(مفيش فااايدة) مدير امن البحيرة يسب ويتوعد الشعب بقطع اليد والاعتقال

**greenday** · 25-02-2011 02:22 AM

ياريت كلنا نبعت الفيديو ده لجميع البرامج الحوارية والمجلس الأعلى للقوات المسلحة عشان نخلص منه ويبقى يورينا مين الكلب ومين الأسياد

**mr_vampire** · 25-02-2011 02:23 AM

ياريت فعلا اللي معاه ايميل نقدر نراسل بيهم المجلس العسكري

**wa7d** · 25-02-2011 02:34 AM

والمصحف ولا البلطجى , احسن ناس تتعامل معاهم هما البلطجية

**heshamzaky** · 25-02-2011 02:35 AM

دكتور محمد ازى سعادتك يا فندم . بص هو الراجل طبعا واقف بيتكلم فى وسط رجالتة بتوع الشرطة وواضح كلامة بس هو للاسف مش ذكى لان الكلام الى هو بيقولة و خصوصا أنة تم تصويرة اى حد حا يشوفة حا تكون النتيجة هى تهيج الراى العام علية هو كان مفروض كقائد يوعى ظباطة و يقول لهم المهام الى لهم و الى عليهم بس أنا تقريبا فهمت دماغة الغريبة هو بيحمس الظباط دة مظبوط بس للأسف بيحمسهم بصورة مش صحيحة يعنى كان ممكن يقولهم لازم نطارد البلطجية و الحرامية و نقضى على البلطجة و نعيد للشرطة هيبتها و نقطع يد كل سارق و مثير للشغب و مخرب و يحث الظباط على التعامل بالحسنى مع المواطن الشريف بس للأسف هو فاتح صدرة شوية و اعتقد الفيديو دة وصل للقيادات الى فى الداخلية و حا نشوف رأيهم اية لان الشرطة دلوقتى مفروض تمتص غضب الناس و تحاول ان تطبق القانون بصورة جيدة و مشرفة دون تجاوز

**mr_vampire** · 25-02-2011 02:37 AM

وحتتتتتتتتتتتتتتتتتتتتتتت تي لو اعتبرناه مجرد كلام لرفع الروح المعنوية لرجالته . بيخرجو برا يتنططو عالناس وعارفين ان مديرهم في دهرهم.

**Mostafa.Mahran** · 25-02-2011 02:37 AM

للاسف ديل الكلب مش بيتعدل

**MBhead** · 25-02-2011 02:41 AM

هههههههههههههه مدير امن البحيرة دا اخره
سيادة اللواء المحترم دا من كام سنة شتمه و بهدله و كان حيضربه نقيب طيار من القاهرة و جاب الشرطة العسكرية و محدش اقدر بعمل للطيار اي شي و كان الكلام دا في دمنهور في وسط الشارع و وسط الظباط يتوعه و اخويا حضر الواقعة بنفسه و حكالي
ديل الكلب عمره يا ينعدل و الناس دي طول عمرها قذرة و زبالة المجتمع ازااااااااي هينضفو طيب و الله ولا حتي بعد 100 سنة
و بيقول احنا اسيادهم .......اسف انتم بلا شك حثالة المجتمع

**thedeveloper87** · 25-02-2011 02:41 AM

عمر ديل الكلب ما هيتعدل

أرجو إنك تكون سامع الكلام يا سيادة وزير الداخلية

**نور القمر** · 25-02-2011 02:44 AM

في فرق بين الحزم والشجاعة وبين الصفاقة
ده كفاية جنون العظمة اللي عنده شايف نفسه سيد والناس كلاب
وكفاية جملته الاخيرة والتشفي في المصريين لما بيقول كانوا بيعيطوا ويقولوا هم فين
واضح انه كان عاجبه الفوضى بتاع 28 والاحساس بعدم الامان عند المصريين لما اتسحبوا من مواقعهم زي الفيران
بعد سريب الفيديو ده مصيره يتنش رصاصة او الاقالة