المشاركة الأصلية كتبت بواسطة wassim_nasser
طيب ياجماعة كل الكلام ده جميل .. وانا فاهم كويس ان الاخوان بشر عاديين زينا .. والحكومة خلتهم فزاعة تخوف بيها الشعب .. لو احنا ماحكمناش الاخوان هايبهدلوكم .. بس انا ليا سؤال صغير .. هى سندريلا كان عندها جناح عسكرى أو كانت بتدرب ميليشيات تعمل بيهم عرض عسكري قدام اخواتها؟ .. بلاش دي .. ياترى سندريلا كانت بتلزم اخواتها بشكل معين فى اللبس لو مالبسوش زيها يبقوا متبرجات سافرات؟ .. طيب بلاش دي كمان .. هل الاعلام كان بيتبلى علي سيادة المرشد العام اللي قال علي الملأ "طز فى مصر"؟ .. واخيرا وليس أخرا موضوع تعهد الاخوان بعدم ترشيح حد للرئاسة .. طيب ماهو معظم النقابات مترأسينها اخوان ومعظم شيوخ الجوامع اخوان يعنى دورهم قوى جدا فى الشارع المصرى اقوى من اي حزب او نظام .. انا مش باهاجم الاخوان بس شايف ان الصورة اللي العضو المحترم نقلها وردية زياده شوية عن الواقع .. وبالمناسبه انا مش اخوان انا اقباط مهجر