الموضوع: تجربتي لتغيير ترس المارش و جوان فرن الشكمان لشيري a11

المشاركة الأصلية كتبت بواسطة novo

السلام عليكم

تحية طيبه مليئه بالحرية و التفاؤل أوجهها لجميع مالكي هذه السياره المحترمه و أخص منهم أستاذ أحمد و أستاذ أمام

من فتره لاحظت اني عند الدواره يصدر صوت زي كحت و الازم أكرر العمليه عدة مرات حتي تتم عمليه الدواره...الامر الثاني هي اني فجأه بدأت أسمع صوت و كأن الشكمان مخروم بس من جهة الموتور.

كلمت أسطى محمد و شرحتله المشكلتين و قالي بسيطه تعالالي.
روحتله و غير ترس المارش و تمنه 100جم و غيرلي جوان الفرن اشتريته من صقر ب40جم و خد في الليله دي(شغل 4ساعات 60جم)

تحياتي
نوفو

المشاركة الأصلية كتبت بواسطة ahmed2801

وفى هذا السياق ماقابلتنيش مشكلة ف المارش الا الشربون وركب علية شربون النوبيرا.
وشكرا

تحية كبيرة للاستاذ نوفو وجميع مالكى الشيرى واخص بالذكر المهندس احمد شحاته وبعتذر للاستاذ نوفو لدخولى الموضوع متاخر - وفعلا زى المهندس احمد ما قال الواحد بيكون سعيد حد بيعرض مشكلة وطريقة حلها عشان كلنا نستفاد من تجارب بعض

بالنسبة لى روحت التوكيل من عشرة ايام تقريبا عملت صيانة ال 40 الف وخدو منى 490 جنيه بدون تغيير زيت وفلتر - فقط غيرو السيور والفلاتر والبوجيهات .

انطباعى عن التوكيل المرة دى ان محدش بيروح التوكيل خالص دلوقتى وكانت عربيتى الوحيدة وكنت جالس فى الاستراحة بمفردى حتى مرديوش يشغلو التكييف بحجة ان احنا لسة فى الشتاء المهم العربية طلعت بعد ساعتين تقريبا فى حالة يرثى لها الدركسيون عليه بصمات زيت وشحم والدواسات عليها بقايا شحم من الورشة عشان مبقوش يحطو الاكياس بتاع الصيانة الى بيحطوها على الكراسى والدواسات الكرتون . بس بصراحة غسلو العربية من برة اى كلام يعنى - يشكرو على كل حال - ودى اول مرة يعملوها .

اما العربية لما طلعت لقيت الدبرياج تقل مش عارف لية زى ما انا متعود عليه - بعد ما كنت خرجت اطريب ارجع لهم تانى وبلغت المهندس عنتر قالى احنا معملناش فيه حاجه قلتله يعنى انا هكذب عليك ليه المهم بعد شد وجذب دخل العربية تانى وطلعهالى اسوة من الاول والسوسته ضعيفة فى بداية مشو ار الدواسة بصراحة من زهقى خذت العربية ومشيت . وعملتها عن الاسطى عادل فى المعادى ومخدتش منه 5 دقائق وخذ عشرة جنيه بس زبط الرجلاش وخلاص على كدة

الانطباع بتاعى عن التوكيل انا كنت متردد وانا رايح وقولت اجرب المرة دى وطلعت بنتيجة انى مروحش تانى غير انى اشترى قطع غيار لو مش موجودة برة .

وتحياتى لحضراتكم جميعا