طيب ممكن حضرتك تقتبس الموضوع و تصلح المعلومات المكتوبه .......
عشان انا فعلا مشفتش اللقاء كنت بره ....
عالقهوه يعني مش في المظاهره :):)
لأ بعد إذن حضرتك
أنا مش هصلح حاجة إعذرني
الحلقة أهيه إتفرج براحتك
ده الجزء الأول
YouTube - ‫ظ„ظ‚ط§ط، ظˆط²ظٹط± ط§ظ„ط¯ط§ط®ظ„ظٹظ‡ ظپظ‰ ظ…طµط± ط§ظ„ظ†ظ‡ط§ط±ط¯ظ‡ ط§ظ„ط¬ط²ط، ط§ظ„ط£ظˆظ„‬‎
وده الجزء التاني
YouTube - ‫ظ„ظ‚ط§ط، ظˆط²ظٹط± ط§ظ„ط¯ط§ط®ظ„ظٹظ‡ ظپظ‰ ظ…طµط± ط§ظ„ظ†ظ‡ط§ط±ط¯ظ‡ ط§ظ„ط¬ط²ط، ط§ظ„ط«ط§ظ†ظ‰‬‎
لو هو قال كدا بالظبط, دا يبينلك انة بيقول اي حاجة وخلاص علشان يهدوا الناس " بياخدوهم علي قد عقلهم" بالبلدي كدا
مفيش حاجة اسمها هنلغي او هشيل قانون الطوارئ ودا الكلام ال قالة المجلس الاعلي امبارح
انما ممكن تلغي حالة الطوارئ ويبقي القانون موجود لاستخدامة وقت الكوارث والازمات لا قدر الله
والله شفت البرنامج وعشان الحلفان لما بدأ مكملتوش للاخر.. والفيديوهات موجوده عالنت ومواقع مصريه كتير ناقله الحوار
اه الموضوع من رصد... ودا مش اختراع دا حوار فى التلفزيون الناس دى لو فعلا زى ما بتقولوا عايزين يتوهوا الناس مش هيقعوا فى الغلطه الهبله دى مش هينقلوا كلام غلط ومتقال فى حوار عالتلفزيون !!!
وبعدين نازلين ليه انتقاد فى المواقع والقنوات دى .. هو الاعلام الوطنى رائع جدا عشان نتابعه.. مش دى الجزيره الى كانت بتذيع جرائم حكومتك وكانوا بيشوشوا عليها !! لو الجدال منه فايده كنت اتكلمت كتير فى الاعلام
اسمحلى حضرتك من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف
دا لو المتظاهرين قالوا الشمس بتشرق من المشرق هتقولوا دا كلام الجزيره ورصد وهتطبق الاحكام العرفيه ..
بعد كل كلامكم الى محصلش ولا حرف منه بمناسبه ايه دلوقتى نثق فى نصائحكم وتوجيهاتكم..
وبرضه عارف الرد الى هيتقال على كلامى لانه نفس الرد الى بيتقال فى كل موقف...
بقولك ايه انا كلامي محدد وعن شبكة رصد وان معظم كلامها كدب
وواثق من الكلام ده مليون في المية
وفيه خبر منزلينه من شوية عن بلدي وكل اللى كاتبينه كدب تماما لانى كنت موجود وقت الواقعة اللي كاتبينها وحصلت بشكل مختلف تماما عن اللى هما كاتبينه ولما صححت كلامهم بعد ثواني اتمسح التعليق واتقفل الدخول للصفحة
يعني كدابين وبيقولوا حاجات صدق ويدسوا وسطها اكاذيب كل هدفها الاثارة وبس
ومتدخلنيش في حوار التليفزيون بتاع الحكومة والاعلام واللى فات واللى جاي
انا بتكلم عن مصدر محدد يبقي نتكلم عنه
ونحمد ربنا ان الجيش بتاعنا عاقل ومحترم والا كان زمانكم حصلتم بتوع ليبيا فماتفرحش انكم طلعتم صح اد ما تفرح ان الجيش اللى مش عاجبكم دلوقت هو اللى محترم والا كان زمان الحكم العسكري اتطبق فعليا من يوم 28 الساعة 6 ووقتها كنت شفت راجل واقف في الشارع
وبردو عارف نفس الكلام اللى هايتقال على كلامي زي كل مرة لغاية ما حفظته
هااااااااااا أقولكوا مين صاحب رصد؟؟؟؟؟؟؟؟
بس بعد إستاذ ميدو ما يأذن لي :))
استاذ Xander2010_Evo... عشان برضه اكون معاك للاخر... دا جزء من الكلام الى سمعته ومنقول من مصرواى ( مصراوى مش رصد ولا الجزيره)
وشهدت نهاية شهر يناير أعمال سلب ونهب وإحراق لأقسام شرطة وفتح سجون.. وقد اتهم البعض الشرطة بفتح السجون لبث الرعب في قلوب المواطنين إلا أن وجدي نفى ذلك مؤكدًا أن ما حدث من دمار لجهاز الشرطة هو مُخطط مقصود ومُدبر وقال:''اللي عمل كده في اقسام الشرطة حاجة من اثنين يا مجرم جنائي يا مجرم سياسي او الاثنين مع بعض و لا يمكن ان يكونوا عناصر من الداخلية''.
موقعة الجمل التي شهدت سقوط شهداء خلال ثورة 25 يناير، نفى وزير الداخلية - في حكومة تسيير الأعمال - محمود وجدي تورط أي من عناصر الشرطة والمخبرين وأمناء الشرطة في أحداث هذا اليوم وقال:'' في ذلك اليوم سقط قتلى بالرغم من عدم تواجد الشرطة''.
--------------
يا اخى العزيز دا لو قال النقطتين دول بس ومشى هيبقى استهبال واستخفاف بعقول الناس... وبخصوص اصحاب رصد صدقنى الى عندك مش هيبقى اكبر من كم الكلام الى اتقال على جروب وائل غنيم وسيبك منها خالص شوف انت الفيديو وقولى رأيك فى كلام الراجل دا
ارجو انك متحصرش القضيه فى رصد ولا غيره وتسيب الكلام بتاع الراجل ...لو بس جت عالكلمتين الى فوق دول يبقى الرساله وصلت