بتوع سيتى بنك اتصلوا بيا

**A.Saad** · 22-02-2011 09:04 PM

المشاركة الأصلية كتبت بواسطة heshamzaky

أستاذ a.saad بص يا باشا أنا حا أقولك هو لية قالة يتأكد من صحة توقيع الفكرة أنك ممكن تقابل المندوب بتاع البنك فى الشارع و تمضى الشيكات فى الشارع بجد و الله دة بيحصل عادى جدا أو بيجيلك مقر عملك و بيمضيك ف البنك بيخاف لحسن بعض العملاء يمضو امضاء غير التوقيع بتاعهم مع أنة بيكون معاة نوذج و الموظف بيملاة و انت بتمضى فقط بس هما بيخلو المسؤلية مش لبتاع السيلز لآ بيأكدوها من البنك.
عاوزين نتحد جميعا و نحاول نقلل الفائدة
أنا قولت للموظف أنتو واخدين فوايد أجرام و لو الناس متعثرة مش حا تعرف تقاضى كل الناس كلها يبقى نحاول نوصل لأتفاق بتقليل الفائدة كمان لانها مبالغ فيها

يا غالى الموضوع مدمت مش مطمن له ممضيش فى الشارع واروح الفرع
والتاكد من التوقيع بيتعمل فى ثوانى
اصلا انت اى تعامل ليك على الحساب موظف الشباك بيشوف التوقيع
وبيكون لبعض التعاملات موظف مخصوص لازم يوقع على الورق بصحة توقيعك

ملحوظة
مش عارف ليه يااستاذ احمد يا شهدى ديما تعليقاتك بتبقى خلف خلاف معايا

**heshamzaky** · 23-02-2011 12:19 AM

المشاركة الأصلية كتبت بواسطة a.saad

يا غالى الموضوع مدمت مش مطمن له ممضيش فى الشارع واروح الفرع
والتاكد من التوقيع بيتعمل فى ثوانى
اصلا انت اى تعامل ليك على الحساب موظف الشباك بيشوف التوقيع
وبيكون لبعض التعاملات موظف مخصوص لازم يوقع على الورق بصحة توقيعك

ملحوظة
ت

يا ريت دة ينفع بس هما ولاد لذينة بيقولك أستنى يومين دايما بيعملو كدة من زمان . هما مش حا ينصبو بس الحذر واجب و بيبقى دابحك فى الفائدة بصورة مرعبة و تلاقى مصاريف أدارية و فلوس 5 جنية على كل شيك يعنى بيهبش شوية من المبلغ . منهم لله

**أشرف العدوي** · 23-02-2011 01:17 AM

يارب تقرأ المشاركة دي قبل ما تروح
بص يا سيدي الكلام الي انا كاتبه ده من بوق حد شغال في سيتي بنك
الي هيحصلك القرض بتاع العربية نفسه هيتلغي و هيتحول لقرض شخصي بفوائد أعلى دي الخلاصة
علشان كدة هياخدوا الأجراءات من أول و جديد
ياريت تقولي انت تبع أنهي فرع ممكن اقدر أفيدك

ياريت الي يكلمك تتكلم معاه في الي انت قولتهولك و شوف هيقولك ايه
و من حقك انك ترفض عادي
ربنا يقدم الي فيه الخير

**أبو صلاح** · 23-02-2011 06:07 PM

طمنا يا عمنا انت عملت ايه ؟

**micromoud** · 23-02-2011 10:13 PM

شكرا يا جماعه عالردود كدا بالوضع الجديد فى حوالى 6 اقساط زياده بحوالى 3500 جنيه زياده لو عالنظام الجديد
يعنى هو ريحنى من التأمين الاجبارى وكأنى دفعتهم اخر التلات سنين

فعلا يا جماعه صدقتم البنك ما يعملش حاجه فى صالح العميل ابدا

**LORD.ADeL** · 24-02-2011 10:13 AM

المشاركة الأصلية كتبت بواسطة micromoud

شكرا يا جماعه عالردود كدا بالوضع الجديد فى حوالى 6 اقساط زياده بحوالى 3500 جنيه زياده لو عالنظام الجديد
يعنى هو ريحنى من التأمين الاجبارى وكأنى دفعتهم اخر التلات سنين

فعلا يا جماعه صدقتم البنك ما يعملش حاجه فى صالح العميل ابدا

تمام ياحوودة خليك زي ما انت افضل واحسن واضمن وربك يخلصك منهم ع خير ان شاء الله ..تحياتى والله مستعان