الموضوع: رساله هامه من المجلس الأعلي للقوات المسلحه جاءت علي موبايلي حد تاني جتله

المشاركة الأصلية كتبت بواسطة dr-mohamed

ومن الممارسات غير المشروعة التظاهر بدون الحصول على ترخيص
وتعطيل المواصلات العامة
وقطع الطريق
ووووووووووووو



تصحيح علشان مش عايزين كلمة تتقال وسط الكلام وبعد كدة تبقي حقيقة
واحد فقط الذي قتل
وسبب القتل غير معروف حتي الان
وقتل اكتر من 15 مسلم الاسبوع الماضي في الهرم واكتوبر ولم يقل احد انها فتنة طائفية او ان من قتلهم هم النصاري
مش عايزين ندخل الخطوط في بعضها



مش عايزين نبقي اغلبية صامتة ونترك القلة صاحبة الصوت العالي فقط هي الموجودة
فيه ديمقراطية وفيه حرية يبقي كله يقول رايه واللى معترض في ساحة للشكاوي

دائما وأبدا يا دكتور متناقض في ردودك وأفعالك
ان تصف معارضيك بالقلة وصاحبة الصوت العالي فقط .لا يجوز وليست هذة بحرية ولا ديموقراطية
ان أصفك بأنك مصري لك حق التعبير عن رأيك بطريقة سلمية بغض النظر عن من معك او عددهم او مدي علو صوتك من عدمة فهذة حرية وديموقراطية.

المشاركة الأصلية كتبت بواسطة dr-mohamed

عندك حق يا استاذ محمود

الالفين اللى خرجوا امبارح هم الاغلبية ومن حقهم يعملوا كل اللى هما عايزينه وبقية الناس كلها تسمع كلامهم حتي الملايين اللى خرجت يوم الجمعة الماضي ورفضت الخروج بالامس تسمع صوتهم وكلامهم وما لنا الا الطاعة
وعلى فكرة مفيش تناقض في كلامي
انت شفت الاستطلاع اللى كان معمول عن التظاهر لاقالة حكومة شفيق يوم الثلاثاء كانت نسبته ايه ؟
الاغلبية رافضة وحتي في الواقع كانوا اقلية جدا حوالى الفين
متهيالي الديمقراطية بتقول ان الاقلية تلتزم براي الاغلبية ولا انا غلطان ؟

يا دكتور حتي لو "فرضا" انهم 2000 او فرضا ان ملايين الجمعة الماضية لن تذهب للجمعة القادمة
فأسمحلي ليس من حقي ولا من حقك ان اصفهم بالقلة صاحبة الصوت العالي هم مصريين مثلي ومثلك ولهم مطالب
مشروعة ولم يقوموا بأعمال عنف او تخريب او وقف لحركة المرور. يا دكتور انا لم أسمع جملة القلة صاحبة الصوت العالي الا في وقت حكم الانظمة الدكتاتورية بمؤسساتها
الحرية تتيح لاي مواطن ان يعبر عن رأية بطرق سلمية. والديموقراطية تكفل لة عدم مسائلتة او سبة او تشوية صورتة ...الخ بعد التعبير عن رأية هذا ما تعلمتة وأعرفة.
وأرجو أن تصحح لي ان كنت مخطأ.

المشاركة الأصلية كتبت بواسطة ahmed-moga

بالله عليكم بلاش الأختلاف والأنقسام الأن احنا عايزين نحافظ علي الخطوات التي اكتسبناها حتي الأن مش عايزين نرجع تاني مائة خطوه للوراء

يأستاذ أحمد
انا بيني وبين الدكتور محمد أختلاف شديد في وجهات النظر
ولاكن هذا لا يمنع اني اكن لة كل الاحترام والتقدير وهو يعلم ذالك
ودائما المناقشات بيننا لا تخرج عن الحدود والحمدلله


لاكن انقسام دي انا مش فاهمها

المشاركة الأصلية كتبت بواسطة ahmed-moga

المقصود بالأنقسام اننا نبقي عده فرق كل فريق له افكار يريد ان يطبقها ويجعلها هي التي تسري وبالتالي سيحدث انقسام شديد بيننا والنداء هنا عام وصيحة تحذير للجميع ليس المقصود بها اشخاص معينون وده من منطلق الخوف والحرص علي اكتمال نجاح ثورتنا والعمل علي توحيد الكلمه بيننا جميعا

كدا تبقي دكتاتورية وفرض رأي علي اخر مش أنقسامات
وأنا طبعا ضد الكلام دا تماما ومفيش مصري هيقبل دا تاني أبدا ..أستشهد مننا فوق 400 وأصيب حوالي 5000
لمحاربة هذة الافكار. أكثر ما يهمني الان هو ما تسعي أنت ألية.
نجاح الثورة وتنفيذ مطالبها الي النهاية