اخيرا ركبت موتور جديد

**tamertito88** · 24-02-2011 04:50 PM

الحمد لله و اخيرا بعد انقطاع دام 5 اشهر العربية بقت بتقول بيب بيبتاني

جبت شورت بلوك على 1600 جنيه و ماشاء الله الشكمان بيطلع بخار المية يعني حالة ممتازة

وسيرفو جديد و طقم تيل اصلي
و خزنة فرامل خلفي
و مقصات و شكمان جديد

خربت بيتي هههههههههههه

و لو حد عنده نصايح ازاي احافظ على الموتور بحالته دي دايما ياريت يفيدني:)

الف شكرلكل الشباب اللي حاولوايساعدوني

و عندي حاليا الموتور القديم غالبية قطعه سليمة جدا
لو حد يعرف حد محتاج قطع للهوندا سيفيك 1984 يكلمي انا تحت امره ( صبابات -بساتم - كرنك الخ الخ :) )

و نا شاء الله ربنا يوفق وابيعها

**No Comment** · 25-02-2011 02:32 PM

مبـــروك ..... عليك البيب بيب تانى ومعلش محدش بيتعلم بالساهل .
للمحافظة على تجديدات بعض اجزء الماتور اللى انت عملتها ...... بلاش القرص والحرق كتير تانى على الماتور على rpm عالى ... مراقبة مؤشر الحرارة الفترة اللى جايه بأستمرار لاننا داخلين كمان على صيف فبيكون تأثير الجو الحار ازيد من الشتاء ... الكشف على مياه الردياتير بأستمرار ... الكشف على زيت الماتور بأستمرار وملاحظة نقصانه هو والمياه فى الردياتير لانهم من مؤشرات كفائة الماتور وكفائة عمله ... مراقبة استهلاك البنزين كمان لفترة كدة للتأكد من كفائة الكربراتير وكهربة الماتور مع ظبطة التاكيهات .
دول حبة حاجات كدة على السريع على ما اتذكر ... والباقى اكيد هيكملوه بقية الزملاء هنا .

**M_Nabil** · 26-02-2011 04:34 AM

أولاً ألف مبروك على الماتور والتصليح وربنا يباركلك فيها وطبعاً نو كومينت قال الطريقة الصحيحة للمحافظة على الماتور ومش لازم أخرك 3 ار بى ام أحرق برحتك في المعقول برضه بس غير الزيت في معاده ومتأخروش وتابع المياه بستمرار كل يومين مثلاً بالاضافة للبوجيهات والفلاتر في معادها

ثانياً الصوت ده عبارة عن خشونة ولما تفصل التعشيق الصوت بيروح مظبوط؟ دى 90% من بليه الدبرياج عاوزة تتغير كدة البليه محمله على سوست الديسك طبعاً يفضل تغير الطقم كله مع بعضه مرة واحدة اسطوانة وديسك وبليه وان شاء الله خير

**tamertito88** · 26-02-2011 08:31 AM

الف شكر يانبيل باشا على معلوماتك القيمة ( بس ما فيش مشكلة لو مشيت عليها عادي ؟؟ )

و بكرر شكري عالمجهود اللي بذلته معايا وانا تحت امرك في اي حاجة

**M_Nabil** · 26-02-2011 03:00 PM

لا شكر على واجب واحنا هنا معظمنا بنحاول نفيد ونساعد بعض قدر الامكان

هو يفضل طبعاً تغير طقم الدبرياج في أقرب وقت ممكن عشان لو سوست الديسك باظت من كتر تحميل البليه عليها العربية هتقف وأنت عارف ان لما الواحد بيهمل في تصليح عيب معين ويسيبه تلقى بعد فترة ظهرت عيوب ثانية نتيجة لكدة