الموضوع: ينفع يبقى فيه جيش للإتحاد العربي ؟

لا لا لا ده الراجل ده دماغوا عاملة حادثة من 30 سنة ورايحة منو !!! ده عامل زي اللمبي !! دخل في بقوا واحد !!!!!!!!!!!!! وكانوا بيقولوا على صدام مجنون لما كان بيقول العلوج الملاعين !!!!!!!!!!!!! ازاي في ليبي واحد يجيلوا نوم والشئ ده هوة اللي ماسك البلد !!!!! متيجي يا شنوري نعمل عقد احتراف للثورة ونصدر ثوار من مصر لليبيا :d ونمسك احنا التوكيل ده :d

المشاركة الأصلية كتبت بواسطة human12

لن يتفق العرب
و ماتزعلش منى بس ديه احلام

الناس متأخره جدا ولسه عايشين معظمهم فى قبائل

للأسف الشديد معاك حق جدا ... وحتى لو كده الكثير من العرب ما يزالون يحملون لأحقاد لبعضهم البعض ... ولكن نخلي فيه شوية امل يمكن ربنا يصلح الحال ... احنا حالتنا صعبة جدا :d

بص انا بقالى فترة بحلم ان يكون فى جيش عربى تحت اوامر جامعة الدول العربية وهو مكون من :

كل دولة من الدول العربية تبعت طيارتين حربية + 100 جندى مشاه +4دبابات

تخيل كلنا 21 دولة وهذا الجيش يكون موجود فى الامور مثل ما يحدث فى ليبيا وصد اى خطر وحل اى مشكلة امنية فى اى دولة عربية

او حتى يا سيدي الفاضل يكون بلاش كل ده يبقى عبارة عن جيش تطوعي زي نظام الـ un تطوعي وبيجيب فلوسه من اعمال التجارية الحاصة بالجامعة ... ولكن ده حلم مع اني اعتقد انه صعب المنال ولكن عندي امل كبير انه لو تحقق يا يخلي حاجات كتير قوي تفرق في حياتنا ..

المشاركة الأصلية كتبت بواسطة sayed911

للأسف الشديد معاك حق جدا ... وحتى لو كده الكثير من العرب ما يزالون يحملون لأحقاد لبعضهم البعض ... ولكن نخلي فيه شوية امل يمكن ربنا يصلح الحال ... احنا حالتنا صعبة جدا :d

الاحقاد و الضغائن ممكن تتعدى و ممكن تبنى فوقيها

المانيا اللى قادت و ادت للاتحاد الاوروبى هيه نفس المانيا اللى احتلت معظم اوروبا و دخلوا فى حروب مع كل الدول

فرنسا اللى وقفت جنب المانيا فى النداء لاتحاد اوربى شوف كان بينها و بين المانيا ايه

انجلترا و فرنسا

النمسا و المانيا

تقريبا كل الدول عندها عداوات رهيبه و احقاد قديمه بس قصاد المصلحه كله يقدر يقعد و يتحد عشان مستقبل الجميع

بس انت عايز ناس لسه عايشين فى قبائل و تقوله مصلحه الجميع
هيقلك كلمه مش كويسه و مش بعيد يطردك من الخيمه

الدول العربيه اغلبها قبلى و ده لا يفضى الى مجتمع ينفع انه يرتقى الى امه

بمعنى آخر حضرتك بتقول انه لازم ثورة حضارية الأول تعيد للناس فكرها المتقدم وبعد ما تبني الدول دي علمها ومعرفتها نبدأ بعدها نفكر في الإتحدا لكن الإتحاد في الظروف الفكرية المختلفة اللي احنا فيها دي ها يبقى صعب !! انا معاك لأنه ساعة فكرة الإتحاد الأروبي ده اكنت الميزة القوية انه غالبة الدول في الإتحاد الأروبي كانت اقتصادياتها واحدة يعني مكنتش ها تحصل هجرة من بلدان لبدان من اجل مجرد العمل واللي ممكن يحصل هنا واعتقد حضرتك ممكن تتخيوا ها تلاقي الـ 80 مليون هاجروا على السعودية والإمرارت والكويت واللي ها يدمر اقتصاديات حاجات كتير عشان كده الموضوع مفروغ منه لا بد من التقارب الإقتصادي ثانيا والنقارب الفكري اولا .. تحياتي لك على وجهة النظر القوية يا اخي ..