بتوع سيتى بنك اتصلوا بيا

**SAiF3S** · 22-02-2011 01:44 AM

المشاركة الأصلية كتبت بواسطة ashouhdy

عزيزى

البنك بياخد كل فايدتة فى اول سنة او سنة ونص تقسيط

الباقى بيبقى المبلغ الحقيقى

انصحك بلاش البنوك دول ولاد ستين فى سبعين وعمرهم عمرهم مابيعملوا حاجة فى صالح العميل أكيد فى أن ....

الكلام ده مضبوط وده اللى كنت داخل اقوله

**heshamzaky** · 22-02-2011 02:42 AM

يا رجالة كل الى كان واخد قرض من السيتى بنك يكلم البنك من 9 الى 5 و يكلم أدارة التحصيل و يسأل لانى عرفت أنة ممكن جدولة الديون و لازم نتواصل علشان ما حدش يتقال لة كلام وواحد تانى مش واخد بالة يقولو لة كلام اخر

**فتح الباب** · 22-02-2011 03:13 AM

هناك شىء ما غامض فلا تفعل شىء الا بعد التأكد من هذا الشيء

**mailo** · 22-02-2011 02:35 PM

باقولك إيه يا باشا
شوف إنت فضلك اقساط كام وشوف بعد الكلام ده هيبقى كام قصدي فالمجموع يعني
لو اللي هيتدفع على السيناريو التاني أقَل يبقى قشطة :)

بس اضمن الشيكات القديمة اللي عندهم بس كده

**heshamzaky** · 22-02-2011 03:51 PM

يا جماعة أنا كلمت البنك النهاردة و سألت على الموضوع دة و تحديدا على موضوع أنك لو واخد قرض شخصى و متعثر حاليا فى السداد بيتم عمل طلب و سيقوم البنك ب الاتصال بك فى خلال 48 ساعة و مستنى أعرف النتيجة من البنك يا ريت كل الى واجة مشكلة زى كدة يقوم بابلاغنا علشان نفهم البنوك حا تتصرف ازاى مع الناس

**micromoud** · 22-02-2011 05:01 PM

شكرا يا جماعه عالردود بس انا كدا محتار النهارده كلمنى السيلز واحد تانى غير بتاع امبارح ودلوقتى اللى فهمته انه يا جماعه موش هيكسر فوائد ولا حاجه هو هو نفس المبلغ المتبقى بس هيرفع حظر البيع وطبعا التأمين الاجبارى هيتلغى وبكدا ال يعنى هما وفرولى.. فى المقابل بقى هو هيعمل مخالصه للعربيه بس الكلام دا هيحصل بعد لما امضى على شيكات جديده بنفس قيمه المتبقى من الشيكات القديمه وبعد مامضى بيومين هرجع اخد الشيكات القديمه عشان يتأكد من صحة التوقيع دا اللى قاله .,.. قولتله طب ما ترفع الحظر واللى انت بتقول عليه دا كله من غير مامضى على شيكات من اول وجديد قالى ماينفعش عشان الحساب اللى مفتوح باسم العربيه ولازم نعمل حساب تانى من اول وجديد المهم فضلنا نجادل عالنقطه دى ان الموضوع دا كله سهل البنك يعمله من غير مامضى شيك جديد ... المهم برضه قولتله الشيكات القديمه تكون معايا الاول ودى رفضها عشان السبب اللى ذكرته فوق بالاضافه انه قالى احنا بنك له سمعته وبنتعامل فى ملايين وانا كمندوب بيع مسؤوليه كبيره عليا والمكالمه متسجله يعنى موش هنضحك عليك... وعرفت ان الاجراءات دى بتتعمل فى الفرع بتاع التجمع الخامس وعرفت ان الباقى عليا ممكن يتقسط تانى بدل ماكانوا 3 سنين ممكن يبقوا اربعه او خمسه ايه رأيكم ياجماعه فى الكلام دا وموضوع الشيكات دى البنك ممكن ينصب فيها؟؟

**A.Saad** · 22-02-2011 05:11 PM

شكرا يا جماعه عالردود بس انا كدا محتار النهارده كلمنى السيلز واحد تانى غير بتاع امبارح ودلوقتى اللى فهمته انه يا جماعه موش هيكسر فوائد ولا حاجه هو هو نفس المبلغ المتبقى بس هيرفع حظر البيع وطبعا التأمين الاجبارى هيتلغى وبكدا ال يعنى هما وفرولى.. فى المقابل بقى هو هيعمل مخالصه للعربيه بس الكلام دا هيحصل بعد لما امضى على شيكات جديده بنفس قيمه المتبقى من الشيكات القديمه وبعد مامضى بيومين هرجع اخد الشيكات القديمه عشان يتأكد من صحة التوقيع دا اللى قاله

