الموضوع: الحقيقة وراء حادث ميدان الجزائر بالمعادى (شهود عيان)

انا ززززززززززززززززززهقت من يومين مدير امن دمنهور وبعدها ظابط فى المعادى وودى فى مصر النهاردة نعمل ايه ايييييييه ارحمو اللى خلفونا بئه

المشاركة الأصلية كتبت بواسطة hany121

الي كل الشمتانين او الناقمين علي ظابط الشرطه. انا عارف ان معظمهم افتري كتير لكن حط نفسك مكان الظابط وراكب عربيتك ومعاك مراتك او بنتك وسواق المكروباص زنق عليك او خبطك ولما عاتبته او زعقت معاه شتمك ومسح بكرامتك الارض وحاول يعتدي عليك.. رد فعلك هيكون ايه؟؟ مش هتمسك فيه ولا هتسيبه يضربك؟ ولو طلع سلاح وحاول يضربك بيه وانت معاك سلاح هتدافع عن نفسك وتقتله ولا هتسيبه يقتلك؟؟ اذا كان القانون ما بيعاقبش علي القتل في حالة الدفاع عن النفس..
للاسف سواقين المكروباص10% محترمين وعايزين ياكلو عيش و 90% منهم بلطجيه وتجار مخدرات ومسجلين خطر ومعظمهم سايق وهو مبرشم وممكن يقتل علشان 5 جنيه..
احنا طالبنا بمعامله محترمه من الشرطه للشعب (للمحترم والشريف من الشعب) لان الشرطه كانت بتبلطج علي الكل ( الشريف والسوابق) وقصاد كده المطلوب مننا نحافظ علي هيبتهم علشان يقدروا يحمونا لكن واضح اننا ما عندناش وسط اما نسيبهم يفتروا او نكسرهم ونخليهم زي قلتهم .عاملين زي البغبغنات بنطالب ونردد من غير ما نفكر اللي احنا بنطالب بيه ده هيفدنا ولا يضرنا.. كلنا دلوقت بنطالب بتقليص صلاحيتهم وتكتيف ايديهم (علي الكل الشريف والبلطجي) وفي الاخر نطالبهم بحمايتنا!! هيحمونا ازاي وهم مش قادرين يحموا نفسهم؟؟؟ بعد ما كانت الشرطه بتبلطج علينا وفنفس الوقت بتحمينا بنسبة 10% من البلطجيه بقت البلطجيه بتبلطج علينا وعلي الشرطه ومفيش حد بيحمينا منهم!!!!!
لو كل واحد فكر ان البلطجي ده ممكن يوقفه هو ومراته او بنته في الشارع ويهددهم بالسلاح ويخطفها ويعتدي عليها هيعرف قيمة هيبة الشرطه ونعمة خوف البلطجيه منهم.. خوفهم اللي احنا بدون وعي بنساعدهم علي كسره والتخلص منه..
البلطجي الاول كان بيخاف وهو بيخطف واحده علشان يعتدي عليها احسن حد من الشرطه يشوفه ويقبض عليه وكان بيخطف في الاماكن المقطوعه وكانت الناس بتتجنب المشي في الاماكن ده. انما دلوقتي ولو استمر الوضع ده هيعملوا كده في عز الظهر وفي الاماكن العامه والمزدحمه ومش هيخاف من حد والشرطي اللي احنا بنتفنن في زله وكسره ( لصالح البلطجي والحرامي والسوابق) هيخاف يتصدي لهم علشان ما يتقتلش وهيقول لو قتلني محدش هينفعني...

ربنا يلطف بينا ويرحمنا جميعا ..

