أنا إشتريت رينو لوجان 2011 وإستلمت ورقها كله

**faragelo** · 21-02-2011 01:11 PM

أنا إشتريت رينو لوجان 2011 وإستلمت ورقها كله..و روحت رخصت 3 سنوات بس كان فى مشكله أن لما الراجل اللى فى المرور جه ياخد البصمه بتاعت الموتور ما قدرش علشان الأرقام مش بارزه.. وبعدين راح واخد الرقم من شهادة البيانات ورخصت وكله تمام..بس لما روحت البيت و بصيت على رقم الموتور لاقيت انه مكون من 5 أرقام بس فيهم رقم غلط.. يعنى الموتور رقمه 35365 بس الرقم اللى فى شهادة البيانات و المبايعه و شهادة الافراج الجمركى و الخصة كان 35355 ..إيه العمل دلوقتى ؟؟ على فكرة أنا رخصت 3 سنين على الرقم الغلط

**faragelo** · 21-02-2011 02:32 PM

لو سمحتم حد يرد عليا

**tamer61** · 21-02-2011 02:55 PM

ألف مبروك وربنا يباركلك فيها و عموما يفضل تسألهم في المرور و يفضل تصحيح هذا اللبس من الآن علشان ما يعملكش قلق ساعة التجديد بعد 3 سنين.

**faragelo** · 21-02-2011 03:42 PM

مانا لما حاجى أرخص بعد 3 سنين مش حيعرف ياخد البصمه برده..بس لو بص على الموتور و قراها هيكتشف الرقم الخطأ ده..ياجماعة أنا قلقان حد يفيدنى بسرعة لو سمحتم

**Dr.Karim Emam** · 21-02-2011 10:43 PM

روح المرور و قولهم يصلحوها

**faragelo** · 21-02-2011 10:57 PM

يا باشا مهو المرور لما يجى يبص فى ورق العربيه ويطابقه باللى على الموتور حيلاقيه غلط

**babanesma** · 21-02-2011 11:29 PM

طب ما تروح المرور و احكيلهم و هما يصلحوها

**frhateg** · 21-02-2011 11:33 PM

1000 مبروك . و ربنا يديك خيرها و يكفيك شرها . آمين . معظم عربيات اللوجان فيها مشكله في بصمه الماتور . فياريت تروح المرور و تسألهم و تحاول معاهم انهم يصلحوا لك الرخصه علشان تبقي ماشي و انت مطمئن .