشعب و الجيش ايد واحدة

تقبل تحياتى دون اوتيفا

**otefa** · 21-02-2011 02:19 AM

(((الناس عارفة ان القيادات الكبرى واقعة تحت ضغط من القيادات الصغرى ( ما دون لواء))))
لا أعتقد بالمرة
أعمل أستطلاع هنا في المنتدى وشوف رأي الناس أيه في مظاهرات الثلاثاء
لا تراهن على مالست متأكد منه
--------------
((الرد برده من القوات المسلحة

اللى هما فعلا رجال افعال مش اقوال(زى الراجل ابو موتوسيكل)))
مش عارف والقوات المسلحة أيه وأحمد شفيق أيه........أزاي متخيل أنهم جهتين مفصولين عن بعض في المرحلة الحالية!!!!!!!!!!
----------
((الدليل : قصة حفظ التحقيق مع الرائد احمد شومان))

دي قصة تانية خاص ليها علاقة بالسيناريو ألي كنت كلمتك عليه قبل كده..................كادوه للشعب
تحياتي

**A.Saad** · 21-02-2011 02:57 AM

المشاركة الأصلية كتبت بواسطة hossaam

نفس الكلام هو هو....تثبيط وبوس ايد وش وضهر...وخلاص

نفس الكلام اللي اتقال بعد خطاب مبارك التاني...كفاية يا جماعة..ادوه فرصة...البلد خربت...

وكل مرة يثبت الشعب وتثبت الثورة انها اكثر حكمة وبعد نظر من هذه الاراء والمواقف التي لا تنظر الا تحت اقدامها...

اخوانا اللي مش عاجبهم الخروج..ما حدش بيجبر حد...ميدان التحرير هو اللي هيحدد الخطوة الجاية ومسارها

مش عارف ليه بحس ان فيه ناس بتطالب بالديمقراطية ومش هتطبقها على نفسها
كلامك اللى بتوصف بيه الراى الاخر بعدم وجود بعد نظر وتثبيط الهمة
هل تقبل الوصف ده يتقال عليك ؟؟؟؟؟؟؟؟؟؟؟

المشاركة الأصلية كتبت بواسطة hossaam

مع احترامي لحضرتك
ما دخل ما تقوله بمظاهرة يوم جمعة او غيره في ميدان التحرير...
مظاهرة او وقفة سلمية تؤكد على مطالب معينة بشكل محترم وتروح آخر اليوم!!!؟؟؟
انا مش شايف اني دي بتخرب البلد....!!!

اللي موقف البلد الاضرابات الفئوية اللي ما حدش عارف مين وراها...بالاضافة لغياب الشرطة...
اتمنى عدم خلط الامور

تحياتي لك

طول ما فيه مظاهرات
هيكون فيه تظاهرات فئوية
وطول ما فيه تظاهرات فئوية
هيكون فيه عدم استقرار اقتصادى
وكل ما عدم الاستقرار الاقتصادى بيحصل
احنا بنقع مش بنقوم

المشاركة الأصلية كتبت بواسطة amado ibrahim

انا اكدت ان فيه ناس اضررت

زى معلمونا زمان فى الاقتصاد

كل اختيار يقابله تضحية

وربنا تحدث عن مثل هذا الضرر المتوقع فى سورة التوبة

قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللَّهُ بِأَمْرِهِ وَاللَّهُ لاَ يَهْدِي الْقَوْمَ الْفَاسِقِينَ

وكمان الرسول الكريم والصحابة تعرضو لمثل هذا الضرر

عندما حوصرو 3 سنوات فى شعب ابى طالب حتى اكلو ورق الشجر

تقبل تحياتى

على فكرة
ما دمت حضرتك مش من اللى اضروا
مش هتحس بحاجة

المشاركة الأصلية كتبت بواسطة ahmed anwer

طيب دي قرارات حكومة تسيير أعمال ؟؟

دي قرارات واحد ناوي يبلط فيها

لو كلام حضرتك بمعنى انك مستغرب من قراراته
فمعتقدش انه لازم يكون حكومة بتعيش يوم بيومها
ولو خطط لاكتر من مدته مش عيب مادام عمله صح

**ahmed_oth** · 21-02-2011 10:14 AM

خلاص بقت المظاهرات هى لغه التحوار !!!!
كفايه مظاهرات وخلينا شويه متحضريين ,,,طالما اصبح هناك ناس بتنصت جيدا لمطالبنا فى لماذا لم نتحدث معهم ونتحاور؟؟؟

بلاش تدمرو الصوره الحلوه اللى خدها العالم عننا
بتكرار المظارهات اصبحنا مثل نظام مبارك الفاسد

أحمد شفيق تانى اكبر مكاسب للثوره بلاش تضيعوه من ايديكم
اه لو تعرفو مدى اهميته ومدى احترام وتقدير الناس له فى اوروبا عاما و انجلتر خاصا حيث كان عملى هناك
هذا الرجل على مستوى الادارى والاقتصادى والاخلاقى سمعته ممتازه عند الانجليز
كنتم فكرتو الف مره قبل اى مظاهره ضد هذا الرجل الفوق الممتاز

