انتو بتتريقوا
و بتهرجوا
و سايبين الخونه و العملاء اللي بيشتغلونا
يا ناس فوقوا
ده وائل غنيم كمان عنده شعر
1-مره يجيبه علي جنب ( تسريحه ايهود باراك وزير الدفاع الاسرائيلي )
2-مره يجيبه لورا ( تسريحه خامنئي المرشد العام لايران )
3-و مره ينكشه ( تسريحه الواد علي حرنكش بتاع المخدرات اللي بيسوق توك توك في بولاق )
و اللي انتو مش عارفينه ان الاجنده اللي تحت التي شيرت دي اكيد اكيد حاطط معاها قلم في جيبه كمان علشان يكتب في الاجنده الخارجيه
و اكيد القلم قلم خارجي بردو
بيكتب لوحده كل الخطط العسكريه الرهيبه السريه
و القلم ده بيبعت لوحده الي كل من
1-الموساد في تل ابيب
2-حماس في غزة
3-الثورة الشيعيه في ايران
4-الهيبز في امريكا
5-و حركه هوبا هوبا بنحبك يا دروجبا في ساحل العاج
و كمان لا تنسوا ادله اخري علي سبيل الذكر
1-بيلبس بنطلون ( جينز و العياذ بالله )
2- تي شيرت
3- كوتشي
4- نظاره
و اذا لاحظتم هتلاقوا ان ده نفس لبس الاسرائيلين و هو بيتدربوا علي قتل الفلسطنين
الواد ده يا جدعان اسرائيلي يهودي شيعي حماسي الناسي كواناسي
و ارجو الحكم عليه بالاعدام رميا باللبان
و عجبي