.,.. قولتله طب ما ترفع الحظر واللى انت بتقول عليه دا كله من غير مامضى على شيكات من اول وجديد قالى ماينفعش عشان الحساب اللى مفتوح باسم العربيه ولازم نعمل حساب تانى من اول وجديد المهم فضلنا نجادل عالنقطه دى ان الموضوع دا كله سهل البنك يعمله من غير مامضى شيك جديد ... المهم برضه قولتله الشيكات القديمه تكون معايا الاول ودى رفضها عشان السبب اللى ذكرته فوق بالاضافه انه قالى احنا بنك له سمعته وبنتعامل فى ملايين وانا كمندوب بيع مسؤوليه كبيره عليا والمكالمه متسجله يعنى موش هنضحك عليك... وعرفت ان الاجراءات دى بتتعمل فى الفرع بتاع التجمع الخامس وعرفت ان الباقى عليا ممكن يتقسط تانى بدل ماكانوا 3 سنين ممكن يبقوا اربعه او خمسه ايه رأيكم ياجماعه فى الكلام دا وموضوع الشيكات دى البنك ممكن ينصب فيها؟؟

صحة توقيع ايه اللى فى يومين
انت اول ما بتمضى
بيروح لواحد عنده الشاشة يشوف التوقيع ويختم له
والسؤال الاهم
قله
ادونى جواب بالكلام ده فيه ان انا العرض شامل الغاء الشيك القديم وكتابة جديد
وهتستلموا منى الشيكات الجديدة على صورها استلام رسمى
ومادام فيها سيلز
اعرف ان فيها مصلحة للبنك
لو مش مصلحة ليهم
كانت خدمة العملاء اللى اكلمت
والسؤال ليك
هل هتستفيد من رفع حظر البيع
هل هتستفيد من الغاء التامين
نصيحتى متلغيش التامين
لان لا قدر الله لو حصلت حاجة هتحتاج فلوس التامين لتعويضك عن قيمة الاصلاح

**heshamzaky** · 22-02-2011 05:14 PM

أستاذ micromoud بص حا أقولك هو كدة حا يحصل نفس الملغ الى متبقى عليك بس الفكرة أنة حا يطول المدة بتاعت التحصيل علشان الناس تدفع بدل ما يطلوش أى فلوس . و طبعا هو مش ممكن يسلمك الشيكات القديمة الا بعد التأكد من صحة توقيعك على الشيكات الجديدة و خلى بالك ورقة المخالصة لازم تبقى ورقة مختومة لانهم كانو بيدو حتت ورقة كدة أى كلام و بعد أسبوع مثلا تقدر تروح تستلم الشيكات القديمة بتاعتك

**heshamzaky** · 22-02-2011 05:19 PM

أستاذ A.Saad بص يا باشا أنا حا أقولك هو لية قالة يتأكد من صحة توقيع الفكرة أنك ممكن تقابل المندوب بتاع البنك فى الشارع و تمضى الشيكات فى الشارع بجد و الله دة بيحصل عادى جدا أو بيجيلك مقر عملك و بيمضيك ف البنك بيخاف لحسن بعض العملاء يمضو امضاء غير التوقيع بتاعهم مع أنة بيكون معاة نوذج و الموظف بيملاة و انت بتمضى فقط بس هما بيخلو المسؤلية مش لبتاع السيلز لآ بيأكدوها من البنك.
عاوزين نتحد جميعا و نحاول نقلل الفائدة
أنا قولت للموظف أنتو واخدين فوايد أجرام و لو الناس متعثرة مش حا تعرف تقاضى كل الناس كلها يبقى نحاول نوصل لأتفاق بتقليل الفائدة كمان لانها مبالغ فيها

**ashouhdy** · 22-02-2011 07:02 PM

حط معاهم كريدى اجريكول بياخد فايدة 9 ونص .... وبتوع السيلز دول هم اللى نصبوا عليا فى حوار القرض الشخصى دة

قال اعمل قرض شخصى وخلص بية العربية وسدد الشخصى براحتك وقعد يحسبها طلع انى حوفر بتاع 100 او 200 جنية

وانا للاسف صدقت و بذساجة لا احسد عليها هههههههه وافقت ومضيت

وبعد ماروحت اكتشفت انى حسدد القرض الشخصى دة على فترة اطول و بكدة انا مستفدش حاجة منة !! لا لبست فى الحيطة ورحت لاغيتة بعد مالبست 3000 جنية

........... كلمة سيلز يبقى فى نصباية