أنا إشتريت رينو لوجان 2011 وإستلمت ورقها كله

**ayman1204** · 22-02-2011 01:22 AM

على فكرة تقريبا معظم عربيات اللوجان كدة
نفس الحوار حصل معايا
بس انا خت بالى فى ساعتها وانا واقف وتم تغيره

**MOUSTAFA_SAAD** · 22-02-2011 07:49 AM

المشاركة الأصلية كتبت بواسطة faragelo

يا جماعه المرور اللى أنا تبعه رخم و مش متعاون

الزمن اتغير خلاص كله دلؤتى متعاون ولو حد زعلك روح اشتكيهم لمفتش الداخليه وحتاخد حقك

**faragelo** · 22-02-2011 09:18 AM

يعنى لازم أغير ورق العربية الأول من المعرض ويطلعلى شهادة بيانات ومبايعة و تخليص جمركى جديد بالرقم الصحيح ولا أروح المرور من غير الورق ده...أنا أسف يا جماعة على أسئلتى الكتير

**best2010** · 22-02-2011 09:54 AM

5 ج للراجل اللى بياخد البصمة كانت الأرقام هتبقى واضحة جداً والبصمة هتتاخد فى دقيقة واحدة ..

**faragelo** · 22-02-2011 11:41 AM

ما هو ده اللى حصل فى الأول.. هو أصلا مابصيش على العربية راح كتب البصمة من شهادة البيانات على طول...يعنى دلوقتى لازم أغير ورق العربية الأول من المعرض ويطلعلى شهادة بيانات ومبايعة و تخليص جمركى جديد بالرقم الصحيح ولا أروح المرور من غير الورق ده..

**cementman** · 22-02-2011 11:49 AM

المشاركة الأصلية كتبت بواسطة faragelo

ما هو ده اللى حصل فى الأول.. هو أصلا مابصيش على العربية راح كتب البصمة من شهادة البيانات على طول...يعنى دلوقتى لازم أغير ورق العربية الأول من المعرض ويطلعلى شهادة بيانات ومبايعة و تخليص جمركى جديد بالرقم الصحيح ولا أروح المرور من غير الورق ده..

بالظبط كده

**eng_abosalma** · 22-02-2011 11:55 AM

ربنا يكفيك شرها و يرزقك خيرها.....أنا موضوع رقم الشاسيه اللى مش ظاهر حصل معايا برضه

**zemanovaxxx** · 22-02-2011 12:19 PM

الموضوع نفسه حصل معايا, بس في رقم الشاسيه, ودي حاجة أسوأ من الموتورعلي فكرة عشان ممكن لو حد جه يشتري منك يعتقد إن العربية كانت عاملة حادثة كبير وإضطرتك لتغيير شاسيه العربية
كل اللي عملته إني استنيت لوقت التجديد, مع العلم إني كنت شاري قسط وكان لازم أجيب جواب من البنك وشركة التأمين وحوارات, وساعة الفحص قولتلهم يا جماعة الرقم الفلاني في غلط وصلحهولي فورا, بس إبقي فتح مخك معاهم شوية (يعني خمسة جنيه هنا ولا هنا مش هتضرك, وخللي بالك الكلام ده كان قبل الثورة قانون وعرف لابد من إتباعه)

متقلقش, ومش لازم تعمل حاجه دلوقتي,.خليها عند التجديد, والرقم ده مش هيفرق معاك غير عند البيـــــــــــــــــع فقط

**abofaress** · 25-02-2011 01:54 AM

الف مبروك علي السياره وانا شاريها من شهر و أنصحك تِروح المرور هذه الأيام لأنك أكيد هتلاقي أحسن معاملة بعد الثورة

**ahmedbakr50** · 25-02-2011 05:42 AM

أنا رأيى حضرتك هتروحلهم بالرخصة فورا ومتستناش وتقولهم إنت كتبتو الرقم غلط وإذا مش مصدقين يطلعو ملف العربية ويراجعو الأرقام ، عشان ال 3 سنين حضرتك هتعد قلقان
والمفروض الراجل إلى بيرفع البصمة يكون خد على العربية خلاص أكيد عدت عليه كتير
أنا لما رخصت 3 جنيه زى الفل والراجل مد إيده وطلع الرقم عشرة على عشرة
هيه غلطة إلى دخل البيانات على الكمبيوتر وتصحيحها سهل
وإن شاء الله خير