المشاركة الأصلية كتبت بواسطة factorialx

محدش شمتان غير الفئه ال5%
و جهاز الشرطه مهم جدا و ده شئ معروف
بس مهما كانت الظروف و مهما كانت الملابسات و مهما حصل
مش من حق ضابط الشرطه و خصوصا في الوقت ده و هو كمان في أجازه مرضية يطلع مسدس ميري و يضرب واحد مهما كان لخناقه عادية

و إنك تقول تخيل ماشي إنت و مراتك
لأ المواطن العادي مش مطلوب منه ضبط نفس زي ضابط الشرطه
هو لو كان متحمل المسؤولية فعلا ماكنش عمل كده

لأن ضر الشرطه و الوزارة الداخلية و الشعب قبل ما يضر نفسه

+1000000000000000000000000000
أنا متفق معكاكم انتم الاتنين رغم نقط الخلاف البسيطة بينكم يعنى أستاذ هانى عبر عن اللى كان نفسى أقوله بالموضوع كله و أحسن منى كتير و برده الأستاذ factorialx كلامه مظبوط و المفروض كل صاحب سلطة أو قوة إن يبقى ضبطه لنفسه أفضل و أعلى من الشخص العادى لأن لو كل صاحب قوة ما رد بكل قوته و استغل كل ما أوتى من سلطة لرد اعتداء أو إهانة هتبقى مذبحة رسمية أكيد

المشاركة الأصلية كتبت بواسطة zaza_lanos

ما احترامى لرئ معاليك
واتفاقى الكامل انهم مش السبب فى الوضع المعيشى ليهم
بس الفئة ده بجد معندهاش اى اخلاق
وشوف كمية المشاكل اللى عانا منها كل عضو فى المنتدى
وكمية سب الدين دانا بفكر اعملهم عداد يحسب كيمة سب الدين والبذاءة اللى بتحدث منهم
عارف انهم بيقولوا ان الطريق ده بتاععهم ومن حقهم يعملوا اى حاجة فيه
شوف كمية خدش الحياء الاى سيدة بتركب ميكروباص والسجاير عمال على بطال
وتعاملهم مع كبار السن
انا فين وفين لما بقابل واحد محترم منهم
الفكر ده بتاع مسامحة الرئيس والعادلى والحرمية كلهم علشان الظروف عملت فيهم كده وسمحتلهم بالسرقة والنهب للبلد
علشان اولادهم حقهم يعيشوا

ملحوظة اخيرة شوف الناس ده عاملة ايه فى الشارع فى عدم وجود قمع ليهم والتكاتك اللى بتمشى فى شارع الهرم وجامعة الدول العربية

يعنى هما ضباط الشرطه مش العن واضل سبيلااا
يعنى ما ضباط الشرطه بيضربوا الناس وبيشتموهو وبيسبوا الدين وبيلعنوا
دا غير الخمور والمخدرات والدعاره اللى مصرح ليهم بس بيها والباقى لا
كلنا عارفين البلد فيها ايه ومحدش عبيط
ضابط الشرطه مهمته حفظ الامن والسلام وضبط النفس
يعنى لو الناس كلها شياطين هو اللى مسؤل يضبط الدنيا

المشاركة الأصلية كتبت بواسطة kobaitary

ايوه عندي عربيه واتخبطت من ميكروباصات ومن بوكسات شرطه كمان
وخبطت ميكروباصات بالقصد وخبط بوكسين شرطه بالقصد واحد فيهم رزعته قدام مجلس الدوله خليلته الكابينه متسواش تلاته تعريفه
ايه يعني؟؟؟ مش فاهم تقصد ايه
ومش كل اللي بيهاجمو كان نفسهم يدخلو شرطه ولا حاجه
انا كنت اعرف اخش من أول حقوق لغايه طب القصر العيني
طبعا دخلت طب
وجثمانيا فانا اقدر اكل قسم شرطه لوحدي يعني علشان متفكرش اني قصير ولا اعمي ولا حاجه
يعني بالبلدي لو رحت الكشف الطبي حيضربولي تعظيم سلام

وحضرتي بيشتغل طبيب بشري
والغريب انها مهنه محترمه وشريفه ومرتب مضمون وحكومه ومش شرطه ...سبحان الله شوفت ازاي يا خي؟؟
واللي هيشتم ويعمم الشتيمه عالكل يبقى عنده حق
وياريت مادام متوجهلكش كلام متغلطش و تتكلم كويس

