الموضوع: تجربتى الأولى للقيادة

السلام عليكم
أنا عضوه جديدة رحبوا بي
وحبيت أحكي لكم عن أول تجربة قيادة حتى أتعلم من عباقرة المنتدى والسواقين المهرة
من أيام ربنا كرمنى وأشتريت هيونداى أكسنت علشان زحمة المواصلات ورغم انى معايا رخصة من سنة تقريبا وعملتها مش بواسطة رحت مدرسة تعليم القيادة اللى فى بين السريات غششونى سؤال السواقة ورحت وامتحنت ونجحت وخدت الرخصة وأنا مبعرفش أسوق نروح للمهم
بعد ما جبت العربية من أيام عايزة أطلع بيها وأفرح
لاقيت نفسى خايفة جدا من السواقة صاحبتى طلعت معايا امبارح بالعربية وخليتنى سوقت شوية
رحت قررت النهاردة أطلع بيها لوحدى !!!!!!!!!!!!!!
رحت الجراج ودورت وسخنت العربية وطلعت وجمدت قلبى وأتشهدت الصعوبات اللى قابلتى هى
فرامل اليد تقيلة جدا بضغطت عليها بأيديا الاتنين
المطبات من أكبر المشاكل اللى قابلتنى لأنى لما بهدى العربية بتبطل منى على المطب لأنى كنت بدوس دبرياج وفرامل قبل المطب بس مكنتش بمور العربية بتهيألى علشان كده كانت بتبطل وتترجرج جامد جدا . مشكلة تانية معايا الرجوع للخلف ضايعة فى خالص مبعرفش أجيب الدركسيون أزاى سوقت تقريبا نص ساعة أو أكتر شوية ورجعت وركنت فى الجراج كان فاضى علشان كده ركنت بسهولة
وجرجت من العربية وكأنى كنت بحارب عرقانه وتعبانه وألم فى جسمى كله من المجهود العصبى وقلت ياريتنى ما جبت عربية.
دى الحكايه كلها أرجو من الجميع أن يساعدنى نفسى أتعلم السواقة كويس

المشاركة الأصلية كتبت بواسطة mr_vampire

مابلااااااااااااااااااااا ااااااااااش.

بلاش تطلعي بيها لوحدك افضل اليومين الاولي. وبعدين ممكن تنزلي بالليل خالص متأخر بس يكون معاكي حد وتتمشي فشوارع المحروسة عشان تتعاملي والدنيا فاضية وتعرفي الطرق وبعد كدة برده حد ينزل معاكي كذا مرة فالنهار.

وبعدين جمدي قلبك كل حكة او خبطة ( لا قدر الله ) بتعلمك درس. بس بلاش ارواح الله يكرمك احسن هيقولو عليكي انتي من النظام السابق وكلام كبير.

حلوه حكاية بلاش أرواح والنظام السابق
ياريت اللى عنده نصيحة فى السواقه يقولها . ميرسى للجميع