اقتباس المشاركة الأصلية كتبت بواسطة medoakef مشاهدة المشاركة
تمام يا مان كلام جميل لكن احب اوضح حاجه الكورولا و الانترا و الاوبترا و فكترا القديمه و الشارك كل دول 4 نقلات السيراتو لما نزلت 6 الناس بردو عابت ان العزم ضعيف نوعا ما انا شايف ان العربيه 4 نقلات دا جيد المشكله الصوت بس و كان ممكن التغلب علي الموضوع ده بتقفيل اعلي

لو الـExhaust Manifold ناحية الكابينة, والـintake manifold للأمام ناحية الأكصدام, يعنى الموتور مقلوب ... (وأعتقد السيراتو كده فعلا) يبقى مالهاش حل... لا عزل أفضل ولا حاجة هتنفع.!
ده خطأ شائع فـ التصميم... وأحيانا بيسبب حرارة من ناحية الكونسول الوسطى كمان..!!!

الموضوع نسبه و تناسب و كل حاجه ليها مميزات و عيوب يعني حاجه زي الفنتزيا 6 نقلات صوت هادي جري ضعيف و البرافو مع انها 6 نقلات الا ان صوتها مسموع الي خلا الناس تركز في السيراتو الوزن الي ليه عامل في الاستهلاك مع الفتيس ال4 نقلات لكن عربيه زي الانترا محدش اتكلم عن استهلاكها مع انها نفس الموتور لكن وزن اخف و بردو جنط اصغر
البرافو مع أن الموتور معدول (عشان التربو-انتركوولر: الـexhaust manifold لبره ناحية الأكصدام) بس صوت التربو اللى بيطلع بيبقى رياضى... وكمان مواسير الـintake مش متساوية:
Variable Length Intake Manifold فبتعمل الصوت الرياضى ده لما تحرق..!!!
زى بعض المواقع الجامدة ما قالت: it's a part of the car's Allure
فيه فرق بين صوت رياضى محبب للسمع, وصوت مزعج يدعو للأشمئزار: annoying للسواق

و في النهايه انا شايف ان فعلا كيا لسه متوصلتشي لحل له>ه المعادله الصعبه و شايف ان تطوير المحرك لكي يكون اقتصادي اكثر هو الحل
أختلف معاك يامان فـ الحته دى... هى القصة مش فـ الموتور...؟؟؟!!
معظم الـreviewــهات بتاع السيراتو قالت أن مشكلة الفتيس الـ4 سرعات فى: Extra tall gear-ratios وده بيخلى فيه مناطق هبوط فـ الأداء..!!! وصوت عالى وأستهلاك بنزين سىء

وحتى فـ الفتيس الـ6 سرعات, الشركات المحترفة بتعمل كده:
المفروض الغيارات الأولى: 1-2-3 تبقى نسب التروس طويلة... عشان تدى تسارع
والمفروض الغيارات الأخيرة: 4-5-6 تبقى نسب التروس متقاربة وقصيرة.. عشان تدى top-speed وتقلل الأستهلاك وأخيرا.. صوت الموتور فـ الـhighway وده اللى محصلش من كيا..؟؟؟!
للأسف اللى يراجع نسب التروس الجديدة... هيلاقيها مش بتاع تسارع, وموجهة أكتر لتوفير البنزين وصوت الموتور (عشان الـfinal drive)..!!!

أنا شايف أن المعادلات الصعبة كتير على كيا... ولسه ماتحلتش؟؟؟!!