أولا دى مش خناقة دى مجرد اختلاف فى وجهات النظر و بعدين هو حضرتك عنده حق فى عدم التعميم و لا لو حصل و كانت فئة الدكاترة اللى بتنصب على المرضى و بتسرق أعضائهم كانت هى الفئة الأكبر فى البلد و حظ سعادتك بمجموعك و طموحك دخلك طب و كنت إنسان محترم مش زى الباقى كنت هترضى بالتعميم اللى بتتكلم عليه دلوقتى و هل مالكش فى قرايبك فى أصحابك فى معارفك ظابط شرطة غلطت فيه بالتعميم ده و لا هل ما عرفتش فى حياتك ظابط محترم ظلمته بالتعميم ده طبعا أرفض تعميمك و أسلوبك فى الحوار مع كامل احترامى لوجهة نظرك

ممكن تخيل الوضع لو مثلاً قال السائق للضابط وحاخد منك سلاحك ياابن كذا وكذا وحلبسهولك كمان يبقي رد فعل الضابط اقل من الطبيعي
وممكن تخيل الوضع كما تم تصويرة الجزء الثاني منة وهو سحل وضرب وحرق وعدم تصوير الجزء الاول
الله اعلم

لقاء مع الظابط المتهم والسواق في المستشفي

http://www.youtube.com/watch?v=C42-k6bTkqM

المشاركة الأصلية كتبت بواسطة factorialx

محدش شمتان غير الفئه ال5%
و جهاز الشرطه مهم جدا و ده شئ معروف
بس مهما كانت الظروف و مهما كانت الملابسات و مهما حصل
مش من حق ضابط الشرطه و خصوصا في الوقت ده و هو كمان في أجازه مرضية يطلع مسدس ميري و يضرب واحد مهما كان لخناقه عادية

و إنك تقول تخيل ماشي إنت و مراتك
لأ المواطن العادي مش مطلوب منه ضبط نفس زي ضابط الشرطه
هو لو كان متحمل المسؤولية فعلا ماكنش عمل كده

لأن ضر الشرطه و الوزارة الداخلية و الشعب قبل ما يضر نفسه

ضابط الشرطه بشر ورد الفعل بيختلف من شخص لاخر بغض النظر عن منصبه وطبقا للفعل او الموقف اللي اتعرضله. تخيل واحد بيتعامل مع سواق مكروباص كانت ركبه بتخبط في بعضها لما يشوف امين شرطه ويلافي سواق الميكروباص ده بيشتمه ويسبله ويرفع عليه مطواه واكتر من سواق جايين يتهجموا عليه يدافع عن نفسه ازاي؟؟ يحط سلاحه في جرابه ويسيبهم يضربوه وياخدوا منه سلاحه ولا يدافع عن نفسه؟علما بان في ناس من الي شافوا الواقعه قالوا انه ضرب طلقتين في الهوا ولما لاقهم برضوا بيهجموا ضرب في المليان..

( علي فكره الميكروباصات ده موقفها تحت بيت الضابط وهم عارفينه وعارفين عربيته وفي الغالب كانوا بيجروا شكله علشان يضربوه والله اعلم )

أقرا الواقعه اللي في اللينك ده وقولي اللي عملوا ضابط المرور ده هو رد الفعل الطبيعي وهو ده ضبط النفس المطلوب؟

http://www.nilemotors.net/Nile/203301-a.html

انا عن نفسي كان رأيي ان ضابط المرور كان يصمم علي اللي قاله ويسحب رخصه ولو السواق حاول يعتدي عليه كان ضربه رصاصه في ركبته( اليمين ) علشان ما ينفعش يسوق تاني ولو حد تاني حاول يعتدي عليه برده بتضرب بالنار طالما انه بينفذ القانون وبدأ باحترام وفي شهود يبقي من حقه يتعامل مع اي خارج عن القانون حسب تقديره للموقف... ضبط النفس مع النوعيات ده هيخلينا عايشين في غابه ملوكها واصحاب الكلمه العليا فيها السوابق والبلطجيه..

انزل الاسعاف وشوف سواقين الميكروباصات اللي كانوا الاول بيحملوا وهما بيتحركوا خوفا من امين الشرطه اللي واقف واول ما كانوا بيعرفوا ان الظابط جاي والله كنت بشوفهم بيخبطوا في بعض وهم بيجروا علشان يركبوا عربياتهم ويجروا قبل ما ييجي. دلوقت واقفين صف تالت وموقفين الشارع..