اشتري بدلة شيك لمناسبه مهمة منين

**شريف** · 22-02-2011 03:03 PM

السلام عليكم

في يومين الاوكازيونات دول الواحد ممكن اشتري بدلة شيك لمناسبه مهمة منين؟

يا ريت لو حد يقدر يفيدني

**Tarek Gen 2** · 22-02-2011 03:11 PM

دالى دريس

سيكس ام

كونكرييت

**elfashn** · 22-02-2011 03:28 PM

اطلع 6 اكتوبر على المنطقة الصناعية جنب wave هتلاقى كذا محل بدل كل الاشكال والالوان والانواع واسعار جامده موووووووووووووز وهيه هيه البدل الى بتلاقيها فى المحلات الى فى وسط البلد بس ارخص

**sayed911** · 22-02-2011 03:34 PM

زي ما طارق قالك ولكن كونكريت ها تلاقي معظم اسعاره مبالغ فيها بطريقة غريبة ولكن بصراحة هوة انضف واحد وممك اضيفلك على دول كمان وده ممتاااااااااااااااااااااا اااااااااز وعن اكثر من تجربة btm ده اكثر من ممتاز لعدة اسباب الا وهي انه عنده مكن يبقى جاكيت مقاس وبنطلون مقاس لأني كنت متسوح في دايلي دريس انه البنطلون مقاسي والجاكيت لأ فـ btm حل القصة دي في ثواني وعنده بدل للمقاسات الكبيرة جدا والناس كمان الرفيعة قوي ... بس لازم تشوف بس حضرتك الأول الدنيا فيها وايه وهمة كلهم احسن من بعض ..

**Ralliart** · 22-02-2011 04:02 PM

دانيل هشتر عاملين تخفيض بيوصل لـ50% لسة شاري من عندهم بدله تحفه كانت ب1200 بقت ب600

**mailo** · 22-02-2011 04:05 PM

على حسب الرنج بتاع الفلوس يعني مثلا لو هنتكلم في أعلى من 700 يبقى عندك لورنزو ممكن تروح اللي في نيل مول اللي عالكورنيش هادي وواسع

لو أعلى من 1000 يبقى شوف تاي هاوس ده حاجته حلوة جدا اسعاره أعلى بس نضيف وبصراحة من أحسن الأماكن اللي اشتريت منها
وعندك كمان 3m اللي فجمعت الدول جامد جدا وحاجته حلوة قوي
أنا بشتري من المكانين دول اسعارهم كويسة وباخد بيها quality عاجباني

كنكريت أنا شايفه غالي شويتين في اسعاره عموما - دلي درس و btm بتوع عواجيز كل ماروح ألاقي موديلات إتمة قوي

لو اقل من كده بص عالخامة وال ديزاين في المحلات دي وحاول تجيب الأقرب بس حاول يعني متنزلش عن 500 عشان بيقوا بدل بلاستيك
يعني لو نزلت طلعت حرب هتلاقي بدل بـ 150 جنيه لو عايز