الموضوع: الفيديو الكامل لمدير امن البحيرة

المشاركة الأصلية كتبت بواسطة megamoudy

الخير في وفي امتي الى يوم القيامة الحمد لله


الراجل اللي واقف ورا مدير الامن ده اللميع :d

ههههههههههههههههههههههههه هههه

المشاركة الأصلية كتبت بواسطة heshamzaky

الله يكرمك يا باشا دة من ذوقك و صدقنى و الله الناس كلها متفقة على حاجات كتير جدا جدا جدا بس كل شخص لة فكرة و لة طريقة معينة علشان ينفذ الفكرة و فى النهاية حا تلاقى الطرق كلها تؤدى الى روما زى ما المثل بيقول ز و بجد لغة الحوار بلاقيها بتحتد بين الاعضاء جامد و طبعا دة ناتج لان تفكير كل واحد مختلف عن الشخص الاخر و العمر و السن بيفرق فى طريقة التفكير يعنى الشباب متحمس زيادة شوية و دة كويس بس الحماسة الزيادة بتؤدى الى خطأ و مش عاوزين الاعضاء يزعلو من بعض و كلنا اخوة دة يا راجل لما لا قدر الله حد فى المنتدى بيحصل عندة حالة وفاة تلاقى الناس كلها الى يعرفة و الى ما يعرفهوش بيدخل و يكتب مشاركة عزاء و لو حصل تجمع و لقاء تلاقى الاعضاء مع بعض سمن على عسل بس الكتابة على الكى بورد غير التواصل المباشر

على فكره انا عندي 23 سنة بس بفكر بتعقل شوية ممكن من اثار كلية الطب ههههههههههههههههههه خلتنا عواجيز شوية


على فكره يا استاذ هشام انت بتقرا افكاري ولا ايه انا اخاف بقى ههههههههههههههههههههه

أصل فعلا انا دايما بقول الكلام ده الكلام من خلال الكيبورد مش بيوصل الحالة النفسية للكاتب ف بعض الاحيان ممكن الواحد يكون قصده كويس ولكن مش هيظهر ابتسامته او هدوءه وساعتها الكلام بيتفهم غلط


تحياااااااااااااااااااااا ااااااااااااااااااتي

المشاركة الأصلية كتبت بواسطة megamoudy

من غير تخيل

حصل هنا نفس الكلام امبارح ف الزقازيق ف المنتزه

ظابط جي يركن عربيته قدام محل

فطلعله صاحب المحل وقاله ياريت حضرتك تركن بين المحلين عشان الناس تدخل

قاله الظابط هي بلطجة ومش هعدل ركنتي

قعدو يشتمو ف بعض والظابط قاله انت مش عارف انا مين وانا اعمل ايه

راح صاحب المحل نده على الشارع كله ظابط شرطه يا جماعه وقل ادبه عليا وا وا وا

الناس اتلمت على العربية كسرو ازاز العربية ورا وقدام وشبابيك العربية والكاوتشات الاربعه اقطعوعها وومقدرش يعمل حاجة

هو طبعا غلطان وصاحب المحل غلطان انه نادى بقيت صحاب المحلات

ربنا يستر يارب

طيب بذمتك
من تصرفات الضابط ده
واديك قولت الموضوع من غير ميعاد
هل ده يحسسك ان فيه فايدة نفس الغطرسة
واستخدام منطق القوة يبقى بتلوم ليه الراجل اللي لم الناس
وبعدين بتقولو اديهم فرصة طب ازاي وفي نوعية مش عايزة تدي نفسها فرصة
يعنى لو كان رجع شوية من غير مين انا مين ومش مين كان ايه اللي هيجرى
اهو عرف هو مين كدة كويس بقى

المشاركة الأصلية كتبت بواسطة mahmoudysf

طيب بذمتك
من تصرفات الضابط ده
واديك قولت الموضوع من غير ميعاد
هل ده يحسسك ان فيه فايدة نفس الغطرسة
واستخدام منطق القوة يبقى بتلوم ليه الراجل اللي لم الناس
وبعدين بتقولو اديهم فرصة طب ازاي وفي نوعية مش عايزة تدي نفسها فرصة
يعنى لو كان رجع شوية من غير مين انا مين ومش مين كان ايه اللي هيجرى
اهو عرف هو مين كدة كويس بقى

منا عارف انه غلطان مليون ف المية

ربنا يهديه أصله مش عدونا برده

انا ممكن اعتبره مريض نفسي ولازم يتعالج وعلاجة بالمحاضرات والندوات والكلام ده ويكون اجباري

بس هقولك حاجة في ناس عندها صبر وهتقوله للا ياعم مش عاوز اعرف انت مين ولا هتعمل ليه

روح لحالك وهستحمل جايز ده بالنسبالي

القانون النفسى يحتم ان يتغير سلوك الشعب الى اقصى الطرف المقابل فى التعامل مع هؤلاء من الشدة والعنف وبالتالى لازم هتحصل كوارث كتيرة نتيجة لهذا الصدام الى ان تحدث مرحلة الاتزان السلوكى لكل منهم
يعنى خدلك سنة كدة ولا حاجة كل لما ظابط يفتح بقه ياخد بالجزمة لغاية ما يبداوا يحسوا ان الدنيا اتغيرت ويفوقوا من الوهم اللى كانوا عايشين فيه من 30 سنة فاتت
تقبلوا تحياتى

الغريبة انهم على كلام ابن خالي وهما ليهم محل ف المنطقة وبكل صدق متعرضش للظابط

انهم فشو غلهم ف العربية بس اكمنها كانت لسه بالورق الابيض ع الكبوت لكن الظابط مضربش جامد

والغريبة شوف رده وانا مكتبتوش مش عارف ليه

قالهم شكرا يا رجاله ومشي والله العظيم انا متأكد من صحة كلام قريبي