من الأخرانا بتعامل مع وضع عربيتي كدة
بس سؤال للخبراء مش السرفو هو اساس سرعة استجابة الفرامل و لو صح هل سرفو الليجانزا مختلف عن بتاع النوبيرا و لو صح هل يمكن تركيب سرفو ليجانزا مكان بتاع النوبيرا
عرض للطباعة
من الأخرانا بتعامل مع وضع عربيتي كدة
بس سؤال للخبراء مش السرفو هو اساس سرعة استجابة الفرامل و لو صح هل سرفو الليجانزا مختلف عن بتاع النوبيرا و لو صح هل يمكن تركيب سرفو ليجانزا مكان بتاع النوبيرا
اعتقد ان المشكله ان الانسر مثلا لما ركبتها و جريت بيها و فرملت العربيه بتهدى اوى و تقف لكن صاحبتنا عجلها بيقفش و تتزحلق لغايه اما تلبس فى الى قدامك يعنى لازم تاخده بالحضن ..
هو ده الفرق الى عاوز اوضحه ان العربيات ديه بتستجيب بسرعه احنا عربياتنا بتوقف العجله و تسيب الباقى على الله
قوة الفرملة معتمدة على نظرية ضغط السوائل بالتالى مقاسات الماستر العمومى و مساتر العجل هى اللى بتحدد القوة اللى بتضغط على التيل
مقاس الطنابير هو اللى بيحدد قوة تاثير احتكاك التيل مع الطنابير على العجل
بالتالى النوعيات و خلافة لا توثر على شىء... يمكن نوعية التيل تفرق فى تحمل الاجهاد و كدة بس مش هى الاساس
لو حد فيكم ساق عربية افيو حيحس ان فيه فرق كبير جدا فى استجابة الفرامل بينها و بين اللانوس... مع ان الافيو فيها الكالبرات و الماستر الصغير و الطنابير الصغيرة المماثلة للانوس الغير معدلة... و على الرغم من كدة الفرامل بتستجيب لاقل ضغطة على دواسة الفرامل... اذا القصة لا كالبرات ولا طنابير ولا تيل... قد تكون فى السيرفو او فى تصميم الماستر... او حاجة تانية انا لسة موصلتلهاش
انا عدلت فرامل عربيتى الامامية و الخلفية و الاستجابة مفرقتش... اللى فرق قوة الفرملة... يعنى انا لو ركبت عربية افيو و سوقتها السواقة بتاعتى حخلى التيل يطلع دخان برضة و حخلص التيل فى 6000 كيلو زى ايام زمان
موضوع الزحف دة اتعالج اول ما ركبت كاوتش اعرض
MMamdouh
هو السيرفو شغلتة تقليل القوة المطلوبة لتشغيل دواسة الفرامل... يعنى حجم السيرفو بيفرق فى مدى خفة او ثقل الدواسة فقط
سيرفو اللانوس كحجم و مقاسات هو هو سيرفو النوبيرا... و سيرفو الليجانزا اكبر فعلا بس ماستر اللانوس و النوبيرا ميركبش على سيرفو الليجانزا... و سيرفو الليجانزا بتلات مخارج مش اربعة زى بتاع اللانوس و النوبيرا
اعتقد عشان نحس بفرق لازم نركب ماستر فرامل اكبر عشان يضخ زيت اكتر لمساتر العجل عشان تستجيب اسرع... و دة معناه اننا نركب سيرفو اكبر كمان لان الماستر الاكبر حيزود الحمل على الدواسة
المشكلة الاولى ان السيرفو الاكبر غير متاح او على الاقل محدش عارف بديل اكبر للسيرفو الاصلى
المشكلة التانية ان "الماستر الاكبر" متاح فقط للانوس اللى مش متعدل فراملها و دى حيتركبلها ماستر 22 بدل ال20... اللانوس المعدلة و النوبيرا بتنزل اصلا بماستر 22... نركبلها ايه بقى؟؟؟؟؟؟؟؟
MMamdouh
انا عندي وجهة نظر
تقريبا انت سواقتك شوية مش هادية يعني كون العربية بتزحف و حطك في خطر اكتر من مرة فده معناه نك محتاج هدوء اكتر و انك تسيب مسافة بينك و بين اللي قدامك
انا كان عندي كوضوع الزحف ده بس الكاوتش كان تعبااااان جدا
جبت اربع فرد ميشلان العربية اختلفت تماما