بدل ما تعملو مظاهره ضد هذا الرجل اعملو مظاهره ضد المبانى المخالفه وتبوير الاراضى الزراعيه
ضد التكاسل فى العمل
ضد اللامبالاه
ضد المظاهرات العفويه وتفضيل المصالح الشخصيه على المصلحه العامه

**meza** · 21-02-2011 10:25 AM

المشاركة الأصلية كتبت بواسطة otefa

الله ينور عليك
درأ الضرر مقدم على جلب المنفعة.....قاعدة أسلامية معروفة أعتقد مافيش 2 يختلفو عليه .......ربنا ينور بصيرة الناس لما فيه الصالح
يعني نضيف للقائمة ناس جديدة تمد أيدها وتستلف علشان المتظاهرين ينبسطو
مع العلم تم القبض وحبس الرأس الكبيرة في الداخلية يعني الناس بتثبت جدية وأحنا دمغنا وألف سيف لا نمشي الدنيا على مزاجنا بالملي

فكرونى كده يا جماعة ...

مش الكلام ده برضه اتقال قبل ما مبارك يمشى؟؟؟ ... و إننا هنموت من غير مبارك و مصر هتخرب و إلخ إلخ

التاريخ بيعيد نفسه ولا ايه و مبنتعلمش من اللى فات .. و مش فات من زمان ده مكملش أسبوعين!

**otefa** · 21-02-2011 10:58 AM

المشاركة الأصلية كتبت بواسطة meza

فكرونى كده يا جماعة ...

مش الكلام ده برضه اتقال قبل ما مبارك يمشى؟؟؟ ... و إننا هنموت من غير مبارك و مصر هتخرب و إلخ إلخ

التاريخ بيعيد نفسه ولا ايه و مبنتعلمش من اللى فات .. و مش فات من زمان ده مكملش أسبوعين!

ولو رجع بينا الزمن هاقول نفس الكلام
هو أيه الفرق بين قبل أستقالته وبعد أستقالته أنا عارف أن فيه ناس مش هايعجبه كلامي علشان هايفهموه زي ماحابين
ياريت تقولي أيه الفرق عمليا و من غير الشعارات؟
ربنا يهدي لنا الحال أن شاء الله

**heshamzaky** · 21-02-2011 11:14 AM

تصدقو يا جماعة لو الجيش قال أنة حا يتم القبض على أى متظاهر و التعامل معة بموجب القانون مش حا تشوفو لا مليونية و لا ألفية حتى و الله لو الجيش ذاع بيان زى كدة مش حا ينزل نفر يتظاهر . دة كلام و ساعت الجد مش حا ينزل حد بس الجيش ينزل بيان زى كدة و شوفو مين الى حا ينزل . الناس متحامية فى الجيش بصورة غير مباشرة بلاش أستفزاز للجيش حتى لا تقطع شعرة معاوية. الجيش بس ينزل بيان و تحذير و بعدين نشوف الكلام عن المظاهرة حا يبقى حقيقى و لا كلام بس

**devilishtigers** · 21-02-2011 11:15 AM

المشاركة الأصلية كتبت بواسطة otefa

ولو رجع بينا الزمن هاقول نفس الكلام
هو أيه الفرق بين قبل أستقالته وبعد أستقالته أنا عارف أن فيه ناس مش هايعجبه كلامي علشان هايفهموه زي ماحابين
ياريت تقولي أيه الفرق عمليا و من غير الشعارات؟
ربنا يهدي لنا الحال أن شاء الله

+1111111111111
مع حضرتك قلبا وقالبا

**تامر.محمد** · 21-02-2011 11:45 AM

المشاركة الأصلية كتبت بواسطة meza

فكرونى كده يا جماعة ...
مش الكلام ده برضه اتقال قبل ما مبارك يمشى؟؟؟ ... و إننا هنموت من غير مبارك و مصر هتخرب و إلخ إلخ
التاريخ بيعيد نفسه ولا ايه و مبنتعلمش من اللى فات .. و مش فات من زمان ده مكملش أسبوعين!

بالظبط
نفس الأسامي بتقول نفس الكلام
لا جديد

الموضوع: نوارة نجم: مليونية الثلاثاء... شفيق يا راجل لازم يرحل

LinkBack

أدوات الموضوع

عرض

-

-

-

-

المواضيع المتشابهه

انا اسف ياجماعه (شفيق فعلا لازم يرحل)

يا جماعة لازم شفيق يا راجل و حكومته بالذات وزير الداخلية يفضلوا صدقونى !!

هل تؤيد الدعوة لمظاهرة مليونية يوم الثلاثاء القادم ؟

بيقولوا فيه مظاهرة مليونية يوم الثلاثاء لإسقاط حكومة شفيق؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة