الموضوع: الناس بقت كده ليييييييييييييه ؛؛؛؛؛؛؛

كنت ماشيه انهارده مع صحبتى فى رشدى - لفتت نظرى عربيه كورسا راكنه جنب الرصيف
قلت لصحبتى الله يا جمالها ( ملحوظه : كنت املك كورسا زيتى مو97 و كانت معايا 8 سنين و لسه بيعاها من اسبوعين )
بصراحه فى حاجه فى العربيه شدتنى خلتنى أحوم حوليها و فجأه عرفت السبب
دى عربيتى ؛؛؛؛؛؛؛ لا سورى اللى كانت عربيتى
اللى اتغير فيها انها اتروشت شويه
الراجل اللى اشتراها مدير مبيعات فى ابو غالى - عمل البتاع اللى زى الرسومات بيتعمل من تحت الابواب و مكتوب كلمه sport ( انا معرفش اسمه بصراحه )
اللى زعلنى فى الموضوع انه معلق جواها ورقه و كاتب العربيه للبيع
و هو يا حرام ساعه ما اشتراها كانت عنيه حتذرف الدموع علشان انزل له السعر
و يقولى علشان اخوكى
ده انا حاخدها لمراتى
حتديها لأختك بكام
اناكنت طالبه 40 المهم وصلهم ل 36
و يحلف مليون مره انه مظلمنيش و ان ده سعرها ووووووووو
المفاجأه بقى قلت لصحبتى اتصلى شوفيه طالب كام
المهم طالب 41
انا مش مزعلنى الفلوس - انا الحمد لله ربنا حيكرمنى بعربيه زيرو
لكن انا اللى ضايقنى الحركه
ليه لما بنلاقى واحده بتبيع او لوحدها فى اى موقف نستقرضها و نظلمها علشان شويه ملاليم
ليه قعد يحلف بربنا انه مظلمنيش و ده سعرها
ليه تقولى مراتى و معرفش ايه
متقول انا تاجر و انا عارفه انه لازم حيكسب منها و يسيب لى فرصه الاختيار اوافق عالبيع و لا لا

قولولى ايه رأيكم ؛؛؛؛؛؛
الناس بقت كده لييييه ؛؛؛؛؛؛؛