لو سمحتوا عاوز معلومات

**viper911s** · 26-02-2011 01:36 AM

بأختصار
سيفيك هاتش باك 94
عاوز اعرف سعرها فى حدودكام
قطع غيارها متوفرة
العربية نفسها موجودة فين علشان مش بشوفها كتير
ثباتها زى السيدان ولا لا
يعنى اكبر قدر من المعلومات

شاكر لحضراتكم

**M_Nabil** · 26-02-2011 04:01 AM

موجودة بس قليلة شوية ومحتاجه صبر عشان تلقى واحدة بحالة جيدة وسعر مناسب أعتقد سعرها مابين 36 الى 40 الف وقطع غيارها موجودة سواء في الحرفيين أو بورسعيد وهيا بتشترك مع السيدان في أجزاء الميكانيكا والعفشه والعربية ثابته ومافيهاش مشاكل

بالتوفيق ان شاء الله

**creative_art** · 26-02-2011 05:17 AM

السيفيك طبعا مفيش غبار عليها ياباشا من حيث الستابيليتي والسرعه والكلام دا

ولكن عايز اوصلك معلومه جاتلى الله اعلم هي صح ولاغلط ولكن عشان اكون عملت الى عليا

السيفيك هاتش باك 94 الى بتتكلم عليهاا...سمعت ان فيه ناس فى بورسعيد كانو بيشترو ملفات العربيات الحوادث وخصوصا فى العربيه ودى وكانو بينزلو العربيات من بره متقطعه حتتين ( مبيتدفعش عليها جمارك ) وبالتالى مبيبقاش ليها ملف بعدين بيغير رقم الشاسيه على رقم العربيه القديمه ( الحادثه ) وبيلحم نصين العربيه على بعض

فا خد بالك ونتا بتشترى العربيه دى بالزات وبص عالشاسيه بتاعها ملحوم ولا لأ لو باين عليه اى حاجه او شاكك فيه بلاش منه

وأرجع اقول دى معلومه الله اعلم منها انا وصلتها وخلاص...بس على فكره الحوار دا كان شغال اوى فى الاوكتافيا والبى ام 316